......ياوخداني
لحلم العمر يا عمري
ياساكنه كل وجداني
أنا سلمتلك أمري
مادمتي ياعمري حباني
مادام قلبك مالوش غيري
يانبضة حب عيشاني
أنا قلبي اللي وحداني
تعالي وخشي فيه سيري
ياخطوه لعمري سبقاني
ياطيف واخد مدي شوقي
زرعتك جوا شرياني
تكوني النبض ف عروقي
واشرب من صفا قلبك
ولما اعطش أعود تاني
أنا ف قربك لقيت نفسي
واحسك زي ماتحسي
تعالي وخشي أحضاني
ودوبي ف ضمتي ولمسي
يابكره اللي اتفرد فيا
يا اجمل ماوهب أمسي
أنا قدرك ومكتوبك
أنا وحدي اللي محبوبك
أنا اللي لمست وجدانك
أنا الضحكه اللي ف عنيكي
أنا اللمسه اللي تحييكي
ونسمه عشقها فستانك
أنا طول عمري مشتاقلك
وأنا وحدي اللي خيالك
باشوفك كل يوم فيا
يانبضه ف قلبي تحييني
يا عمري اللي انكتب ليا
تعالي يا شمسي ضميتي
تعالي والمسي روحي
وداوي برقتك جرحي
تعالي بعطر أنفاسك
عيوني وقلبي حراسك
تعالي .يا روحي واتهجي
دا من ضيك ظهر صبحي
وحبك كان سبب فرحي
.