القائمة الرئيسية

الصفحات

أحدث الروايات

التعريف الدقيق لعبارة ( وراء او خلف مصنع الكراسي ) +18

 عزيزي القارئ

تقريباً مفيش حد في مصر ميعرفش جملة " ورا مصنع الكراسي " بس عمرك سألت نفسك اي سبب شهرة المنطقة دي والجملة دي ، أهلاً بيكم في حكاية جديدة من حكايات العنكبوت 🖤

الحكاية بدأت لما جمال عبد الناصر أنشأ مصنع الأساس في الوراق في مدينة القاهرة في الخمسينات كجزء من الخطة الصناعية ، المصنع كانت مساحته خمسين فدان وكان إنتاجه جيد جداً في عهد جمال عبد الناصر ، أما في عهد السادات بدأ إنتاجه يقل تدريجياً بسبب تدهور الإقتصاد من الحرب وبسبب سوء الإدارة وبعدين تحول للخصخصة في التسعينات وإستمرت حالة التدهور لحد ما المصنع اتقفل في 2008 وإتهدم وإتحول لأرض فاضية .

وبعدها إتبنى مكانه أبراج سكنية ولحد هنا مكنش يعرف جملة

 " ورا مصنع الكراسي " غير أهالي الوراق وإمبابة ، لحد ما أحمد مكي في شخصية حزلقوم سأل دنيا سمير غانم وقالها 

" عمرك حد قالك : بت يا چرمين ما تيجي إما نشرب حلبسة على المقطم وراح مكمل ورا مصنع الكراسي 😁

ومن هنا بدأت الجملة تنتشر محلياً ، واتعرف معناها انه الفوز المهين على الخصم لما مشجعين الأهلي قالوا انهم هياخدوا البايرن وراء مصنع الكراسي !!

في البداية جماهير البايرن ماكانتش فاهمة لكن لما فهموا ورجعوا ألمانيا وكسبوا فريق روسي قالوا انهم أخدوا فريق روسيا ورا مصنع الكراسي ، المصري معروف بجبروته 😁

ولما المصريين حبوا يأزروا صلاح ضد ڤان ديك قالوا ان صلاح هياخد ڤان ديك ورا مصنع الكراسي 🙂

عزيزي القارئ المقصود بمصنع الكراسي هو شارع الجيش وشارع مسجد التقوى وأهالى المنطقة بيقولوا إن دي إشاعات وإن المسجد فيه حلقات تحفيظ القرآن وإن الشارع بيتعمل فيه موائد الإفطار في رمضان وإنهم بيتأزوا لما حد يقول الجملة دي ، وفي ناس بتقول ان الجملة دي ظهرت بسبب البلطجة وتجارة المخدرات والسرقة اللي كانت بتحصل مكان المصنع قبل بناء الأبراج ..

عزيزي القارئ اياً كان دي اشاعات ولا حقيقة ، احنا نتقي مواضع الشبهات ونبعد عن مصنع الكراسي وخلاص 🙂

وكدا الحكاية خلصت ، ونقابلكوا في حكاية جديدة ورا بيدچ العنكبوت

أقصد من حكايات العنكبوت 🖤😁


هل اعجبك الموضوع :

تعليقات






#عرض_إعلاني ✅للإعلان عبر مجلة اضواء ب50 دولار مع إعلان ممول لمدة 3 أيام و100 دولار مع تصميم + إعلان ممول لمدة أسبوع تستمر الحملة حتى تاريخ 30-10-2021 وتشمل: ✔️ إعلانات محلات وشركات تجارية ✔️ إعلان مستلزمات ✔️ إعلان لدورات تدريبية ✔️ إعلان مؤسسات ✔️ أي إعلانات أخرى