أخر الاخبار

 ما بحبكش 

لكن لو ويّاك مبسوطة

واما تغيب ما ابقاش مظبوطة

تقعد تحكي ف ميت حدوتة

وما بتزهقش 

ما بحبكش 

لكن حابة اسمع لكلامك 

واقرا كتاب الشوق قدامك

والمح صورتي اللي ف أحلامك

واقرا ف نظرة عينك لية 

عن جنية .. بجد شقية

بتلعب بية .. وما بتلعبش 

ما بحبكش 

لكن حابة احساسك بية

ترمي كلام الشوق حوالية 

واما تعوم على بحر عينية 

ما بتغرقش 

ما بحبكش 

لكن نبرة صوتك حلوة 

واما تقولي طب اسمعي غنوة 

فيها كلام الحب عليكي 

واما بنام بحلم بعينيكي

ما بصدقش 

ما بحبكش 

ما بحبكش وليه مش خايفة 

أني بحبك أو مش عارفة

نظرة عينك حاسة وشايفة 

كل جراحي وكل آلامي 

كل الأمل اللي ف أحلامي 

سارحة تدور ليه ف منامي 

وما بتسكتش 

ما بحبكش 

ولا بحبك 

قلبي تملّي يصدق قلبك

كونه ضعيف ما قدرش أردك

شوقك جارف 

لو مش عارف 

أني بحبك 

ما بحبكش 

حسام بخيت



تعليقات
ليست هناك تعليقات
إرسال تعليق










    وضع القراءة :
    حجم الخط
    +
    16
    -
    تباعد السطور
    +
    2
    -