طبعاً قصر البارون من اجمل الامكان الاثرية الي ممكن تشوفها ف حياتك 🖤
بس ورا الجمال دا كلو القصر دا ارتبط بيه كلام كتير عن عبدة الشيطان والسحر الاسود والاشباح اكتر من جمال القصر نفسه علشان يبقي واحد من اكتر الاماكن المرعبه في مصر !!
الحكاية بدات لما قصر البارون اتاسس في القرن 19 بعد افتتاح قناه السويس بكام سنة ، صاحب القصركان مليونير بلجيكي اسمه ادوارد وشغال مهندس وكان عايش في مصر .
ادوارد كان بيحب الامكان الاثرية والحضارية جدا علشان يتعلق ب مصر ويقرر انه يتدفن فيها لما بموت حتي لو مات برة مصر ، علشان يقرر انه يبني قصر كبير وكان عاوز يخليه من احسن الاماكن في العالم ، اختار مكان في الصحرا قريب من القاهرة وبعدها سافر فرنسا علشان يختار تصميم للقصر لانه كان بيحب الطراز الهندي والاوروبي
القصر اتنفذ في حوالي 5 سنين !!
الحديقة بتاعت القصر كانت مليانه تحف وتماثيل كلها اثرية والقصر نفسة كان عبارة عن تحفة فنية عظيمة
القصر كان فيه برج موجود علي قاعدة متحركة بحيث انها كل ساعة تكون في اتجاة تاني
ودا الي خلا الناس توصفه بانه القصر الي مبيغيبش عنه الشمس
وجوه القصر في نفق طويل بيوصل لكنيسة البازليك الي مدفون فيها البارون .
قصاد النفق هتلاقي الغرفة المحرمة الي مكانش اي حد بيدخلها غير البارون بس حتي اخته وبنته ودا الي خلا الناس تشك في ان الاوضة دي البارون بيمارس فيها السحر
وبسبب ان ابنه البارون مريضة بشلل الاطفال كان الكل بيعاملها بشكل وحش حتي ابوها وعمتها
ف فيوم البنت كانت حزينه وبتبكي وكانت معاها صحبتها الي كانت من عبدة الشيطان وبتمارس السحر ف اقنعتها ان السحر هوا الحل الوحيد علشان تتخلص من معامله اهلها الوحشة ليها
وفيوم كان البارون قاعد ف اوضته سمع صراخ اخته والي لما وصل لقالها واقعة من البرج وماتت
الغريب ان في نفس الوقت دا البرج وقف ومتحركش تاني لغاية دلوقتي !!
ومن الوقت دا وبدا الرعب جوا القصر
علشان كل يوم بالليل يسمعوا صوت البارون هو واخته وهم بيتخانقوا بعد موتها اصلا
في ناس بتحكي ان البارون حس بالذنب انه ملحقش اخته لما صرخت علشان كدة حضر روحها الي رفضت انها تسامحه وحولت القصر لجحيم
كل الي كان ساكن القصر مات بطريقة مرعبة
البارون بعد الي حصل دخل ف حاله اكتأب شديدة علشان ف يوم يلاقوا البارون شنق نفسه ف اوضته
وبعدها يلاقوا زوجة البارون ميته وهي محشورة ف الاسانسير
والبنت لقيوها غرقانه ف بير غويط ف القصر
بعد موت الاسرة بالكامل الجيران بدات تشتكي من الصوت العالي الي طالع من القصر الي بيكون باليل بس
وانهم بيسمعوا صوت صراخ عالي وان العفش بيتحرك من مكانه وانهم بيشوفوا نور بيطلع من القصر وبيختفي لوحدة
علشان بعد كام سنه تقوم حريقة كبيرة ف القصر ويطلع منها دخان كتير بس الغريب ان بعد كام دقيقة كل حاجة اختفت وكان مفيش حريقة من الاساس والعفش كلو سليم !!
و بعدها علي طول تظهر ناس جوا القصر لابسين اسود بالكامل وماسكين شموع ودا طقس من طقوس عبدة الشيطان
وفي يوم يقرر شوية شباب يزوروا القصر ومعاهم المرشد الي اول م فتح اوضه من الاوض سمعوا صوت صراخ جاي من جوا الاوضة بس محدش فيهم اتكلم
علشان يدخلوا بعدها لاوضة اسمها اوضة الدم والي حيطانها كلها دم واحد منهم حاول انه يمسح الدم دا علشان يخرج الدم تاني من الفتحة الي ف الحيطة ويخرج معاه صوت مرعب
ويطعوا الشباب كلهم من القصر مرعوبين من الي حصل
وبعدها جه 2 صحاب ومعاهم المرشد وهما ماشيين لقوا سلم نازل للبدروم واحد منهم قال للمرشد عاوزين ننزل تحت قالهم مش نازل تحت انا بخاف الي عاوز ينزل لوحدة
علشان يقرر الشاب دا انه ينزل لوحدة فعلا ومكلمش دقيقه غير وسمعوا صوت صراخه
وبعدها خرج مرعوب ومقدرش انه يتكلم اصلا وقضي باقي حياته في مصحة نفسية
قصص كتير مرعبة حصلت جوا القصر بس اكيد هيفضل واحد من اجمل الاماكن الاثرية ف مصر 🖤
لو كملت قراءة لهنا والقصة عجبتك متنساش تدخل تتابعني أنا بنشر على صفحتي قصص غريبة من الواقع يارب تعجبكم 🖤
