لقيت جوزي بقاله فتره كده مبيقعدش في البيت كتير
ولو قاعد ماسك الفون
وانا مابين الاكل والعيال والترويق قولت لا
الحق الراجل قبل متيحي واحده تخده مني
قولتله بقولك ايه ياحبيبي احنا مش بنعرف ناخد راحتنا من العيال وكده
ابه راءيك تقعد من الشغل بكرا
تودي العيال المدرسه وترجع ونعيد ايام شهر العسل وكده
بصراحه وافق وقالي اخيرا هتخدي بالك مني شويه
انا محتاج شويه اهتمام ودلع منك لاحسن انا قربت ابص برا
ا قولتلو لالالا برا ايه دانته هتشوف احلي دلع
المهم جه الصبح وجوزي راح يودي العيال
وانا حضرت نفسي ولبست قميص جديد ومكياج وفردت شعري بمعجزه
وحضرت الفطار وولعت على الغدا بدرى بدرى عشان افضى للراجل
وريحت شويه عقبال ميجي
وفعلا رجع دخل لقه ريحة شياط
اتاري سيبت صنيه الاكل علي البوتجاز والعين شغاله
والدنيا كانت هتتحرق لولا ستر ربنا
وانا روحت في النوم من التعب مع العيال صحاني وقالي الفطار اتحرقت
والدنيا كانت هتولع الله يحرقك
قولتله ولا يهمك اقوم اعمل غيره قالي لا مش مهم الاكل يلا بقا
قولتله لا يلا ايه دانا هرقصلك قالي كمان
ايوه بقا المهم انا مبعرفش ارقص
قولت بس لازم ارقصله
هو الرقص ايه غير اتنطط وهز في شعري
شغلت اغنيه وانا فضلت انط زي الحنطور
وشعري يمين وشمال ولو راح يمين ميرجعش تاني
ولو راح شمال يثبت مكانه
وهو يقولي خلاص وانا قوله ابدا لازم الاغنيه تخلص
عقبال مالاغنيه خلصت كنت انا كمان خلصت
رحلي وجعتني وبقيت مش قادره اتحرك
وشعري وقف ومن الحر والعرق المكياج ساح
وانا كل الي عليه اقوله تصدق الرقاصات فعلا بيتعبو
وهو يقولي ده علي اساس انك كنتي بترقصيي ما علينا يلا بينا بقا
يلا بينا فين بس استنا عليه انا جالي شد عضل
استنا لما افك شويه قالي طيب لما تفكي قومي اغسلي وشك
عشان بقيتي شبه ابراهيم نصر في الكاميرا الخافيه
بصتله بنظره تناكه وقولتله انا جميله علي اي وضع
وجيت اقف وقعت قولتله اسندني يخليك
جه يسندني شعري يجي علي وشه يشوكه يقولي ايه لازمته نكشه شعرك كده لميه
بدل مشغال يشوك فينا
بصتله نفس نظره التناكه وقولت اسمه فرده شعري مش ناكشه
وجيت اقف لقيت نفسي مش قادره اقف من الرقص
قولته معلش ياحبيبي تجبلي مرهم مسكن الالم
احسن رجلي مش حاسه بيها قالي مسكن الم طيب
قولتله استني عليه بس دانا هقوم دلوقت وابقا فرسه
جاب المرهم وفضل يدعكلي في رجلي
ويقولي خلاص وانا قوله ماقادره لحد ماجي ميعاد العيال
قالي اسيبك انا مع وجع المفاصل واروح اجيب العيال
راح جاب العيال من المدرسه وانا روحت في النوم من التعب
مقومتش غير باليل قومت لقيت العيال متغديه وبتتفرج علي التلفزيون وبقولهم ابوكم فين بيقولولي لم هدومه ومشي
هى الرجاله بقا خلقها ضيق كده ليه ده شد عضل والله
تابع الصفحة واضحك من قلبك يا قمر
🤣مساء الضحك والفرفشة يا عسل ابيض🤣🤣🤣🤣