القائمة الرئيسية

الصفحات

أحدث الروايات

اريد حلا.. زوجته موافقة تعطيه الذهب.. ابوها رافض. عاوز يطلقها..


الشيخ مبرووك عطية يجيب..

 - انا متجوز بقالي سنه وعندي مشكله مع مراتي بسبب الدهب ، فيه ظروف ف طلبت الدهب منها وهي وافقت راحت عند اهلها علشان تجيب الدهب رفضوا وبعدين اتصلوا بيا علشان اروح اخد الحاجه بتاعتي وشدينا مع بعض وابوها قالي اطلع بره وشتيمه ومشيت ولحد دلوقتي مفيش جديد في الموضوع وانا دلوقتي عايز أطلقها 


= بعد سنه ؟! 


- اه 


= فيه حمل ولا حاجه ؟ 


- عندنا بنت دلوقتي 


= وعايز تطلقها ! وماجتش البنت في ذهنك وانت عايز تطلقها والراجل اللي قالك امشي اطلع بره ممكن يقول لبنتك لو زعلته في يوم امشي اطلعي بره والبنت تضيع كأنها قطه. 


- ما هو حضرتك الست المفروض تقف جنب جوزها يعني اروح اخد حاجتي اقابل بشتيمه


= حاجتك ايه اللي كنت عايزها ؟ 


- الدهب علشان مزنوق 


= علشان مزنوق مش واجب تستلف ، انت اديتها الدهب وده كان جزء من الجوازه فهو بتاعها. 


- ما هو انا دلوقتي مزنوق 


= يا حببيي روح شوف ابوك اخوك الجيران ، بعد عنها خالص انت تعرض عليها مجرد عرض زي غيرها قبلت قبلت ماقبلتش متبقاش زعلان ابداً 


- حضرتك هي وافقت 


= وافقت ورجعت في كلامها وماله ما ترجع ، يا محمد المفروض ماتبصلوش نهائي هي عادة الفلاحين عندنا بيجيبوا الدهب للبنت علشان يجوزوها وبعد ما يجوزوها بأسبوعين يقولولها حاتي يلا نبيعه ونجيب جاموسه ، هي دي الاستقامه ؟ اديلك وبعدين اخد منك وابيع ! علشان افك زنقتي لو انا مزنوق من الأول بتجوز ليه ؟ 


- ما ده ظروف 


= اتصرف بعيد عن مراتك يا ولدي الدهب مش هيحللك مشكله 


- واجب عليها تقف جنب جوزها


= تقف مين وتنيل ايه مين قالك انها تقف جنب جوزها هو احنا مجوزينها علشان تقف جنب جوزها احنا مجوزينها علشان هو يسعدها لما يقع في ازمه تواسيه تواسيه يعني حتة سندوتش إنما تقلع اللي في ايديها وفي ودانها وفي الاخر لما ربنا يكرمك ويزيد فلوسك تجيبلها واحده عليها وتقهرها .. يا ولدي انا عايزك تطلع مني بجملة مفيده ماتبصش لدهب مراتك ابداً وفيه الف سكه تجيب منها وتتصرف هي لما تلاقيك متبهدل ومحدش راضي يسلفك هتقولك خد وانت تجيبلها غيره دين عليك.



هل اعجبك الموضوع :

تعليقات