- قولي بقي ، انت قطر الجواز فاتك ؟
= هو قطر الجواز بس اللي فاتني ، انا فاتني قطورات الدنيا كلها ، عارفه حضرتك وانا صغيّر .. فاتني قطر اللعب مع العيال الصغيرين ، لما كبرت شوية وروحت المدرسة يادوب اتشعبط في السبنسة بتاعة التعليم ، حتى شقاوة الشُبان ، القطر بتاعها يعدي عليا من غير ما يهدّي . و أديني دلوقتي بشتغل في السكة الحديد ، قطورات كتير تعدي عليا ولا يعبروني .
- انت عندك شهادات ؟
= شهادات ؟ انا معايا دبلوم سكّة حديد ، هو شهادة آه جوه السكة الحديد ، بره السكّة الحديد انسي ، ولا حاجة ، إنما الحفلة شطّبت بدري ولا ايه ؟
- لا الحفلة لسّه شغّالة بس أنا اللي زهقت و مشيت .
= زهقتي ؟ حلو أوي ده ، حلو أوي الواحد لمّا يزهق يقدر يمشي على طول ، أنا برضو زي حضرتك كده ، ساعات كتير أزهق ، بس ما أقدرش أمشي ، انا لو مشيت القطارات تخش في بعض .. أنا لو زهقت أتسجن ، عارفة .. فيه ناس كتير تزهق بس ما تقدرش تمشي ، تموت و هي زهقانة .. أنا واحد منهم ، اه والله كدا يا ست نواعم
- نواعم ؟ انت جبت الاسم ده منين ؟
= اللي يزهق ويقدر يمشي يبقي نواعم علي طول .
وحيد حامد
شريف عرفه
المنسي 1993
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.