أخر الاخبار

اغلي هديه انك أمي وانك عشتي بس عشاني ..رودينا الأمير ر

 اغلي هديه انك أمي

وانك عشتي بس عشاني

ضاقت بيا الدنيا بحالها 

وحضنك هو لوحده سعاني

اسمع دقات قلبك أفرح

وألقي ايديكي كمان ضماني

فرحه مين يقدر يوصفها  

رغم دا كله كمان وحشاني

يا فرحة عمري ياكل حياتي 

ياأملي في بكره ياروحي ياذاتي 

بحبك حب مالو مثيل

 وحبك ليا هو حياتي 

يااغلي شيء في الدنيا ياأمي

 ياقلبي ياروحي يانبضي يادمي

مهما اقولك مش حوصفلك

 احضني فيا بايدك ضمي

دقات قلبي لو تتكلم.  

 كل دقه تقولك أمي

 مش حاوفيك حقك عمري  

 مين كان غيرك ح يشيل همي

اجمل صوره لما اشوفك 

  بطبطبي وعليا تسمي

بحر حنانك مالو نهاية  

حاسه بجرحي قبل هنايا

لوبايديا اديلك عمري.

 لا والله ما يبقي كفايه

حبك جوه عروقي معايا 

يدخل قلبي ساكن جوايا

لامس كل مكان في حياتي

 صوره تملي عايشه معايا

انت زماني قبل زماني.  

وكنتي قبل الدنيا مكاني

واول كلمه قالها لساني 

ونعمه وهبها ربي عشاني


                عام جديد وسعيد بوجودك أمي وشمس عمري

                     كل عام أنتم بخير أصدقائي و أحبابي

               


                  رودينا الأمير

تعليقات
ليست هناك تعليقات
إرسال تعليق










    وضع القراءة :
    حجم الخط
    +
    16
    -
    تباعد السطور
    +
    2
    -