أخر الاخبار

انا ست عندي 37 سنة لما كنت مخطوبة لزوجي وعدته بيني وبينه انه ميتجوزش عليا خالص

 انا ست عندي 37 سنة لما كنت مخطوبة لزوجي وعدته بيني وبينه انه ميتجوزش عليا خالص علشان انا مش موافقة يا اما نسيب بعض وكده هو طبعا قالي لا والله مش هتجوز عليكي والكلام ده وقعد يومها يقول كلام حلو وانا صدقته جه بقا بعد 13 سنة جواز بيقولي انه عاوز يتجوز فقولته ليه قالي انتي مش ناقصك اي حاجه بس انا عاوز اتزوج وقولتله والوعد الي بنا لما كنا مخطوبين  قالي ما دام هو مش مكتوب في العقد يبقي ولا اكن حاجه حصلت   قولته انا مرضتش اخليك تكتب حاجه في الشروط علشان محرجكش قدام اهلك ويقولو الحق ديه بتتشرط وكنت عاوزه اخليك راجل قدام الكل وان مفيش واحدة تمشي كلامها عليك قالي ميخصنيش  طبعا بقا بعد ما قال كده عرفت اني قدام واحد خاين فلبتها زي ما عمل طبعا عملت نفسي بعيط وقولتله لا انتا هتظلمني ومش عارف ايه ومستعدة اوافق علي شرط انك تكتبلي الشقة بتاعة الدور التاني باسمي عشان متظلمنيش  قالي موافق بعد الحاح مني يجي اسبوع ورا بعض وفعلا جاب محامي وكتب الشقة بإسمي هو بقا راح اتجوز عادي بعديها بيوم واحد طلبت منه الطلاق طبعا هو اتصدم 😂 بس بعد ايه بقا وحصل مشاكل كتير ومرضيش يطلق بس رفعت عليه خلع في المحكمة والموضوع خلص بسرعة هو متجوز الشملومة بتاعته في الدور الاول وعلشان اغيظه اكتر اتجوزت واحد قريبي كان بيحبني من زمان  في نفس الشقة الي طليقي كتبها ليا  طبعا مقلكوش بقا علي القهر والظلم الي طليقي حس بيه بعد ما تعب في الشقة وظبها وفي الاخر يجي واحد  تاني خالص يقعد فيها المهم يعني  طليقي اتشاكل مع جوزي فمرة كده يعني علشان مقهور منه  واتخانقو  جامد اووي مع بعض وجوزي اتعور 14 غرزة في دماغه فرحت واخدة تسجيل الكاميرات  بتاعة محل الموبيلات الي قدام مدخل العمارة بالظبط ومكانش عاوز يدهالي بس ادتله 500 جنيه وجابهم  و روحت القسم  ووريت الظابط التسجيلات والكشف الطبي بتاعي جوزي وانه اتعور وعملت فيه محضر والمحامي قالي انه ممكن يتسجن 3 سنين  علشان عور جوزي يعني جامد في دماغه بالمطوة ( سلاح أبيض) دلوقتي بقا مراته جت وقعدت تعيط جامد ليا امبارح وبتقولي ونبي اتنازلو عن المحضر علشان يطلع وهي مش عارفة تصرف منين لو اتحبس قولتلها الي معاه يتجوز اتنين اكيد معاه فلوس وقولتلها مش هخرجه كده انا صح علشان هو الي بدأ من الاول بخيانته للعهد الي ما بنا ولا اتنازل


تعليقات
ليست هناك تعليقات
إرسال تعليق










    وضع القراءة :
    حجم الخط
    +
    16
    -
    تباعد السطور
    +
    2
    -