آه مانكرشي إني حَبِيتَك
وشفت الجاي كله معاك
قِبلتَك جدْ على عِيبَك
وضَحيت للأسف ويَاك
لا عِيبت فِيوم فِتربيتَك
وكنت بداوي نَفْسِيتَك
رزعتلي ليه ف باب بيتَك
وقُلتلي باي من الشِباك👋
صِعِبْت عَليك بَقَى سَاعِتْها؟
طب أحلامي اللي هَدِّيتْهَا ؟
وشوق إيدي اللي عَضِّتهَا؟
ليه تجرحني وإيه خَلاك!!!
..تِزود ف الأذِيَّة دُوز
وتِشتَاق بَس لمَا تِعوز
تِبَرطَم..فُكي لَوّي البُوز
وإلا تِشُوفي عِيشة هَلاك!
تِقوللي إنتي ولا تِسْوِي
غُراب سَوِّد ف عِيشْتِي شُهور
وبَرضُه تِقُول صَارُوخ جَوي
ونَظرِة عِيني سُكْر خُمور
وتِرجع تانِي وتِهلفط
أنا كَارهِك ومِتْشَلْفَط
قَابِيلتيني وأنا مُحْبَط
وناسي بِسَبَبُه كُلي كُسور 💔
#سارة_عبدالرحمن
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.