تقرير حول اقوى أساليب تعامل الرحال لكسب ود النساء
١- الست دائماً علي حق حتي ولو غلطانة
الستات لا يمكن تقتنع أنها علي غلط بالعكس ديه ممكن تسفه من كلامك حتي ولو صح وتقنع اللي حواليها برأيها وافتكر أن احمد امين طلع مع محمود سعد في بوداكاست وقال إن مرة هو وزوجته جابوا غساله ومكنش لها مكان في فيشة الكهرباء فالمنطق اللي قاله احمد لزوجته أنهم يجيبوا كهربائي يعمل مشترك أو فيشة جديدة فزوجته رديت عليه بطريقة :-
"هو احنا لسه هنجيــُـب كهربائي عشان يعمـــلنا فيشة طب ما نشيل الحيطة اسهل "
الغريب أن أحمد أمين بيقول أن أولادهم اقتنعوا بطريقة عرض امهم للحل واللي ظهر من أسلوبها إنه حل مثالي للمشكلة وأسهل من فكرة أنهم يجيبوا كهربائي.. الست أقنعت الاولاد أن الاسهل إزالة حيطة من الشقة عن أنهم يجيبوا كهربائي.. انت متخيل الوضع اللي بيواجه الرجالة.
٢- متدخلش صراع مع ست بأي طريقة لانك في كل الأحوال خسران حتي ولو كسبت.
الحكاية ديه حكتها قبل كده عن مهندسة زميلتنا عصبية طول الوقت وبتشاكل ذباب وجهها وكان في بينها وبين مهندس زميل آخر شغل فراح زميلنا لورشتها عشان يسأل عن الشغل فالكلام جاب بعضه واتنرفزت عليه فالراجل ما كان منه غير أنه سابها ومشي وهي تجري وراه ٣ مرات توقفه عشان تتخا نق معاه والراجل برضو بيسيبها ويمشي زي اي راجل محترم بيخاف علي كرامته ومش عايز يسمع كلام ميكنش فيه بعده رجعة فالمهم الست من كثر الحزق جالها نقطة ووقعت من طولها وهنا سيدات المصنع و زميلاتها اتهموا المهندس أنه هو اللي زعلاها ونقطها وبعد ما راجعوا الكاميرات وجدوا أن الراجل سابها ومشي ٣ مرات بدون كلام وفي كل مرة كانت بتجري وراه وتشده من أيده فالستات لما عرفت الحقيقة قالت برضو هو اللي نقطها فقالولهم إزاي فقالوا نقطها ببروده.. انت متخيل أن الستات تكاتفت مع بعض علي الباطل .. الستات في الوقت ده بينحوا مشاكلهم جانباً من منطلق ديه وليه ومكسورة الجناح ولو مكنش الولايا يقفوا جنب بعض يا ضنايا اومال مين اللي هيقف وبعدين اللي هتعمليه دلوقتي يا حبيبتي هيتردلك بكرة في مشكلة ليكي.. هو ده مبدأ الستات في التعامل مع المشاكل بشكل عام يعني في بنات شوفتهم بيدافعوا بإستماتة عن هادية غالب رغم أنهم ميعرفوهاش وهادية لو شافتهم في الشارع مش هتسلم عليهم أصلا لأنها مش من طبقتها ولكن دافعوا عنها من منطلق اللي يجي علي الولايا ياخويا.
من ضمن الأسلـ،حة المحر مة دوليا وبتستخدمها الستات طول الوقت لحل اي نزاع وده سلاح فعال وحيوي معاهم وبتستخدمه كل الستات مهما كانت طبقاتهم الاجتماعية أو تعليمهم وهو التشتيت.. في طرق مختلفة لتشتيت اللي قدامك يعني مثلا الستات في المصالح الحكومية أقروا علي طريقة واحدة وهي أنها تزعق في اللي قدامها فأما يكش ويسيبها أو يغلط فيها وهي ديه اللي عايزاه وبالتالي تركبه الغلط وتزيح تركيزه عن الموضوع الرئيسي فمهما حصل خليك focus ومتنجرش وراء اي تشتيت.
٣- متحكيش لزوجتك اي سر من أسرارك مهما كان لأن الستات بمجرد ما يحصل معاهم مشكلة بيستخدموا اي سلا.ح لديهم ضد الخصم بتاعهم فأنت لو قاعد قعدة صفا مع المدام وضاممها لصدرك بعد علاقة حميمية وبدأت تحكي فضائح عنك فأعرف إن كل اللي قولته اتسجل خلاص في مخها ومع اقرب مشكلة ما بينكم هتستخدم كلامك ضدك.. فالافضل لك أنك تكون كتاب مقفول.. الحاجة الثانية أن الستات بتضر ب تحت الحزام في وقت الخصومة وافتكر أن في اتنين سلايف كانوا متخانقين فأدعت الأولي علي الثانية أن أبنها ده مش من زوجها ولكن من حماها فقامت مشكلة كبيرة كادت أن تفني العائلة بأكملها وانتهت المشكلة بطلاق المدعية.
٤- لو هتتجوز وهتخطب فشوف ام البنت وتعامل ابوها مع أمها يعني لو الاب مركوب من الأم فأعرف انك انت كمان هيتم ركوبك ولو مرضتش تنخ هيحصل مشاكل كتير ما بينكم.. اصل انت مش أحسن من أبوها المركوب وعليه لازم تتركب زيه.. فأنت لو دخلت البيت وعرفت أن الكلمة كلمة الست فأنت أعرف ان البنت في الغالب هتكون نموذج من آلام وانت في الغالب هتكون نموذج من الاب فلو عجبك الحوار كمل لكن معجبكش فأخلع من البداية بكل هدوء.
٥- عد.و المرأة الاول هو المرأة فلو الشغل كله ستات فالافضل أن المديرة بتاعتهم تكون ست لأنها فاهمة وعارفة كل اللي اتقال فوق فمبروم علي مبروم ميرولش لكن لو راجل بقى مدير مجموعة سيدات فحرفيا هيتم التلاعب به زي الكورة خصوصاً لو راجل محترم طب لو مديرتك ست ولاقيتها قارشة ملحتك من غير سبب فأعرف كده أن السبب وشاية من واحدة ست انت ضايقتها أو زعلتها من غير ما تعرف فدور علي اقرب ست للمديرة وراضيها عشان مديرتك ترضى عنك .. اصل الستات لو حطوا حد في دماغهم هيكفـ،،روه.
أخيراً خلي معظم تعاملاتك مع الجنس الآخر في إطار حضرتك ويا افندم وكل ما تبعد كل ما كان احسن لك صدقني لأن اي عشم هتدفع تمنه بعدين ♥️
اكتب لنا فى التعليقات عن تجربتك ورأيك فى الكلام ده