أهلاً بيكم في حكاية جديدة من حكايات العنكبوت 🖤
بمجرد ماهتسأل حد من اهل اسكندريه وتقوله عمارة رشدي هيقولك دي مسكونه بجن وعفاريت وارواح شريره وترابيزات بلياردو وبنج
هل فعلا العماره مسكونه ولا دي مجرد اشاعات وايه الحكاية ؟!
الحكاية بدات سنه 1961 لما اتأسست العمارة كان صاحبها يوناني جاب اسرته معاه علشان تعيش ف العماره بس بعد ايام قليله مات غرقان هو واولادة في رحلة صيد علشان زوجة الخواجة تقرر انها تبيع العمارة
الناس ماربطتش اوي بين موته وبين اي كلام عن الجن والعفاريت لانها كانت اول حادثه والاسره ماتت اصلا بره العماره في الموضوع ما اخدش اهمية
صاحب العمارة الجديد قرر انه ياجر الشقق بس مفيش حد سكن العماره مماتش بطريقة عادية ابدا
الراجل الي سكن الدور الاول مات في حريق كبير ولع في الشقه كلها بعد فتره قصيرة من سكنه فيها
الدور التاني كان ساكنه دكتور وفاتح فيه عيادة علشان بعد يومين من سكنه فيها اتوفي في حادثة بالعربيه
الدور التالت ..كانت ست عايشه فيها لوحدها لان اولادها بره مصر ومرت فتره مبتخرجش من شقتها ابدا
البواب جمع شوية شباب وكسروا الباب لقوا الست مقتوله ويقال ان كان علي وشها فزع ورعب رهيب
الناس بدأت تتشائم من العماره وتتجنبها تماما لحد ما وصلها عريس وعروسه في شهر العسل اللي مكنش فيه ريحة العسل خالص مع اول ليله ليهم في الشقة شافوا بقع دم بتنزل من الحيطة والحنفيات بدات نتزل دم وظهرلهم ف الشقة قطة سودة كبيرة وراس مقطوعه مرميه ع الارض
حاولوا يجروا نحية باب الشقه لقيوه اختفي علشان يغمي عليهم وبعد ما فاقوا لقوا نفسهم في الشارع بلبس النوم وع السرير ف قلب الشارع !!!..
وبعدها يقرر اصحاب العمارة انهم يجيبوا شيخ علشان يتخلصوا من العفاريت دي اول م دخل العمارة ملقاش السلم
حاول انه وصل للشقق الي ف الدور الارضي لكن ملقاش ابواب للشقق وكانها حيطة
علشان يجي بعده شيخ تاني مصدقش الكلام دا كلو وقرر انه يسكن ف العمارة لوحدة وفعلا عدا اليوم الاول والتاني والتالت لغايه م الناس فعلا بدات تصدق ان الشيخ عنده حق وان كل الكلام دا خرافات علشان بعد اليوم السابع يصحي الشيخ وهو مرمي بره العمارة وجمبه العفش متكسر ولما جه يسالوا الشيخ عن الي حصل مقدرش يرد عليهم من الرعب الي كان فيه علشان يموت بعدها بفتره قصيره
بعد اللي حصل الناس بدأت تقتنع تماما ان العماره مسكونه سدوا مخارجها ومداخلها بالطوب وقرروا يسيبوا ادارتها لسكانها من الجن ، لحد ماجات شركة وهدت العماره وبنتها من جديد علي امل زوال اللعنه ولكن الشركه بعد فتره قصيره اعلنت افلاسها ورجعت العماره قفلت تاني واستلمها الجن من جديد
بيتقال ان سبب اللعنه ان العماره اتبنت علي مصحف ويقال كمان ان العماره كانت شركه بين واحد مصري وواحد مغربي والمصري اكل حق المغربي فيها فقرر المغربي انه يعاقبه بأشهر طرق العقاب في المغرب وهو السحر ، يقال ايضا ان صاحب العماره هو اللي طلع الاشاعه دي عشان يطفش السكان منها ويعملها فندق لأنها كانت ست ادوار بس .
بعيد عن القصص دي كلها في ناس مش مصدقه القصص دي كلها ومنهم الي كان ساكن في نفس الشارع الي قالوا ان سبب ان العماره تفضل مهجورة هو ان الورثه متخلفين عليها
علشان في 2012 يقرر مجموعه من الشباب انهم يروحوا العمارة دي وفعلا دخلوا فيها والي قالوا بعد كدة انهم مشافوش اي حاجة غريبة ف العمارة وان هيا مش متشطبة والي بيأكد ان مفيش حاجة من القصص دي حصلت
بعيد عن اقتحام العمارة لسه في ناس كتير مؤمنه بان العمارة دي وراها سر كبير ولو وكان الخلاف ع ورث فعلا هل هيقعد من الستينات لغايه دلوقتي
وهل منطقي ان عماره تساوي ملايين تتساب بالطريقة دي من غير اي استغلال ؟
طيب مين الي بيدفع ايجار حارس العقار
ومين الي سد مدخل العمارة بالطوب وبقي المدخل الوحيد من الجراج
ومين الناس الي بيجوا العمارة بالليل بعربيات حديثه وبيمشوا قبل م النهار يطلع زي م بيقول سكان المنطقه
هل في حاجة بتحصل جوا العمارة دي والي بيعملوا كدة هما الي بيطلعوا القصص دي
كل دي اسئله ملهاش اجابه بس الحاجة الوحيدة الي متاكد منها انك لازم تدعمنا وتعمل لايك وشير للبوست 🖤🖤
