هل تعلم ؟
هل تعلم ان كان في محاولة إغتيال للرئيس السيسي في العراق وده كان سبب تأجيل القمة ؟
وكان مقرر إغتيال الرئيس في مطار بغداد بالصواريخ بتعاون بين أكتر من جهاز مخابرات لدول رافضين المشروع ده تحديدا .
لكن يعمل ايه الرئيس عبد الفتاح السيسي؟ يخاف مثلا ويقول لأ انا مش هروح العراق ولو هنعقد قمة تبقى في القاهرة ؟
لأ
يُصر على زيارة العراق بعد الأخذ بالأسباب ويتم تأمين الزيارة من المخابرات العامة والحرس الجمهوري بالمشاركة مع القوات الخاصة العراقية والأردنية .
طب ليه يا ريس المخاطرة الرهيبة دي ؟
عشان يوصل رسالة أن مفيش شيئ هيقدر يوقفه عن هدفه ومشروعه اللي بيمثل نهضة مصر والأمة العربية بأكملها .
ايه بقى مشروع الشام الجديد ؟
مشروع الشام الجديد هو تحالف يضم مصر والعراق والأردن وبينقسم لجزئين رئيسيين :
أولا : مد خط أنابيب بترول من البصرة في العراق مروراً بالأردن وصولا لمصر ، وإنشاء خط لنقل الكهرباء من مصر للعراق مروراً بالأردن اللي هتستفيد من الكهرباء المصرية هي كمان .
مصر هتاخد برميل البترول من العراق بسعر أقل ب١٦ دولار عن سعره الحالي اللي حوالي ٧٥ دولار .
والعراق والأردن هيخدوا كهرباء بسعر مخفض من مصر .
ثانيا : الشركات المصرية هتروح للعراق بأعداد كبيرة جدا من العمالة المصرية في مختلف التخصصات لإعادة إعمار العراق ، يعني هنشوف العراق مليانه مصريين من تاني زي زمان ، ومصر هي اللي هتاخد عقود إعادة إعمار العراق بشكل كامل وهنحصل على مقابل إقتصادي من ده طبعا سواء إستثمارات مالية مباشرة أو عقود توريد طاقة زي البترول والغاز .
مصر كمان هتساهم في إعادة تأسيس الجيش والشرطة العراقية وإعادة هيكلة المؤسسات الحكومية العراقية .
يسكت بقى الرئيس السيسي على كده ؟
لأ .. يقول في المؤتمر ادام العالم كله ان مصر بتدعم حقوق العراق والأردن المائية وان الأمن المائي لمصر والأردن والعراق جزء لا يتجزأ من الأمن القومي العربي ... ليه بقى ؟
لأن حضرتك تركيا بتسرق مياه العراق ، وإسرا.ئيل بتسرق مياه الأردن ، فدي إشارة من الرئيس السيسي انه ضد سرقة المياه والمتاجرة بيها وبناء السدود اللي تضر بالبلاد !
يعني بيضرب إثيوبيا وتركيا وإسر.ائيل نفس القلم بأيد واحدة .
تحالف الشام الجديد ده البداية ، يعني ممكن دول تانية تنضم لحلف الشام الجديد ده وأولهم سوريا ودي هتبقى بداية دخول مصر لإستعادة سوريا .
