اتعود إنك ما تتعودش ..
أيوة أنت قريتها صح أتعود أنك ماتتعودش
يعني حاول ماتتعودش على حاجة بزيادة لأن مجرد التعود بيخليك ضعيف بيسحب قوة ارادتك بيحرمك من الإستقلال مابتعرفش تفتح عينك إلا لما تشرب قهوة كل يوم الصبح ماشي أشرب بس لازم تبطل تشربها كام مرة كدة عشان تثبت لنفسك أنك مش أسير ليها ..
لو بتحب حد مهما كان مين وبتموت فيه ومتعود على وجوده في حياتك استمر بس لازم يبقى فاهم إنك مكمل معاه عشان هو بيقدرك وبيحبك لكن وقت أما يتخطى حدود كرامتك أو احترامك لازم يكون عارف أنه هيخسرك ..
يعني من الآخر ماتخليش عندك نقطة ضعف التعود بيخليك زي الطير اللي رابطين رجله في حجر تقيل ومش عارف يطير .. لازم تبقى مستعد إنك ممكن تفقد أي حاجة من الحاجات اللي أنت متعود عليها في أي لحظة .. عشان كدا لازم تعود نفسك إنك ماتتعودش لإن انت اللى هتتعب لوحدك
كل بداية وليها نهاية واللي معاك النهاردة مش مضمون يكمل لبُكرة القلوب متقلبة فبلاش تتعود لانك الوحيد اللي هتدفع ضريبة التعود والاخر مش فارق معاه عايش عاااااادي لكن انت اللي البُعد مأثر فيك فبلاش تتعود عشان اللحظة دى ✋
