القائمة الرئيسية

الصفحات

أحدث الروايات

ناس عشريه ومتربيه .. مجدي فرج عامر Magdi Farag Amer

 ناس عشريه ومتربيه 

وناس نمامه وناس قصاصه

وناس فقريه وناس حسوديه

 وناس علي كل الناس بصاصه

وناس حقوديه وناس يهوديه

وناس علي أهلها مستقويه 

وناس تتربص بيك قناصه

وناس فيها طيبه وناس عناديه

وناس من عند الرب هديه 

 وناس ف عينيها تندب رصاصه

وناس فتانه وناس بهتانه

 وناس مليانه عفن ونتانه 

وناس تسواش ولا حتي قصاصه

وناس ف المحنه أوام غايتانا 

وناس لسنتها ع طول فلتانه

وناس علي سلمهم رقاصه

وناس بتذم وناس بتنم

وناس بتصلي وناس بتأم 

وناس تبدرها وناس بتلم 

وناس وردات تتحط ف ڤازه 

مجدي فرج عامر

------
ومين يسمحلي
 اكون سندك ف وقت العوز
يكون نبراس 
ينور سكه تمشيها
حافظك ف قلبه
 وجوه عينه الجوز 
واكون لك دنيا 
غير الدنيا تعيشيها
يا فستقايه
 وعين جمل مع لوز 
كونتيسه انتي 
وباقي الخلق حواشيها
طعمك فراوله
 وتفاحيه وموز 
كلمة باحبك 
بين الخلق إفشيها
ياخاطفه قلبي قوي
  نفسي برضاكي أحوز
وساعتها فيش ع الارض 
قوه ف يوم حتخشيها
مجدي فرج عامر


-------
الشعر سارح عشقه جوه الروح
فارد قلاعه ف بحرنا مقبل
همسُه ف ودن العشق متْبل
بُهارات محبه تحلي فيه البوح 
ف براح وباحه الكل متقبل
ورقه وقلم بيسدوا جوع لو جاع
غمس حروفه غرفها م الأوجاع
سكنها بيت اشعاره جوه شطور 
صبحت قصايد ع الورق دستور 
يشبعش من سرحانه ف الملكوت
حاضن سكوته بس عالي الصوت  
ومقضي طول الوقت يتأمل 
مستني فكره وليها يتجمل 
بعتاله شُوقَه ووردة الألهام 
بتزوره حتي لو حلم أو نام 
نبض الحروف ينده له ويصحيه 
ينهض بخضه ويمسك الاقلام 
ومداد ف قلمه تمللي يبقي ماليه
يكتب ليومه  وأمسه ولقدام 
عفريت يعفرت شعره ع الاوراق 
وقرين و  عمره ما قاله بينا فراق 
بادر حروفه ع الملأ كلمات
عايشه ف حياته وعايشه فيه لو مات 
شجر الأمل مد المحبه فروع 
شارح لناسه القصه والموضوع 
مروي بعشق يخضر الاوراق 
تتملي عين الخلق ف المشهد 
إبداع وطعمه  بيتقرا وينداق
 أرخ ووثق والقصيد يشهد 
جدل القصيدة بزفره مع تنهيد 
 سكنها حضنه رفعها بالضمه 
ليها طعم غنوه لعب وهاب وفريد
والخلق حافظه لنغمته  صامه
مين اللي طاوعه القلب زق حروف 
والشعر بلثم دوا ولجرحنا موصوف 
بيدفي فينا الزمن وايامنا تتلفع
  عبيان حروفها وبر ومدثرانا بصوف 
فازاي نحس البراد واشعارنا تتقفع....
مجدي فرج عامر


هل اعجبك الموضوع :

تعليقات


مذكرات ساقطة للكاتب محمد مالك : W3Schools




مجلة اضواء على الانستجرام تابعونا