القائمة الرئيسية

الصفحات

أحدث الروايات

مهارات إبداعية .. كيف تحتوي من تحب .. للرجال والنساء

 الاحتواء مش مجرد كلمه وليها معنى او ليه طريقه معينه ولا حتى عشان تعرف تعمله لحبيبك فتحتاج انك تعمل حاجات كتير كبيره مكلكعه ...

لا دا ممكن يكون كلمة حلوة ف وقت عصبية ، وممكن يكون علي شكل حضن يساع همومك كلها ،

بس برضو مفيش حاجه اسمها احتواء لو العلاقه دى مفياش اهتمام ودخل فيها الاهمال ساعتها تبقي بتضحك على نفسك لو قولت انا قادر احتوى 

الاهتمام مش معناه انك كل دقيقه تسئل وكل شويه تتكلم و24 ساعه بين الشات والفون لان بجد في ناس بتتكلم بالساعات بس الساعات دى منزوعه من اي مشاعر او اهتمام الاهتمام هو انك لو هتتكلم نص ساعه اخر اليوم تعرف فيهم تفاصيل يوم حبيبك تفضيله وقت تسمعه فيه بعيد خالص عن دوامة ومفرمة حياتك

الاهتمام انك تركز ف تفاصيل حبيبك تركز ف اللى بيبسطه وتعمله مش اللى بيريحك فترغمه عليه وتقول انا كدا بهتم عمر الاهتمام ماكان هدية

الاهتمام اني اقولك انا مخنوقه وتفضل جنبي تكلمني وتهون عليا لحد ما افوق 

الاهتمام أنك لما تلاقي صوتي مضايق متقفلش عشان تسيبني لحد ما اهدي لا انت تفضل معايا عشان اهدي 

الاهتمام انك تقولى كلمة حلوة مكنتش متوقعه إنك تقولهالى

الاهتمام انك تكلمنى ف عز انشغالك مش وقت ماتحس بملل وتجيلي عشان تشغل يومك

الاهتمام انك تراضينى وقت زعلى مش تدورلى على اتهامات ترمى عليا اللوم بيها الاهتمام انى اما ازعل متستكبرش تقولى حقك عليا 

الكلمة الحلوة إهتمام ، إني افتح معاك مواضيع تافهة واقعد ارغي ف اي كلام عشان بس اكلمك ده إهتمام ، إنك تسمعني وترغي معايا رغم انك عارف ان الكلام تافه بس تسمعوا بأهتمام انك اول ماتلاقي رساله منى ترد عليا قبل اي حد ده إهتمام ، 

اما اقولك خلاص انا همشي تمسك فيا وتقولى لا خليكى متمشيش حسسنى انى فارقه معاك وقت الزعل زى ماكنت دايما بتقول وقت ماالدنيا بتكون رايقه 

احنا محتاجين نعرف يعني ايه إهتمام عشان نوهبة لغيرنا الي بيوهبوه لينا واحنا مبنهتمش باهتمامهم بينا ، احنا محتاجين نعرف ان الاحتواء هو الإهتمام وان الإهتمام هو الحب ، وان الحب لو صابه الإهمال بيدبل لحد ما بيختفي من جوانا



هل اعجبك الموضوع :

تعليقات


مذكرات ساقطة للكاتب محمد مالك : W3Schools




مجلة اضواء على الانستجرام تابعونا