.jpeg)
رسالة من اخت من داخل الخيام
بدكم روتين الخيمة؟
١.بتصحى من ال ٥ الصبح على الذبان والشوب
٢.مبتنامش طول الليل من الحشرات
٣.بتجري بدك تلحق دور الميّة
٤. بتغسل وبتتحمم عشان يرجعو يعبّو الميّة مرة ومرتين وثلاثة وأربعة
٥.اه المية بتكون بعيدة عنك كيلو
٦.بدك تشرب شاي؟ يلا ولّع حطب وحط بلاستيك ونايلون ولحّق يا معلم عالدخنة
٧. بتعجن ونتا بتكش بالذبان وبتروح عفرن الطينة تخبز عشان تلحق
٨.بتكون خلّصت المية الظهر وبيصير بدك ترجع تعبّي ثاني
٩.بيصير مشكلة على المية ومين يروح يعبي
١٠.بيجي موعد الغدا بعز الشوب والقرف وبنصير نأجل لبعد المغرب عشان تكون برّدت شوية
١١. بتعرق وبتشوب وبتصير تلف حوالين حالك مش عارف شو تعمل من كثر الحرارة
١٢.بتسمع مشاكل جيرانك وبتحط ايدك على خدك وبتسرح
١٣.بتلاقي الناس بتجري فجأة وبتصرّخ عشان طيران المساعدات اجا
١٤.يطلع الصغير يلعب كرة بتلاقي جارك طلعله وفش كُل غل الحرب فيه
١٥.بيكون ماشي ولد صغير عمره ٤ سنين بيغلط عليهم
١٦.عشان تشبك نت بتمشي مسافات وبتدفع عشان ال ٣ ساعات شيكل وسرعته يا دوب بتبعت مسج واتساب
١٧. بتروح تدوّر على الاحتياجات الأساسية -كالشامبو والصابون ودواء الغسيل والجلي- وبتلاقيه كله صنع محلّي ولا يصلح للاستخدام حتى
١٨. كله بتمشكل مع كله ومحدش متحمل حد
١٩. بدك تضل بطقم الصلاة تجنبًا لأي طارئ
٢٠.بنعمل الغدا على المغرب وبناكل وبنحاول ننام عشان نستغل عدم وجود الذبان
٢١.الأكيد انك مش حتعرف تنام من الدوشة
بدكم كمان ولا أسكت؟
وسامحونا ياكرام لو ازعجناكم 😢