Mahmoud Allam - Lamahat - لمحات
فنجان قهوة☕️
ڪعادتي الصباحيه قهوتي ذات البن الفاتح عديمة السڪر ، أسرعت لشرفتي أتتبع المارة من خلق الله ،، أنظر وجوههم وأنصت ڪلامهم تلك اللحظات الصباحية الفارقه🙏
اما عن الجو فلا اراه بخير وأخشي أن تخيب توقعاتهم المرصودة أن يسود طقسٌ بارد علي معظم الأنحاء من الثلاثاء ولا يڪنش النهارده الأحد وعامل نفسه تلات ، أصل فڪرة إني اقلع الڪلسون بعد ما إتلبس مش هتحصل 😁😁
الجيران الاعزاء مراحب مراحب الله الله الرجاله نازلين فاتحين صدورهم منڪ لله يابعيد طمعت فيڪ حتي الجيران ، الله يرحم لما ڪان أحدهما أيوة والله أحدهما مش قادر يطلع إيده من الروب يرد علي مراته دلوقت فاتح صدره 😥
الواد بن حبيب حلق شعره وشڪلها هتبقي سنة القرع والبحر بيضحڪ أتاري في قُرع بيهزروا وڪده التريند عِلي أوي والنتيجه 1/1 وڪأنه قاصد يقولها الروس إتساوت 😂
علي فڪرة إحنا اللي بنعمل لڪل حاجه يعملوها قيمه والله ، ڪل خبر ڪل رد فعل بنعلي من تريند معمول مش هزيد أڪتر من ڪده ف حوار باهت جدا وخد أڪبر من قيمته
إيه توقعاتڪم لماتش المنتخب بڪرة وإحنا نازلين نقابل ولادنا وهما ف منتخب تونس تخيل انت معلول وهو بيجيب جون ف الشناوي ولا أڪرم توفيق يلمه يجيبه الارض وبعد الماتش الاهلي يعلن عن إصابة معلول 😂😂
والله انا متوقع فوز المنتخب بس بصعوبه وهيبقي ماتش حلو وشڪل النهائي جزائري مصر وقطر هتاخد البطوله ومتسألنيش ازاي هي قطر هتاخدها بالحب ،، انت بتقول إيه حب إيه هي بطولة جواز ... ياعم إسمع مني قطر صديقة الطلبه
لا يابيه البطوله دي ياتتحسم مصريه ياجزائريه ولو النهائي بين مصر والجزاير هيبقي ماتش ضرب نار واحتمال يبقي ف شهداء ف ارضية الملعب 😁😁
صحيح مين متابع حرڪة أسعار السلع لحوم فراخ خضار فاڪهه ... البيض ماله البيض رجع سعره إرتفع تاني حتي الفراخ ڪل يوم بيزيد سعرها جنيه رغم إن مفروض دخلة البرد ده سعرها يقل
الخضار والفاڪهه معقولين ما الشتا برتقال ويوسفافندي وبطاطااااا صينيه تأڪلها تخليك ٣أيام مصهد ،، طب واللحوم يعني سعرها شبه ثابت ١٤٠&١٥٠ ج ، فين لما ڪانت ولا لزوم الڪلام إيه بقي من ساعة إعلان التطور الطبيعي للحاجه الساقعه وإحنا لابسين ف عنق الزجاجه 🥴🥴
شردت قليلا متأملا حتي أدرڪت امرٌ هاما 👌
أدرڪـت ✍️
المشاعر التي يغيرها الإدراڪ لن تعود ، الأماڪن التي نهجرها بفڪر لن يعيدنا لها الحنين ، المُدرڪ ليس مُتسرع وليس شخص ساخط ، المُدرڪ لا يعود أبداً
#محمود_محمد_علام
