شقيقتي للبيع
رؤوف .. يا بت يا ناهد افهميني ابوس ايدك !! يايت ده انا هموت عليكي من زمان .. انتي مش حاسة بيا ليه ؟!
ناهد .. لا حاسة وفاهمه وعارفة كل حاجة
رؤوف .. حاسة وفاهمة ؟! اومال تقلانه عليا ليه بقي ؟! عاجبك النار اللي انا فيها دي ولا ايه ؟!
ناهد .. بصراحة اه .. ببقي مبسوطة وانا شايفاك هتموت عليا ومش عارف تطول مني شعرة واحدة .. هههههه
رؤوف .. بتضحكي ؟! ليكي حق تعملي اكتر من كده .. طب عاوزاني اعمل ايه عشان ترضي عني ؟ عاوزاني انزل ابوس ع رجلك انا مستعد .. وادي رجلك اهه
ثم ينزل الي الارض ويقبل قدميها
رؤوف .. ورجليكي الاتنين كمان .. عاوزاني اعمل ايه تاني ؟!
ناهد بمكر وخبث شديد .. مش قادرة اصدق بقي رؤوف سليمان يركع ع رجلية عشان يبوس رجلين واحدة ست ؟! يخرب بيتك للدرجه دي واقع لشوشتك!!
رؤوف .. انا اعمل اي حاجة بس ارضي عني بقي انا في عرضك .
ناهد .. اي حاجة اي حاجة ؟!
رؤوف .. جربي وهتشوفي رؤوف هينفذ ولا لا
ناهد .. طيب .. بص بقي اولا انت لا يمكن تقرب مني غير في الحلال
رؤوف .. في الحلال ازاي بقي وانتي اختك علي ذمتي ؟!
ناهد .. لا يا روح امك انا ماليش في السكة الشمال عاوزني يبقي عقد شرعي ومأذون
رؤوف .. ازاي طيب ؟! عاوزاني اطلق اختك يعني ؟!
ناهد .. لا انت لو طلقتها يبقي لازم تدفعلها ال خمسة مليون مؤخر اللي انت كاتبهم علي نفسك يا اهبل!!
رؤوف .. انتي لازم تفكريني يعني ؟! انا عارف عقلي كان فين لما عملت كده ؟!
ناهد .. كان تايه منك زي ما هو تاية منك دلوقتي يا بتاع النسوان .. ههههههه
رؤوف .. بلاش تريقة وقوليلي اعمل ايه بالظبط
ناهد .. بص يا حبيبي ..اولا كده الخمسة مليون دول مهري انا واختي بقي لا هتتطلق ولا حاجة
رؤوف .. اومال عايزاني اتجوزك وهي ع ذمتي ؟! دي فيها سجن ليا وليكي !!
ناهد .. لا طبعا مش هنعمل كده .. انت هتقتلها
رؤوف .. ايه ؟! اقتلها
ناهد .. اها .. حاجة بسيطه اهه .. شوف بقي انا وفرتلك ازاي
رد فعل علي وجه رؤوف .....
الرواية في قمة الاثارة والمتعة والتشويق
↚
الجزء الأول:
رؤوف .. انتي اتجننتي ؟! عايزاني اقتل حنان اختك ؟!!
ناهد .. مش احسن ما تطلقها وتدفعلها ٥ مليون جنيه مؤخر صداق !! ع العموم براحتك طلقها وادفعلها المؤخر بس متنساش اني انا مهري قدهم
رؤوف .. عايزاني ادفع ليكي انتي واختك ١٠ مليون جنية حتة واحدة ليه بيرتني سبيرز وشاكيرا ؟!
رؤوف .. لا وانت والصادق حنان وناهد !! وبعدين حنان مقالتلكش طلقني وانا مقلتلكش والنبي انا دايبة فيك وتعالي اتجوزني !! انت اللي هاتحفي عليا يا رؤوف
رؤوف .. بقي كده يا ناهد بتمسكيني من ايدي اللي وجعاني !! دي جزاتي عشان بحبك
ناهد .. ولا .. فكك من حوار الحب ده !! نفس البوقين قلتهم لأختي قبل كده وجاي دلوقتي تقولهوملي انا .. انت لا بتاع حب ولا نيلة انت بمجرد ما هتاخد مزاجك مني هتروح تقول نفس البوقين لواحدة تالتة ورابعة وخامسة وهالومه جره !
رؤوف .. ده انتي قارياني غلط ع كده ؟!
ناهد .. لا وحياتك قارياك صح وصح اوي كمان وفاهمه ايه اللي في دماغك بالظبط عشان كده بقولك انا ماليش في الشمال لو ناوي بجد يبقي ع ايد مأذون واتنين شهود غير كده معطلكش
رؤوف .. طب مفيش طريقة تاني غير القتل دي ؟! ما هو انا مش ع اخر الزمن هبقي قتال قتله يا ناهد !! انتي ناسية مكانتي ومركزي وسط الناس
ناهد .. فيه
رؤوف .. ايه هي ؟
ناهد .. الحكومة تقبض عليها وهي وضع مخل بالاداب ساعتها بقي تسقط كل حقوقها
رؤوف .. قصدك نلبسها قضية دعارة ؟!
ناهد .. بالظبط كده
رؤوف .. يخرب بيتك دا انتي مفترية اوي يا قتل يا دعارة .. دي اختك يا ناهد!! اومال لو مكنتش اختك كنتي هتعملي فيها ايه ؟!
ناهد .. متقولش اختي بس .. دي لا اختي ولا اعرفها .. ده انا بتمنالها الموت كل دقيقة او تحصلها مصيبة تكسرها بقيت عمرها
رؤوف .. وليه الغل ده كله من ناحيتها ؟! دي حتي حنينة معاكي ومش بخلانه عليكي بأي حاجة واي شئ بتطلبية منها بتنفذه علطول !!
ناهد .. فيها الخير والله .. قلت ايه هتعمل اللي قلتلك عليه ولا تطلقها وتدفعلها المؤخر ولا تنساني من دماغك وتريح نفسك وتريحني معاك
رؤوف .. لا .. انساكي لا .. كله الا انساكي .. انا هاعمل اي حاجة عشان نكون لبعض .. دا انا بحبك .. بحبك يا ناهد
ناهد .. خلاص يبقي اتفقنا .. سيبني يومين اخطط واقولك ايه اللي هيتم
رؤوف .. اتفقنا يا ناهد خطط انت يا جميل وانا رهن التنفيذ
ناهد .. تمام يا رؤوف
رؤوف .. طب مفيش حاجة كده تحت الحساب .. بوسة حتي ع الماشي
ناهد .. لا يا حبيبي .. بعد الجواز هبقي كلي ملكك ع رأي شرين .. هههههه
رؤوف .. وانا لحد ما يحصل علي نار الشوق انا هستني علي راي عبد الوهاب موسيقار الاجيال .. ههههههه
ناهد .. هههههههه .. محدش قالك دمك خفيف ؟!
رؤوف .. اه اختك حنان .. هههههههههه
رد فعل ع وجه ناهد
↚
الجزء الثاني
ناهد نائمه في حجرتها وعلي سريرها ويبدوا انها تحلم حلم مزعج جدا حيث تحلم بأنها داخل نفس حجرة نومها جالسة ع السرير تقوم بطلاء اظافر قدمها بطلاء اظافر وتستمع الي احدي الاغاني الشعبية ويبدوا انها اغنية لحسن شاكوش وتردد خلفة كلمات الاغنية وفجأة ينقطع التيار الكهربائي فتظلم الغرفة تماما
ناهد منزعجة .. اف .. ده وقته ده !! الله يحرقك يا شركة الكهربا كل شوية قاطعين الكهربا !! دي مبقتش عيشة دي
ثم تسمع صوت باب الغرفة ينفتح فتقلق وتخاف
ناهد .. مين ؟! مين اللي برة ؟!
وفجاة تري شعلة من النار تشتعل امامها فتضئ الغرفة المظلمة وتري المرحومة امها اميمه ترتدي جلباب ابيض وتمسك بتلك الشعلة بيدها
ناهد مندهشة .. امي ؟!
اميمة .. متقوليش امي .. انا متربية منك ليوم الدين .. انتي زرع شيطاني لا ليكي اب ولا ام !!
ناهد غاضبة .. انتي عايزة مني ايه ؟! انتي مش مُتي خلاص ؟! جاية عايزة مني ايه تاني ؟!
اميمة .. جاية اقولك ابعدي عن اختك حنان .. انا بحذرك يا ناهد الا حنان .. سامعاني ؟!.. الا حنان
ناهد .. حنان .. حنان .. حنان .. انا مش فاهمه مين حنان دي اللي انتوا طالعين بيها السما وطول عمركم مفضلينها عليا ؟!
اميمة .. احنا مفضلنهاش عليكي ولا حاجة .. انتي اللي طول عمرك قلبك مليان سواد وكره من ناحيتها مع انها بتحبك حب مالوش حدود!!
ناهد .. ايوه بكرها .. بكرها عشان طول عمرها احسن مني في حاجات كتير .. اتعلمت احسن علام واتجوزت احسن جوازة رجل اعمال معروف وطول عمرها طلباتها اوامر .. وانا طول عمري بنت البطه السودا علام ما اخدتش حتي الابتدائية وجواز جوزتوني من ميكانيكي قد ابويا متجوز قبلي تلاته وطول عمري واخدة ع دماغي منكم ومن جوزي الله يحرقه مطرح ما غار ..
اميمة .. انتي اللي عملتي في نفسك كده .. طول عمرك باصة للي في ايد غيرك ومش حامدة ربنا ع النعمة اللي في ايدك ابدا .. طول عمرك فاشلة في كل حاجة وعمرك ما نجحتي في حاجة ابدا لكن اختك حنان طول عمرها عندها طموح وامل .. مجتهده وقلبها ابيض عشان كده ربنا كرمها من اوسع الابواب .. لكن انتي ربنا خفس بيكي الارض ولسه ياما هتشوفي يا ناهد .. طول عمري داعية عليكي
ناهد .. هههههه .. ضحكتيني والله .. اوعدك ان الايام اللي جاية هتبقي بتاعتي انا ومش هاشوف غير كل خير وبنتك حنان اللي طالعة بيها السما دي هتبقي عبره لمن يعتبر .. وافتكري كلامي ده كويس يا امي
اميمة .. متقوليش امي قطع لسانك .. انتي لا بنتي ولا اعرفك وبحذرك للمرة التانية ابعدي عن حنان وجوزها سيبيهم يربوا عيالهم وسطهم يا حقود
ناهد .. جوزها !! جوزها ده حفيان عليا . . هيموت بس عشان ارضي عنه واديله ريق حلو
اميمة .. من الاسحار اللي انتي بتعملهاله ليل ونهار لحد ما شقلبتي كيانه
ناهد .. وماله .. اسحار اسحار المهم اني زحفته ورايا زي الكلب ورهن اشارتي في اي طلب اطلبه ..
اميمة .. اه يا فاجرة انتي تستاهلي الحرق ع اللي بتعمليهة ده انتي لازم تموتي عشان اختك وجوزها يرتاحوا من شرك .. لازم تموتي يا ناهد لازم تموتي ..
ثم ترمي بالشعلة ع السرير فتشتعل المرتبة فتصرخ ناهد قائلة
ناهد .. انتي بتعملي ايه يا مجنونة انتي ؟! يخرب بيتك امشي غوري من هنا انا بكرهك انتي وبنتك بكرهكم .. بكرهكم
الغرفة تشتعل بالنيران وتشعر ناهد بأن نهايتها قد اقتربت وسوف تموت محترقة فتصرخ وتقول
ناهد .. الحقوني يا ناس .. الحقوني
وفجأة تستيقظ ناهد من النوم منزعجة بشدة وتنظر حولها وتجد الغرفة سليمة تماما فتتنفس الصعداء وتتناول كوب الماء الذي بجوارها وتشرب منه وتقول ..
ناهد .. اعوذبالله من الشيطان الرجيم .. ايه الكابوس ده !!
ثم تلتفت فتجد صورة امها علي الكوميدينو فتضربها بيدها فترميها ع الارض ثم تقول
ناهد .. امشي غوري الله يحرقك .. مش سايباني في حالي لا حيه ولا ميته !!
وفي الصباح تتصل ناهد ب سباك يدعي سنونسي
ناهد .. الو .. ازيك يا سنوسي
سنوسي .. ازيك يا ست ناهد
ناهد .. فينك دلوقتي ؟
سنوسي .. في الشغل
ناهد .. طب عايزاك تجيلي دلوقتي حالا
سنوسي .. ايه خلاط الدش باظ تاني ولا ايه ؟
ناهد .. لا الخلاط تمام .. بس انا عاوزاك في مصلحة تانية
سنوسي .. مصلحة تاني ؟! خير يا ست ناهد؟
ناهد .. ولا .. مبحبش الاسئلة الكتير .. سيب اللي في ايدك وتعالي بسرعة انا مستنياك ماشي ؟
سنوسي .. ماشي .. ساعة كده واكون عندك
ناهد .. متتأخرش .. سلام
ثم تغلق الخط
سنوسي مندهشا .. عايزاني في ايه دي ؟!
ويذهب سنوسي الي شقة ناهد ويطرق الباب فتفتح ناهد الباب فيفاجأ بأنها في كامل زينتها وترتدي قميص نوم شفاف يكشف معظم جسدها
سنوسي .. يا لهوي .. ايه الحلاوة دي
ناهد .. هههه .. طب ادخل يا روح امك
ثم يدخل وتغلق باب الشقة
ناهد .. اقعد .. تشرب ويسكي ؟
سنوسي .. وكمان ويسكي ؟! .. هي ايه الحكاية بالظبط يا ست ناهد انا بديت اقلق
ناهد .. مش عيب ع راجل طويل عريض قاعد مع ست لوحدها ومقفول عليهم باب الشقة وواقفة قدامه بقميص نوم ويقول بدأت اقلق !! هو مين بقي اللي مفروض يقلق ؟!
ناهد .. وانتي تقلقي من ايه عدم لا مؤاخذة ؟!
ناهد .. يعني .. ان منظري ده يخلي الشيطان يلعب في دماغك تقوم مثلا .... .. كده يعني
سنوسي .. كده ايه.. هو في ايه بالظبط؟! انتي جايباني ليه ع ملا وشي يا ست ناهد ؟!
ناهد .. اقعد وانا هافهمك كل حاجة .. اقعد يلا متخافش.. يخرب بيتك دا انت طلعت خيخة اوي !! عمري ما شفت راجل طول بعرض خايف بالشكل ده .. ولا لا تكون فاكرني هاغتصبك .. هههههه
سنوسي .. لا انتي غريبة اوي انهارده !! انتي شاربة حاجة ولا ايه ؟!
ناهد .. اه .. شاربة ويسكي .. خد اشرب عشان تعرف تركز معايا كويس .. امسك يا سنوسي
سنوسي يأخذ كأس الخمر ويرتشف منه رشفه
ناهد .. بقولك ايه تحب تكسب ٢ مليون جنية؟
سنوسي يشنق ويكح
ناهد .. يخرب بيتك روحك هتطلع يلا !! ليك حق ما انت ودانك عمرها ما سمعت مبلغ زي ده .. اخرك ١٠٠ ج حق تصليح حنفية بايظة زي اعصابك كده ما هي بايظة من ساعة ما جيت !! مالك يا سنوسي ما تشد نفسك اومال !!
سنوسي .. انتي قولتي حالا ؟!
ناهد .. نقول تاني .. تحب تكسب ٢ مليون جنية من الهوا ؟!
سنوسي .. لا انتي انهارده مش طبيعية فعلا !! انتي جايباني هنا عشان تتريقي عليا يا ست ناهد ولا ايه ؟!
ناهد .. وانت تطلع مين يا معفن عشان انا اتريق عليك ؟! يلا دا انا هاخدمك خدمة عمرك وهتبقي مليونير من الهوا بدال ما انت عمال تتطلم من شقة لشقة لحد ما صوابعك ورمت !!
سنوسي .. طب افهم ايه الموضوع
ناهد .. هافهمك .. اشرب الويسكي
سنوسي .. ده حراق اوي !!
ناهد .. مش بقولك خيخة !!
ونذهب الي حنان حيث كانت تصلي في غرفتها في القصر الذي تعيش فيه صلاة الصبح وبعد ان فرغت من الصلاة اخذت تناجي ربها قائلة
حنان .. يارب احميني انا وولادي واكفينا شر المستخبي واهدي رؤوف جوزي يااارب واصلح حاله
وفجأة يفتح رؤوف باب الغرفة ويدخل بوجه عبوس ويخلع ملابسة
حنان مندهشة .. ايه مفيش صباح الخير ؟!
رؤوف بقرف .. صباح الخير
حنان .. ممكن اعرف كنت سهران فين لحد الصبح ؟!
رؤوف .. وانتي مالك ؟!
حنان .. يعني ايه وانا مالي ؟! هو انا مش مراتك ولا ايه ؟!
رؤوف .. هو عشان مراتي هتطبقي علي انفاسي وتحاسبيني رايح فين وجاي منين ؟!
حنان .. انا مش بحاسبك يا رؤوف .. بس انا من حقي اعرف انت بتبات ليه كل يوم بره البيت لوش الصبح ؟!
رؤوف .. شغل
حنان .. شغل ايه ده ؟!
رؤوف .. يوووه بقي .. انا تعبان وعايز انام .. روحي شوفي وراكي ايه وسببيني اتخمد
حنان .. انا مش عارفة ايه اللي غيرك من ناحيتي كده ؟! حتي ولادك مبقتش طايقهم ؟! رؤوف .. انت في حد تاني في حياتك ؟
رؤوف .. لا ياختي اطمني لا واحدة ولا يحزنون .. انا كرهت صنف الستات كله بسببك
حنان .. وانا عملتك ايه ؟! انا طول عمري خدامة ليك ولولادك وعمري ما جرحتك حتي بكلمة
رؤوف .. انتي ملاك طاهر .. وانا ابن كلب شيطان .. ارتحتي بقي ؟! سيبيني بقي عايز اتخمد
حنان .. هاسيبك تنام بس ع فكرة انا مش هقدر استحمل معاملتك ده اكتر من كده .. انا بجد تعبت !!
رؤوف .. اه .. قولي بقي وهاتي من الاخر .. قصدك هتقوليلي طلقني ؟!
حنان .. واضح انها هترسي ع كده
رؤوف .. حلو اوي .. وتقوليلي بقي هات مؤخر الصداق والقايمة والنفقة والذي منه ؟!
حنان .. اظن ده حقي وحق ولادي وانت اللي بديت .. والبادي اظلم يا رؤوف .. اسيبك عشان تنام
ثم تخرج من الغرفة
رؤوف .. اه دا انتي بترسمي ع تقيل بقي ؟! عندها حق البت ناهد والله .. ابقي قابليني لو طولتي مني جنيه واحد يا حنان
ونذهب الي ناهد حيث تجلس في السرير هي وسنوسي وسنوسي يدخن سيجارة
ناهد .. اه قلت ايه ؟
سنوسي .. افكر
ناهد .. يخرب بيت امك.. هو بعد اللي حصل ده معرفتش اقنعك ولا ايه ؟!
سنوسي .. لا اقنعتيني طبعا .. الا اقنعتيني.. دا انتي اقنعتيني ونص وكمان
ناهد .. اومال ايه الحكاية بقي ؟! لسه هاتقولي افكر ومش عارفة ايه ؟
سنوسي .. ما هو موضوع زي ده لازمله تفكير وتفكير عميق كمان
ناهد .. ولا هو انت عندك مخ اصلا عشان تفكر !!
سنوسي .. اه عندي مخ طبعا بس عطلان بقاله مده مبيفكرش .. بس جه الوقت اللي لازم يفكر فيه .. ايه ده انا مش قادر اصدق اللي سمعته منك ده .. بقي انتي عاوزاني انام مع اختك ويقبضوا علينا كمان متلبسين !! طب انا احنا كده هنتسجن ؟!
ناهد .. اه هتتسجن .. اخرك ٣ سنين وتخرج تلاقي نفسك مليونير لو قعدت عمرك كله تشتغل مش هتعرف تحوش ربعهم حتي
سنوسي .. طب وانتي هتستفادي ايه من المشوار ده ؟!
ناهد .. وانت مال امك ؟! انت ليك تضمن حقك وبس
سنوسي .. يا لهوي ع الزمن .. ايه اللي بيحصل في الدنيا ده .. وهانت عليكي اختك بنت امك وابوكي ده انتي محروقة منها اوي باين عليكي ؟!
ناهد .. لا وحياة امك مش ناقص الا انت اللي يديني مواعظ !! اشحال ما انت خاين مراتك معايا من شوية .. ايه هانت عليك ام العيال عشان تخونها معايا ؟!
سنوسي .. يا شيخة متفكرنيش .. بلا ام العيال بلا زفت .. ده اكتشفت انهارده اني متجوز شحته اخويا .. بقولك ايه ما تحاولي تقنعيني تاني وبالمرة تساعديني ع التفكير بسرعة واهو كله لمصلحتك يا جميل
ناهد .. وماله .. اقنعك تاني وتالت ورابع كمان ولو ما اقتنعتش انت الخسران يا قمر وفيه غيرك كتيير هيقتنع ...
↚
الجزء الثالث
شيماء صديقة حنان الانتيم وبتعتبرها اكتر من اختها تتصل بها ع الفون
حنان .. الو .. ايوه يا شيماء .. اخبارك ايه ؟
شيماء .. الحمد لله .. اخبارك انتي ايه يا حبيبتي ؟
حنان .. الحمد لله ع كل حال
شيماء .. ولادك عاملين ايه ؟
حنان .. كويسين الحمد لله..
شيماء .. المهم انكم بخير الحمد لله
حنان .. ايوه يا بنتي احنا كلنا كويسين الحمد لله ما عدا رؤوف انتي عارفة مقلوب علينا اليومين دول .. ربنا يصلح حاله بقي
شيماء .. ع فكره .. في حاجة كده عاوزة اقولك عليها مينفعش اخبيها عنك
حنان .. حاجة ايه ؟
شيماء .. في ناس شافت جوزك بيروح عند اختك ناهد في شقتها اللي الطالبية ومش مره واحدة كمان ده شافوه كتير
حنان .. رؤوف جوزي انا بيروح عند ناهد اختي ؟!
حنان .. اه يا بنتي .. السواق بتاع جوزي شافة ما هو ساكن هناك جمبها وشافه اكتر من مرة بصراحة انا كنت متردده اني اقولك لكن انا الصداقة اللي بينا تحتم عليا اني ماخبيش عليكي حاجة زي دي وخصوصا انا عارفة ان علاقتك بأختك متوترة اليومين دول
حنان .. اوك ماشي .. كتر خيرك يا حبيبتي
شيماء .. هو مقالكيش انه بيروحلها شقتها ؟
حنان .. لا مقاليش هسألة واعرف ايه الحكاية بالظبط
شيماء .. طيب يا حبيبتي نتوقع خير ان شاء الله.. اسيبك انا عاوزة حاجة ؟
حنان .. لا تسلميلي يا شيماء .. مع السلامة
شيماء .. مع السلامة
وبعد ان تغلق الخط حنان مندهشة وتحادث نفسها قائلة
حنان .. بيروح ل ناهد شقتها .. طب ليه ؟!
حنان تفكر قليلا ثم تتصل بأختها ناهد
ناهد تجيب مندهشة .. يااااه .. انا مش مصدقة نفسي .. حنان هانم بتتصل بيا شخصيا ؟! لا ده كتير بصراحة
حنان .. ازيك يا ناهد اخبارك ايه ؟
ناهد .. تمام انا زي الفل .. بس بجد مش مصدقة نفسي اخيرا افتكرتي ان ليكي اخت عشان تتصلي بيها وتعرفي اخبارها ؟!
حنان .. انتي عارفة انا مبتصلش ليه .. عشان طولة لسانك وكلامك اللي زي الدبش وتجريحك ليا طول المكالمة بدون داعي !! وبعدين انتي كل شهر بيوصلك مني مبلغ كويس اظن مغطي كل طلباتك ؟
ناهد .. لا وبيفيض منه كمان وحياتك .. كتر خيرك يا حبيبتي ع الحسنة اللي بتبعتيهالي كل شهر
حنان .. وبعدين بقي .. طريقة كلامك دي اللي بتضايقني منك انا مش بمن عليكي يا ناهد ولا حاجة انتي اختي وانا حالي ايسر منك ولازم اساعدك ده حقك عليا وخصوصا ان جوزك ميت ومسابلكيش حاجة تعيشي منها
ناهد .. اعذريني يا حنان ع اسلوبي وطريقتي في الكلام معاكي ما هو انا ما اتعلمتش في جامعة زيك وماتجوزتش رجل اعمال انا يدوب اخدت الابتدائية واتجوزت ميكانيكي جاهل !!
حنان .. كل واحد بياخد نصيبة
ناهد .. عندك حق وانتي اخدتي نصيب الاسد !!
حنان .. مفيش فايدة فيكي ؟! قوليلي هو رؤوف بيروح عندك البيت ؟!
ناهد .. رؤوف مين ؟
حنان .. رؤوف جوزي
ناهد .. اها .. اه بيجي عندي تقريبا كل يوم .. ليه انتي متعرفيش ؟!
حنان .. لا للأسف معرفش .. هو بيجيلك ليه ؟!
ناهد .. لا السؤال ده بقي اسألهوله هو .. ان قدر بقي يجاوب
حنان .. يعني ايه مش فاهمه ؟!
ناهد .. يعني مش هاقدر اجاوبك ع سؤالك اسألي جوزك وهو يقولك بيجي عندي ليه
حنان .. تمام .. مع السلامة
ناهد .. مع الف سلامه
رد فعل علي وجه حنان
ونذهب الي شركة رؤوف حيث يجلس في مكتبه ويذهب اليه سنوسي السباك
رؤوف .. انت سنوسي ؟
رؤوف .. ايوه يا باشا انا سنوسي
رؤوف .. اقعد يا سنوسي
سنوسي .. تسلم يا باشا
رؤوف .. تشرب ايه ؟
سنوسي .. شاي يا باشا
رؤوف في الميكروفون ..اتنين شاي يا اماني هنا
رؤوف .. ندخل في الموضوع علطول عشان معنديش وقت للأسف
سنوسي .. الله يكون في العون سعتك
رؤوف .. ناهد قالتلك ايه المطلوب منك بالظبط؟
ناهد .. اه سعتك فهمتني كل حاجة
رؤوف .. وموافق ومقتنع ولا هتنفذ ولا متردد ؟
سنوسي .. لا متردد ايه سعتك دي مدام ناهد الليل تقنع فيا لحد ما اقتنعت خلاص
رؤوف .. الليل كله ؟!
سنوسي .. قصدي سعتك في التليفون .. الليل كله تتصل بيا اه يا سنوسي فكرت؟ اقولها لسه وتقفل وتتصل تاني اه يا سنوسي عملت ايه وهكذا سعتك
رؤوف .. اه .. يعني انت جاي هنا وفاهم كل حاجة وايه اللي هيحصل بالظبط؟
سنوسي .. تمام سعتك
رؤوف .. طيب ده مفتاح القصر هتروح هناك انهارده الساعة اتنين بعد نص الليل وتدخل القصر وتطلع فوق الدور التاني تالت اوضة ع اليمين هتلاقي جاهزة ومستنياك
سنوسي .. عدم لا مؤاخذة مستياني ازاي سعتك ؟! هي علي علم باللي هايحصل ولا ايه ؟!
رؤوف .. علي علم ازاي يا حيوان انت ؟! انا قصدي اني هاكون مخدرها وجاهزة
سنوسي .. هتكون نايمة يا باشا ؟!
رؤوف .. لا مش نايمة طبعا لأنها لو نايمة هتبقي واقعة اغتصاب مش زنا يا فالح !! اومال سباك ازاي ؟!
سنوسي .. ياباشا انا سباك مش قواد عدم لامؤاخذة ومعرفش التفاصيل دي سعتك
رؤوف .. اديك بتتعلم اهوه .. مخدرهالك يعني غايبة عن الدنيا بس صاحية وفايقة وكل حاجة وتحت امرك في اللي هتعمله .. فهمت ؟
سنوسي .. فهمت يا باشا .. المهم مجيش اقرب ناحيتها تقوم مصرخة ومودياني في ستين داهية !!
رؤوف .. مش هتفرق كتير انت كده كده رايح في ستين داهية وع العموم متقلقش هتلاقيها بتتعامل زي مراتك بالظبط
سنوسي .. تمام .. فهمت سعتك
رؤوف .. امسك المفتاح وده شيك ب مليون جنية والباقي بعد ما يتقبض عليكم ان شاء الله.. هههههه
سنوسي .. تمام يا باشا .. اتفقنا
رؤوف .. انت لا شوفتني ولا تعرفني
سنوسي .. اكيد سعتك
رؤوف .. وانا مسافر اليابان في طيارة الساعة ٨ بالليل عشان القصة تتظبط .. ركز يا سنوسي مش عاوز غلطة
سنوسي .. متقلقش سعتك هتبقي قضية دعارة مع سبق الاصرار والترصد كمان
رؤوف .. تمام
وتدق الساعة العاشرة مساء وتأتي اخت رؤوف الي القصر في حالة يرثي لها وتدعي نجاة ومعها شنطة ملابسها ويبدوا انها حزينة جداا
حنان .. مالك يا نجاة في ايه بتعيطي ليه كده .. ايه ده ايه اللي في وشك ده ؟!
نجاة .. محمود ضربني يا حنان
حنان .. تاني ؟! ايه قلة الادب دي هو ايده طولة عليكي ولا ايه ؟
نجاة .. علشان ملقيش حد يقف له .. ما هو كل مرة اشكي ل رؤوف يروحني ليه من غير حتي ما يعاتبه .. هو فين ؟
حنان .. قصدك رؤوف ؟
نجاة .. اه
حنان .. معرفش .. برن عليه تليفونه مقفول من الصبح
نجاة .. فعلا انا كمان برن عليه تليفونه مقفول
حنان .. الله اعلم فينه دلوقتي
نجاة .. انا مش هرجع تاني للي اسمه محمود ده ولازم يطلقني .. انا مصممة ع الطلاق ورؤوف لو رجعني ليه تاني مش هاسمع كلامه .. انا اتبهدلت اوي يا حنان .. اوي
ثم تبكي
حنان .. اهدي بس وتعالي معايا فوق في اوضتي عشان ترتاحي شوية وبعدين نبقي نتكلم في قصة محمود دي يكون اخوكي رجع بالسلامة
وتصعد حنان ونجاة الي غرفة حنان
نجاة .. اومال محمد ونور فين ؟
حنان .. نايمين في اوضتهم من بدري
ثم تطرق الدادا حسنية باب الغرفة
حنان .. ادخل
حسنية .. اللبن يا ست هانم
حنان .. حطية عندك يا دادا .. تشربي ايه يا حنان ولا تحبي تاكلي الاول ؟
نجاة .. لا ماليش نفس للأكل خالص
حنان .. طاب هاتي كوباية لبن تاني يا دادا
حسنية .. حاضر يا ست هانم
حنان .. اشربي لبن هيهدي اعصابك بقولك ايه اشربي كوبايتي انا انا كده كده داخلة اخد شاور والكوباية اللي جاية ابقي اشربها انا
نجاة .. اوك
حنان .. خدي راحتك البيت بيتك وبلاش تفكري وتضايقي نفسك
نجاة .. اوك
وتذهب حنان لتأخذ شاور وتشرب نجاة اللبن وتلاحظ ان طعمه غريب
نجاة .. اللبن ده طعمه غريب ليه كده ؟! جت ع اللبن يعني اهه كل حاجة في حياتي بقي طعمها غريب !!
ثم تشرب اللبن
وتدق الساعة ٢ بعد منتصف والليل ويفتح سنوسي باب القصر ويدخل متسللا ويصعد الي الدور الاعلي متجها نحو غرفة النوم الخاصة ب حنان كما وصفها له رؤوف ثم يفتح الباب .....؟؟؟؟؟
↚
الجزء الرابع
ويصعد سنوسي الي الطابق الاعلي من القصر ويتوجه نحو غرفة نوم رؤوف وحنان ثم يفتح الباب فيجد نجاة نائمه ترتدي قميص نوم فينظر اليها ويقول
سنوسي .. ايه الحلاويات دي ؟! ده انتي جامدة اوي !! اما اشرب كاس عشان اتعامل مع الوحش ده !!
ثم يفتح زجاجة خمرة احضرها معه ويشرب منها كأس ثم يخلع ملابسه ويصعد الي السرير بجوار نجاة ويقول
سنوسي .. ملاك يا اخواتي نايم !
نجاة شبه غائبه عن الوعي .. انت جيت يا محمود ؟!
سنوسي .. محمود ؟! لا انا مش محمود انا سنوسي
نجاة .. سنوسي ؟! سنوسي مين ؟!
سنوسي .. انا سنوسي حبيبك يا قمر
نجاة .. لا انا مش عاوزة سنوسي .. انا عاوزة محمود حبيبي
سنوسي .. يا ستي اعتبريني محمود حبيبك واللي بيعمله محمود يعمله سنوسي .. ههههههه
نجاة .. بجد ؟! هتعرف تعمل زي محمود بالظبط ؟!
سنوسي .. الا اعرف اعمل زي محمود !! قوليلي بس هو محمود بيعمل ايه وانا اعمل زيه
نجاة .. طب تعالي لما اقولك
ونذهب الي حنان حيث تجلس في غرفة اولادها محمد ونور حيث شاهد ابنها محمد ٦ سنوات فيلم رعب فلم يستطيع النوم بعدها واستدعي امه لكي تجلس بجواره الا ان ينام
حنان .. وبعدين يا محمد هنفضل صاحين الليل كله ؟! اختك نامت من بدري .. نام بقي
محمد .. ماما انا خايف اوي
حنان .. ما انا قلتلك قبل كده بلاش يا حبيبي افلام الرعب دي ما دمت بتخاف منها اوي كده
محمد .. ماما هي الوحوش اللي في الافلام دي حقيقية ؟
حنان .. لا يا حبيبي مش حقيقية ده خيال .. يلا نام بقي
محمد .. حاضر
حنان .. طب اقوم انا بقي
محمد .. لا متسبنيش يا ماما بليييز انا خايف اوي .. نامي جمبي انهارده
حنان .. مينفعش طبعا .. وبعدين انا سايبة عمتو لوحدها .. عيب كده تزعل مننا
محمد .. طب متمشيش لحد ما انام
حنان .. حاضر .. بقالك ساعتين بتقول هنام .. نام بقي يلا يا محمد
محمد .. ماشي
ونذهب الي حسنية الدادا حيث تفتح باب القصر لشرطة الاداب
الضابط .. هما فين ؟
حسنية .. فوق سعتك .. امسكوها الخاينة الفاجرة هي وعشيقها اللي ما صدقت سيدي رؤوف سافر من هنا واتصلت بعشيقها من هنا .. ده سباك القصر يا باشا !! تصدق ؟! السافلة الحقيرة
ونذهب الي رؤوف حيث يجلس في غرفته بالفندق الذي يقيم فيه باليابان يدخن السيجار الفاخر ويشرب الويسكي ويبدوا انه ينتظر مكالمه تليفونية .. وفجأة يرن التليفون المحمول والمتصل دادا حسنية
حسنية صوت مرتبك وحزين .. ايوه يا رؤوف بيه .. مصيبة .. مصيبة
رؤوف .. مصيبة ايه يا دادا انطقي بسرعة .. اوعي تقوليلي البوليس مقبضش عليها وهي في وضع تلبس ؟!
رؤوف .. لا اتقبض عليها وهما الاتنين زي ما حضرتك كنت عاوز بالظبط
رؤوف .. طيب .. جميل جداا اومال ايه كلمة مصيبة دي يا وليه يا مجنونة انتي ؟!
حسنية .. ما هو اللي اتقبض عليها مش حنان مراتك دي الست نجاة اختك !!
رؤوف منزعج .. ايه ؟! انتي بتقولي ايه ؟!!
يتبع ....
التفاعل ضعيف عشان كده البارت صغير .. تفاعل كبيييير وهنزل حلقة كمان كبيييرة ..
↚
الجزء الخامس
ناهد ورؤوف يتحادثان تليفونيا
ناهد .. اه يا بنت اللذين !! ايه الحظ ده ؟! ما قلتلك نقتلها ونخلص قولت سمعتي ومركزي !!
رؤوف .. لا خلاص انا بعد اللي حصل لأختي ده قررت اقتلها فعلا انا سمعتي ومركزي بقوا في الطين يا ناهد !! انا بقيت حديث المدينة واللي يسوي واللي ميسواش بقي ينهش في سمعتي وسمعة اختي !! عندك حد يخلص الموضوع ده ولا اتصرف انا ؟
ناهد .. عندي .. نجم
رؤوف.. مين نجم ده ؟
ناهد .. مسجل خطر لسه خارج من السجن طازة كان واخد ١٥ سنه في قتل مراته بس ايه هيعجبك اوي
رؤوف .. وده تعرفيه منين ده ؟!
ناهد .. ما هو مراته اللي قتلها دي تبقي اخت جوزي الله يحرقه مطرح ما غار
رؤوف .. اها .. بس يخلي باله المره دي ومايعملش زي سنوسي بتاعك ده مش يروح عشان يقتل حنان يقوم يقتل الدادا !!
ناهد .. لا متخفش .. سيبلي انا الموضوع ده .. هاكلمه واظبط معاه وارجعلك تاني
رؤوف .. تمام.. في انتظارك
ناهد تغلق الخط ويبدوا انها تفكر في شئ ما .. ثم تتصل ع نجم
ناهد .. ازيك يا نجم ؟
نجم .. ناهد ؟ ازيك ؟ عاش من سمع صوتك
ناهد .. كفارة يا عم .. سمعت انك خرجت من السجن ؟
نجم .. اه .. خرجت من اسبوع كده
ناهد .. والدنيا اخبارها ايه معاك
نجم .. زفت وحياتك .. خارج مش حيلتي اللضه !! والدنيا ملطشة معايا اوي
ناهد .. طيب عاوزاك في مصلحة هتاخد من وراها مبلغ كبير تبدا بيه حياتك من جديد
نجم .. مصلحة ايه دي ؟
ناهد .. بسيطه .. هتقتل واحدة ست وعيالها الاتنين
نجم .. قتل تاني يا ناهد ؟! ودي مين الواحدة دي ؟!
ناهد .. لما نتقابل هتفهم كل حاجة بس الاول موافق ولا اشوف غيرك
نجم .. نتقابل الاول وتحكي اللي عندك وبعدين اقرر
ناهد .. تمام اتفقنا .. مستنياك في الشقة الساعة ١٠ بالليل .. فاكر العنوان طبعا ؟
نجم .. ايوه
ناهد .. في انتظارك .. سلام
ناهد تغلق الخط ورد فعل علي وجه ناهد
↚
↚
↚