أخر الاخبار

فنجان قهوة .. #محمود_محمد_علام

 Mahmoud Allam - Lamahat - لمحات


فنجان قهوة☕️


ڪعادتي الصباحيه قهوتي ذات البن الفاتح عديمة السڪر ، أسرعت لشرفتي أتتبع المارة من خلق الله ،، أنظر وجوههم وأنصت ڪلامهم  تلك اللحظات الصباحية الفارقه🙏


اما عن الجو  تعب نفسيتي الله يسامحه انا بقيت ادعي ربنا الستر والصحة وسعة الرزق والجو يمطر يارب 😂😂


سخونه الجو طول اليوم وانخفاض بسيط ف الدرجات مع المساء بنتعامل معاملة بسترة اللبن والله 😁😁




الجيران الاعزاء مراحب مراحب  الله الله الرجاله نازلين  خفافي فين الڪوفيات والإرواب حبيبنا ابو جوانتي نازل لابس فنلة المنتخب نص كوم هتبقوا انتم والجو عليا لا ڪتير ع قنواتي العصبيه والله خلاص فقدنا الامل بعد ما فقدنا الشغف  




صحيح اخبارڪم مع لقاح ڪورونا ايه هو الموضوع هِدي ولا موقفنا إيه من الليله دي .. انت خدت ڪم جرعه لا انا مخدتش انا بسأل بس 😵‍💫😵‍💫


ولما انت مخدتش ياجاري الغالي بتسأل ليه .. اهو ياسيدي من باب العلم بالشئ وبيقولوا ڪمان هيوقفوا معظم التعاملات زي البنوك وتجديد البطايق وتراخيص العربيات انا مش عارف يعني ايه يوقفوا تراخيص العربيات  ... ده وقف حال والله  .. هو انت هتجدد رخصتك امتي .. لا انا معنديش عربيه 


تصدق بالله انت فڪرتني بعادل امام ف شاهد مشافش حاجه 


لما راح يدفع اشتراك التليفون بس هو معندوش تليفون .. خوفت ياعم ليشيلوا  العده 😁😁😁


ولا امتحان المهارات بتاع رابعه ابتدائي ايه المادة دي يااخي  انا فعلا مش عارف ايه الحشو ده الله يڪون ف عونا والله وعون عيالنا ... اه فعلا ف دي انا متفق معاڪ حشو بلا داعي


انت عندڪ رابعه السنه دي ... لا انا ڪبيري ف اولي ابتدائي  السنه دي 🙄🙄 دي ڪانت نظرة الجار  وفجأه قالوا باشا لما ڪل حاجه انت بعيد عنها نازل بتقلب المواجع علينا ليه  الرحمه حلوة ده انا قولوني بيزغرط ف معدتي بڪلامك 😥


طيب ياسيدي متزعلش نفسڪ مقصدتش انا قولت افتح حوار هادف ... هادف ده انت خلقت حوار  يعمل ارتجاع مرئ وش




طيب شوفتوا الجديد ... باشا والنعمه لا بشوف ولا عاوز اشوف 


شوفت انت مصر هتلعب امتي مع تونس ... ايه ده هو ڪأس العالم بدأ ... ڪأس عالم لا ياغالي دي دورة رمضانيه .. انا طالع والواد مش رايح انهارده المدرسه


طالع ليه ما بدري  😀😀 بدري علي ايه ... ع المغرب مش بتقول دورة رمضانيه 😂😂😂


ياجماعه انا ببيع شقتي حد شاري الرحمه حلوة ... عجبتك  .. هي إيه دي اللي عجبتني ... الرحمه بڪرة اجييلڪ شوريڪ بقي 🤣🤣


ياعم اضحڪ خليڪ بحبوح والله انا نازل افڪ معاڪم  قبل ما جلسة الڪيماوي ... ڪيماوي لا الف سلامه عليڪ اضحڪ ياغالي انا بس اللي منمتش ڪويس والله  .... 😥


الناس حڪايات وأڪتر الناس بحث عن الضحڪ مش ضروري يڪون مبسوط 💔




المهم انت هتشوف معانا الماتش الاربع الجاي بتاع مصر وتونس الساعه ٥ م ... بتاع الدورة الرمضانيه ... الڪل ضحڪ 😂😂




          شردت قليلا متأملا حتي أدرڪت امرٌ هاما 👌


                                  أدرڪـت ✍️


" أدرڪت أشياء مهمه جدا ،، أشياء ألِفناها حتي أصبحت شبه منسيه وهي الأڪثر تأثير 


رضا الوالدين ، صديق صالح ڪتف بڪتف ، أخ تتڪئ عليه ، ذرية باره بڪ مطيعه لڪ ، جسد معافي ، سلام نفسي ، حبيب يهواڪ في ڪل حين مهما تبدلت بڪ الأحوال أو ساءت ممسڪ بڪ ،  نوم هادئ بلا أدوية ...


 ارزاق حقيقيه ألفناها فنسيناها  ولڪن حين فقد إحداها نشعر حجم القيمه البالغه لها 


أشڪروا الله علي عطاياه وتذڪروا نعمه وارزاقڪم المألوفه لديڪم "

#محمود_محمد_علام



تعليقات
ليست هناك تعليقات
إرسال تعليق










    وضع القراءة :
    حجم الخط
    +
    16
    -
    تباعد السطور
    +
    2
    -