الو الو مرحبا أمي
اهلين حبيبي
- كيفك شو عم تعملي ؟؟ !!
-عاملة محاشي كوسا وبيتنجان و يبرق منشانك بالذات .. لانه بعرفك بتحب اليبرق كتير ..
تعال وجيب مرتك مر على بيت أخوك و جيبهم معك وأنا بتصل على اخواتك بسرعة البنات يجهزو حالهن لبين ما توصل لعندهن ...
لا تجيب معك شي ، لأنك موجود الحمدلله ، لااااا تجيب شي برجع بقلك
برضاي عليك يا ابني لا تتأخر بدّي ياك تاكل اليبرق سخن و ما راح آكل لتجي ها
(و انا ساكت عالتلفون تاركها عبتحكي)
و هون سكت شوي و صوت البكى
مع الدموع و قالت:
نسيت يا أمي إنك بالغربة و نسيت إنه نحن أنا و أبوك بسورية و نسيت إنه اخوك بالسعودية صار و كل واحد ببلد وأختك بالمانيا ..
للحظة تذكرت أيام زمان و كيف بنص ساعة كنتوا تجتمعوا عندي بالبيت و نأكل و نضحك و نمزح ..
يا ابني ياترى بضل عايشة حتى نجتمع كلياتنا على سفرة وحدة .. يا ابني مابظن نجتمع إلا عند ربنا ..
راحت أيّام الفرح يا ابني ..
- هون أنا توقف الحكي عندي و سكتت و طلع صوت بكاها أعلى وقفت كمان هيي عن الحكي
و سكرت الموبايل ...
و أنا عم قول ياترى في عيلة بسورية بترجع تجتمع من جديد
يارب تحقق ذلك وتجمعنا هذا
حال أغلب السوريين" الله يفرج
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.