زوجي غائب وانا حامل
بقلم يسرا
اسمي دعاء عمري ٢٧ سنه زوجي مغترب في واحده من دول الخليج وساكنه مع نسابتي لانو زوجي رفض ارجع بيتنا بعد الزواج حتي وهو مسافر قال اقعد اساعد أمو لأنها مره كبيره وهي صراحه كانت بتعاملني كويس زوجي قعد معاي تلاته شهور وسافر وتاني م شفتو وخلال الفتره دي م حصل حمل وانا هو ما اهتمينا بالموضوع لانو الفتره كانت بسيطه شديد وحياتي كانت ماشه كويس لحدي ما في يوم حسيت بي دوخه وطمام شديد جات عمتي ام زوجي اسمها عفاف قالت لي مالك قلت ليها م عارفه حاسه روحي تعبانه قالت لي يمكن ملاريا الايام دي البعوض شديد قلت ليها بعدين المساء بمشي افحص قالت لي لا امشي هسي وانا بجي معاك قلت ليها خليك انتي خلاص ي امي بمشي براي ولو حصلت حاجه بضرب ليك مشيت الدكتور وسألني لو متزوجه او لا قلت ليهو ايوه متزوجه ومن ضمن الفحوصات كتب فحص الحمل قلت خير ما مشكله ما بفرق عملت الفحص وجبت النتيجه الدكتور قال لي مبروك انتي حامل 🤰 وكتب لي فوليك اسيد اجي حامل كيف يعني قلت ليهو قال لي مش قلتي متزوجه قلت ليهو اي لكن زوجي مسافر قال لي عيدي الفحص تاني طيب عدتو وكانت النتيجه برضو ايجايبه ولا دخلت الدكتور مشيت معمل عملت فحص تالت ونفس النتيجه دي كربه شنو ي اخواني انا قاعده في البيت مع نسيبتي ونسيبي فقط ونسيبي ده راجل كبير عمرو كم وسبعين ومقعد م بتحرك أعمل شنو واقول ي منو دي فضيحه جاهزه ومافي زول ح يصدقني رجعت البيت رقدت وبقيت براجع في نفسي وخط سيري الشهرين الفاتو لقيت نفسي م مرقت من البيت حتي ناس امي ما مشيت ليهم عشان عمتي عفاف كانت عيانه واثناء م كنت بفكر جات عفاف قالت لي اها الدكتور قال ليك شنو قلت ليها تايفود بس يومين كده وببقي كويسه اقوم اخت ليك الغداء قالت لي خليك ي بتي انتي عيانه انا بختو قفلت علي الباب وبقيت ببكي والدموع عشره عشره بقول ي رب تكوني بتحلمي ي دعاء ي رب يكون ده كابوس وفجأه تلفوني ضرب و ظهر لي رقم ......يتبع
↚
زوجي غائب وانا حامل ٢
تلفوني ضرب وظهر لي رقم زوجي رديت عليهو سلم علي واتطمن علي اخباري وقال لي انا عامل ليك مفاجأه قلت ليهو مفاجأه شنو قال لي لو وريتك ح تبقي مفاجأه كيف قفلت منو وانا قلبي واجعني شديد عفاف جات قالت لي ورح الغداء ي بتي قمت مشيت اكلت معاها وهي ونسيبي وغسلت الصحون ورجعت غرفتي بقيت بفكر اعالج المصيبه دي كيف وصلت لي قرار اني امشي اجيب حبوب إجهاض من الصيدليه لكن قلت لنفسي للضمان ي بت امشي جيبيها من صيدليه بعيده شويه من البيت ولانو الدنيا كانت خلاص داخله علي المغرب قلت خلاص الصباح رباح حسيت بتحسن شويه بعد الفكره دي طلعت اتونست مع عمتي عفاف وعملت شاي المغرب واستاذنتها بكره اني ماشه ناس امي طولت منهم قالت لي كلامك صاح وانا ذاتي كنت عايزه اقول ليك كده من زمن مرضي م مشيتي لي امك ولازم تفقديها قلت ليها خلاص م بتاخر قالت لي احدي راحتك ي بتي لكن كان الزمن اتأخر بيتي هناك لانو الدنيا بقت كعبه والحراميه وأولاد الحرام ملو البلد قلت ليها باذن الله قبل المغرب بكون معاكم ح اقوم اعمل الملاح وادخلوا ليك التلاجه عشان بكره تسخني بس قالت والله م عارفه اجازيك كيف ي بتي خلصت شغل ومشيت غرفتي قفلت الباب ونمت وصحيت بدري مشيت ناس امي وطلعت منهم قبل العصر مشيت كم صيدليه عشان اشيل الحبوب وانفذ خطتي مافي اي صيدلي وافق يديني رجعت علي البيت وانا مخي ح يضرب اول م دخلت سلمت علي امي عفاف ومشيت غرفتي اغير هدومي لقيت زوجي جوه اتصدمت شديد وقلت في سري هسي دي ظروف يجي فيها المهم سلمت عليهو وعملت نفسي مبسوطه وكده وانا في الحقيقه مرعوبه وخايفه انو يشك فيني او تحصل حاجه واتفضح بليل حوالي الساعه عشره كده راجلي قال ماشي النادي وانا قلت اخد لي نومه خلاص طفيت النور والنوم كان مجافي عيوني بعد ربع ساعه حسيت بالباب بفتح براحه كنت قايلاهو زوجي لكن كانت الصدمه .......يتبع
بقلم يسرا
↚
زوجي غائب وانا حامل ٣
حسيت بالباب بفتح براحه وكانت الصدمه انو دي نسيبتي شايله ليها حاجه ذي مبيد الحشرات رشتها وطلعت انا تاني م صحيت الا الصباح ده شنو ي جماعه امبارح حصل شنو نسيبتي دي رشت شنو وانا بعد نمت حصل شنو ما قمت من مكاني لحدي زوجي جاني في الغرفه قال لي الحاصل شنو انتي كويسه مالك نايمه كده من امبارح كانك م واعيه انا جيت صحيتك كم مره ما صحيتي قلت ليهو مافي حاجه انا بس تعبانه شويه قمت نضفت البيت وكنت قاصده انضف البيت ك
زوجي غائب وانا حامل ٤
زوجي دخلني الدكتور وسألني كم سؤال كده وقال لي تعالي نعمل موجات نطمن علي البيبي طبعا اقل شى بكون عمرو تلاته او اربعه شهور زوجي متخيل انو عمرو أربعين يوم كنت خايفه لمن يعرف ح يقول شنو اكيد الليله بقتلني في مكاني لو عرف الدكتوره قالت لي وين كرتك قلت ليها اول مره قالت لي وين من بدري م تابعتي زوجي قال ليها م كنا عارفين وهو ذاتو الحمل يدوب قاطعتو قلت ليها يدوب عرفنا البيبي كويس ولا في مشكله قالت لي جيبي الحبوب دي والولاده ح تكون يوم قبل تخلص قلت ليها عايزه استفسر من حاجات المهم طلعنا منها وانا قلبي كان ح يقع في رجولي اقسم بالله زوجي كان فرحان اجر تاكسي ورجعنا البيت كلم أمو فرحت فرح شديد وعملت كرامه بيني وبين نفسي قلت دي شنو المره الغريبه دي بتتصرف معاي طبيعي كانو ما قاعد تعمل حاجه شكلي فعلا ظالماها خصوصا انو انا من اتزوجت بتعاملني احسن معامله كأني بتها عفاف قطعت حبل أفكاري وقالت لي اما ماشه الجامع حلقه التحفيظ وح اوزع الكرامه انتي خليك وتاني ب دعاء م تتعبي نفسك نهائي ي بتي بقيت بعاين لي نسيبي كان مقعد وما بتكلم ي ربي بمثل علينا وهو ما مقعد ولا حاجه كنت ح اجن مافي راجل غيرو في البيت قربت منو كده زوجي جاء داخل قال لي لو سمحتي ي دعاء جيبي الابريق اغسل لي ابوي ده رجلينو شكلهم بوجعوه شديد من قبيل بأشر ليهم جبت الابريق وجيت راجلي رفع رجل ابوهو كده رماها وبقي يصرخ
يتبع
ممكن متابعة فضلاً