#أحضن زوجتك 👩❤️👨
صدقني والله هي مش عايزة منك كنوز الدنيا ولا حاجة ..هي حد مكتفي جداً ...غنية النفس بشكل ما تتخيلهوش ...عزة نفسها وكبريائها ومشاعرها ...هم كل ثروتها ....
_ هي محتاجة منك شوية احساس بيها ....تخيل !!! احساسك بيها ده عندها بالدنيا......هي مش عايزة مغريات المال والهدايا اللي تجنن والمفاجآت اللي ما حصلتش ...
_ هي مش جعانة فلوس وماديات وخروجات وفسح وشوبنج ودهب وماس ... كل ده بالنسبة لها هوامش ...حتى لو قالت انا بفرح بكده .....فرحتها بيهم مؤقتة ✋
...لأنها فعلاً شبعانة في بيت أهلها ...وجاية لك مكتفية ....عندها الاكتفاء المادي اللي يغنيها عن التفكير في الاحتياج المادي ...مابيشغلهاش الفلوس ..على قد ما بيشغلها الاحساس ..الأسلوب ...الكلمة...الفِعل ..الموقف معاك ..الحياة معاك شكلها ايه!!؟ ....هي لما اختارتك ..
_اختارت الكيان اللي يتعاش ويتعشق ويصون ويحس ويراعى ويرحم ويودّ وينصت ويتفهّم ... ..هي محتاجة إنها تحس إنها فعلاً أهم حاجة في حياتك .....
_هي محتاجة تحسّ معاك "الونس الآمن " حرفياً...لأنك مش بس أخدت مكان ومكانة أهلها ..انت مش بس الونس ...انت المساحة اللي مش مسموح لحد غيرك إنه يحتلّها أو يفكر يقتحمها .....
وهي لما سمحت بالمساحة دي ...هي منحتك شئ هيتعاش معاك مرة واحدة وهيخلص بلا رجعة ....
_منحتك "العُمر " ....والعُمر ده اللي هي ألزمت نفسها تكمّله معاك ...كان عن طيب خاطر ونفس .... العُمر اللي هتعيشه برضاها ...مش هتقدر تتحمّل إنها تعيشه مضطّرة ومجبورة وأيام بتمر وخلاص .....
_صعب تنتظر منك استهلاك العُمر ده في أيام كلها برودة وجفاء ولا مبالاة ..أو قسّوة أو لِعب بالأعصاب واستهتار بمشاعرها أوأحزانها ...
_هي مش منتظرة التعويض المادي اللي يعوضها عن غيابك أو سوء تصرفاتك ... ولا الثراء اللي يغري العين والنفس .....
_هي مش منتظرة إنك تأمّن لها مستقبلها ..
مجرد احساس إنها متطمنة بيك ومعاك.. ده لوحده يكفيها ..
_هي فعلاً محتاجة تطمّن ...تطمّن إن رغبتك فيها وحرصك عليها وتمسّكك بيها يشبه بالضبط تشبّثك وحرصك على الحياة.....
وإن بعدها عنك ...مصيبة كبيرة زي مصيبة الموت والفقد واليتم بالضبط ......
_هي مش عايزة الانشغالات الحياتية تاخدك منها .....
و ده حقها ...
_هي محتاجة ما تحسش بالندم في يوم من الأيام إنها اختارتك ...إنها تبقى مرتاحة لقرارها اللي لما اختارتك سند...عرفت تختار السند الصح اللي ما يخيّش الظن فيه مهما شابت ....هي لما اختارتك هي شافت فيك جدار للعُمر مش مش عشان تلحق قطار العُمر قبل ما يعدّي ويفوتها ...
_هي محتاجة تحس من جواها إنها فعلاً مكسبك وحظّك الحلو اللي طلعت بيه من الدنيا ...مش مجرّد قسمتك ونصيبك اللي اتكتب عليك .....
_هي مش هتغريها المغريات
ولكن بيأسرها المُنجيات ....
الرحمة والرعاية والاهتمام .. هي المُنجيات بالنسبة لها من أي عُسر معيشي أو تخبّط هتعيشه على مر الأيام معاك مرورا بالعثرات والمشاكل والخلافات بينكم ....
_محتاجة التقدير ثم التقدير ثم التقدير....وصلت👊؟؟
انت لو قدّرت ....هتتشال فوق راسها وجوا عيونها ✋
_ الاهتمام والاحساس بيها في أوج لحظات زعلها ..هي دي اللحظة المقدسة بالنسبة لها. ...انك تطفي نار غضبها منك وقت الخلاف ...ده الملاذ الوحيد لضمان سعادتها بين ايديك
_ماتروحش تطفي النار بعد ما تكون وصلت جواها لبركان وصراع كبير .....لأن البركان ده هتروح تلاقيه رماد راكد ...سايب وراه بقايا انسانة لا قادرة تشفع لك ولا عايزة تسمعك من الأساس .....هيكون فات الآوان خلاص ....دورك بيبدأ وقت ثورتها واشتعالها ....مش وقت ما تهدا وتروق لوحدها ومع نفسها ..
ما تسيبهاش .....في زعلها لوحدها
ما تسيبهاش ...في وجعها لوحدها
ما تسيبهاش ...في ضعفها لوحدها
ما تسيبهاش ....في احتياجها لوحدها
حتى في سكوتها ....ما تسيبهاش لوحدها
أنا مش بهددك ....انا بقولك خد بالك لتزعل انت 👊✋😃
وقد أعذر من أنذر ✋😂👊