عروسة بتحكي قصتها مع خطيبها و نظرها الضعيف..
بتقول انا بسم الله ما شاااااء الله عليا نظر..
نظرري فظييييييييييييييع لدرجة اني مش بشوف..
انا بلبس نضارة وخطيبي شافني بيها اصلا ولما جه يتقدم دخلت بيها وكده المهم انه اصلا متقبل شكلي بالنضارة جدااااااااااا وواخد عليها..
طبعا من قبل الشبكة باسبوع قاعدة برتب هعمل ايه في ام اليوم ده، ربنا كرمني وروحت الكوافير طبعا قلعت النضارة عشان الميك اب..
خلصت وخرجت بقى والعرايس كلهم قعدوا يقولولي ما شاء الله وزي القمر وكده..
اني اشوف حاجة في المراية ابدااااااااااا...
خرجت سالت صحبتي قالتلي يا بنتي والله العظيم تحففففففففففة، قولت طيب، قعدت استني العريس اللي اخواتة نصهم دكاترة رمد اصلا..
لحد ما لقيت صحبتي بتقولي طب ماهو حلو بالبدلة اهو
قولتلها هو مين ده قالتلي خطيبك يابت قولتلها هو فين
البت صوتت في وشي وقالتلي هو اللي معاه الورد ده
قولتلها مش هو يابت قعدت تقولي والله هو وعمال يبصلك " مع العلم انها معرفتها بيه كلها صورة "..
المهم قعدت احلف لحد ما جالي وقف قدامي وانا متنحة وعايزة اقولة مين حضرتك ؟؟
لقيت صوت حد بيدمع من الفرحة وقالي ازيك يا عروسة !
طبعا اقتنعت انه المحروس خطيبي..
اخدت الورد وخرجت وانا مش شايفة اي حاجة، المهم نزلت من الكوافير وجيت اركب العربية اخدت خبطة في دماغي كادت ان تقضي علي سقف العربية..
قالي براحة يا حبيبتي قولتله مش تقولي انزل راسي شوية
اخوه ضحك وقاله يا عيني علي حظك يا اخوياااااااا..
جية بقى دور المعازيم اللي وربنا ما شوفت حد منهم، وكنت بتعرف عليهم من اصواتهم ذات الترددات العالية التي تصل الي سمعميت الف هيرتز..
المهم اني قاعدة مفتحة عين ومغمضة عين شبة انـ ـثـي البط العمشاء..
وكل ما حد يسلم عليا اعمل نفسي اعرفة و ابتسم وربنا ساترها معايا..
اقوووووووووم ايه بقى لقيت شاب غير محترم بالمرة جه سلم عليا، ومسلمش علي خطيبي وقالي مبروك يا قمر
اسكت انا بئا لالالالالالالالالالالا روحت سالت خطيبي قولتله مين البني ادم ده وبعدين ازاي يسلم عليا اصلا وانت لا؟؟
لقيت خطيبي بيقولي يا سوووووووووووووووووواد الحلل يا مصيبتي السودة يانا ياااااااااااما
ده اخويا اللي كان معايا يوم الاتفاق واللي جابنا من الكوافير بالعربية، واللي اتصور معانا في الاستوديو، واللي ...........
طبعا صوتة غطى علي كل الناس ولقيت الناس مش قادرين من كتر الضحك..
وانا طبعا عملت نفسي بهزر وقولتله والله دمي خفيف
وقعدت اضحك انا كمان والمشكلة اني اقسم بالله ماشوفتش نفسي بعدها غير في الصور..
وجت اخته ربنا يكرمها تسلم عليا قولتلها عقبالك " متجوزة وعندها 4 اطفال "
فصلت علي نفسها من الضحك وقالتلي انا عرفت اخويا بيحبك ليه..
قولتلها ليه ؟؟ قالتلي عشان مش هتشوفي حد غيره، قولتلها والله ما شوفته هو حتي..