.jpeg)
ماتسافرش
حتى لو حطوا ف أيديك
دهب الخليج
ولا تفتكرش
ا،ن الدهب دايماً أساور
ولا كل قيد الا،يد حديد
ولا كل مِن له لسان يحاور
ده العقل كان أصل الحوار
و البُق كان الودن جار
راح تملا بُقك بالدهب
و تِدّي ودنك للحيطان
تتوه ف دوامة ألم
و يزلزلَك عصف المكان
تصحى فى فقاعة ندم
غريب و حَس أنه أتظلم
ما تسافرش
ولو هاترجع مُحترم
و يسلّموك من يومها
مفتاح المدينة
متكسّرة ا،لواح السفينة
متخلّعة أبواب المدينة
و منتورة جتت البغايا ف البِطاح
اقتِل الطفل اللي جايلَك من سِفاح
ماتعيشي مكسور الجناح
ولا تنتحرش
مع كل سهم من ضيّا
شمس الصباح
مسنون على حَجر الملل
ولا تنقتلش من العلل
ماتسافرش
حتى لو حطوا ف أيديك
الوهم صاحي
أو خيّروك
بين جمود الفكر
أو زحمة براحي
أو فَهِموك
ا،ن راحة البال بتيجي
ف عقل ماحي
أو عَلِموك
ا،ن بُعدك صار دوا
ينَمِّل جراحي
يسعد صباحك مين انا
يسعد صباحي
لوسافرت
ماتسافرش
و تقولي لنفسك بكرة هارجع
ما تقاوحِش
ده انت لجدورك بتقطع
والجِدر بيصيبه العَطَن
وانت اشتريت وهمك وطن
لمّا انحنيت لحظة زمن
مابتنعدلش .
حسام بخيت