المرأة العاملة بتسيب هرموناتها في البيت قبل ما تروح الشغل.. وتحافظ على حق المدير وحق الزملاء وحق الراجل اللي واقف في الكشك عند الشغل.. بس حق الزوج في التلاجة
فتلاقيها بتحترم مديرها وتطيعه اكثر من الزوج.
تلاقيها تتودد لزملائها في العمل اكثر من توددها لزوجها.
تلاقيها مع المدير بتسمع الكلام وتبص في الارض لو زعق وصوتها هادي ورقيق وكيوت لحد ما تخرج من الشغل وتشحن نفسها لحد ما توصل البيت مصدعة وتعبانة وخلقها ضيق وتربط راسها وتمسك ضهرها ومش طايقة كلمة من حد.
هل تعلم يا عزيزي إنها ماينفعش ترد على مكالمة من زوجها لو موجودة مع المدير او في اجتماع.. لكن ترد ع المدير لو كانت مع زوجها عادي جداً.
دا غير انها لازم تنام بدري عشان تلحق تصحى للشغل تاني يوم رايقة وفايقة .. للسبب ده بتقضي في البيت مثلا من 5م لـ 11م وبعد كده تنام عشان تعرف تصحى بدري يعني بتقعد مع جوزها واولادها أقل ما بتقضي وقت مع المدير والزملاء.
بترد على جوزها الكلمة بعشرة .. انت فاكر نفسك اشتريتني.. هو انا الخدامة اللي امك جابتهالك .. انا بشتغل زيي زيك.. انا ليا شخصية مفيش ولا كلمة من دول تقدر تقولها للمدير بس تقولها لجوزها عادي. هي شايفة ان شغل البيت ببلاش لكن شغلها برة بمرتب .. بس هي نسيت ان جوزها موفر السكن والاكل والعلاج واشتراك النت وهي بتاخد مرتبها تصرفه على لبسها ومكياچها ولو اشترت كيس شيبسي لابنها تقول انها بتصرف ع البيت هي أصلا اشترطت عليه تشتغل بحجة (انا بابا متعبش في تربيتي وتعليمي عشان في الاخر اقعد في البيت انضف واطبخ واربي العيال) ولما تشتغل بتهمل جوزها وتنشز (تعصاه وتتصرف معاه بقلة حياء ودين) .. ولما تشوف بوست زي ده هتدخل تقولك انا بشتغل عشان اساعده واتقوا الله أصله مابيصرفش أو يمكن حضرة السكرتيرة او الكول سنتر تدخل تكلمنا عن طبيبة النساء وعالمة الذرة
وهنا الكلام ينطبق علي بعض النساء