في ثمرة حب مشروحة ع تاج... هالتاج مكون من قطرات الندى... بجزيرة في سهم مرشوش عليه ورد...
كانت عم تدعس ع كل ورقة تتقرب عليك...
طرحتا عطرها من بوح ياسمين...
استعارت من ايدك الكتاب ... وقلتلك خلينا نسافر ع ضهر الفرس... ما كنت تعرف شو بدك تقلا... وتتقلا انخرست منك الدقايق.... لمت الوردة يلي انحطت ع كعب المفرق.... ساعة عم تتحجم وتتمرمر التكات.... في حبة تراب عم تلمع بإيدها...
بإيدها يلي بالشوك انجرحت... واتغطت بشاش ابيض...
خفت عليا لمست جرحا... لقيتو . طاب .... تشتشت الهمسات وانحنت ع غصن.... غصن من حمل الشوق التوى..... دمعت بمطرحا.... بحركة ايدها عطيتك علامة.... وتيبست الاحلام....
لقيت ع شعرها تاج زغير... وبعيونا في سر ..في غشاوة تحت جفنها... وايدها عم تتجمد ع صدرك... في دعسة ععرق الشهوة عم.تشد... حملت قنديلك وقربت صوبا
عخيمة العتمة عم تخنقا.... شلت حبرين... حبرين نزفتن عم تغطي حكي... حكي بلا حكي... موقف بموقف... ضعف بضعف... لقيت صورة تحت اللحافا ...بس الصورة كانت مشوهة ..في رصاصة مغلفة بكون.... ضلت الرصاصة مغلقة بدمعة.... وانت فليت... والعزف دفن ريحان الزهرة...
وتمنيت لو مات الوقت...
وبقيت اللحظة ...
عم ترنم لحالها...
جسي مراد
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.