أخر الاخبار

تربيزة العشق المرميه ف كورنر لاحباب.. مجدي فرج عامر #magdi_farag_amer

 تربيزة العشق المرميه 

ف كورنر لاحباب

مع كرسين صابرين جدا 

من غير اسباب

مفروده الضحكه وممدوده

 وبتروح لبعيد

بتعبر عن يومها الهادي

 وبانه سعيد

وحوار الترابيزه بينده 

لقلوب عشقاه

والقلب  يشاور من جوه 

علي حب لقاه

وإيديها اللي بتحضن  إيده

وبتدوب ف هواه

تربيزة الصمت المجنونه 

واغنيه تغنيها مادونا 

وكلام عن بكره واحلامه

وانها بتزوره وف منامه

وتحرك جواه الهامه

فيكتب في ديوان

وبينصب مسرح ع خدوده 

وخيم وصوان

وياها يصيف في مارينا  

وشتاه ف اسوان 

فيرد القلب المتاخد

ويتمتم بكلام ع الشفه

وبتمسك وياه الدفه

وبتاخده في بحر من اشواقها

لجنة رضوان 

ويسافر بيها ف احلامه 

تتشعلق وياه ف كلامه 

ويحس انها رمز العفه

تشعره بمكانته وبمقامه 

وبريشة فنانه جميله 

بتطرطش حُب بألوان

وبترسم ف اللوحه طريقهم

فييان لمعانهم وبريقهم

مع بيت ف الخلفيه صغير

ليهم عنوان ..........


مجدي فرج عامر 

#magdi_farag_amer


تعليقات
ليست هناك تعليقات
إرسال تعليق










    وضع القراءة :
    حجم الخط
    +
    16
    -
    تباعد السطور
    +
    2
    -