القائمة الرئيسية

الصفحات

أحدث الروايات

بحبك يا بنت عمي 💕 الفصل رقم 4و 5و6 .. الرواية تحفه الأبطال ( مازن، مي) حلقات 4 و 5 و 6

 بحبك يا بنت عمي 💕 الفصل رقم 4و 5و6 .. الرواية تحفه الأبطال ( مازن، مي)  

حلقات 4 و 5 و 6

بحبك يابنت عمى

الحلقه الرابعه

ام منار صحت مى ومنار الصبح عشان يفطرو

مى,,,انا مليش نفس ياطنط

ام منار,,,ليه بس يابنتى

منار,,,كلى حاجه يامى انت مسافره

مى,,معلش مش قادره بجد

ام منار,, طارق رن عليا وبيقولى السواق مستنيكى تحت

مى ابتدت تعيط

ام منار,,,,كفياكى يابنتى عياط

مى,,,مش مصدقه انى هفارق اسكندريه هتوحشونى اوى

منار ابتدت تعيط وتحضن مى

مى ودعت شقتها وودعت منار وامها وركنب مع عم احمد واتجهت للقاهره

فى بيت محمد القاضى

محمد,,,مى جايه النهارده

مازن,,,,مى مين ؟

محمد,,,,مى بنت عمك

ليلى,,,, هى اسمها مى

محمد,, اه اسمها مى فى 4 كلية طب

مازن,,,, طبيعى تبقأ فى طب

هبه بنت ليلى طبيعى اذاى يعنى

مازن,,,عشان عيلة القاضى مش بتخلف غير ناس متوفقه

محمد,,,,,كويس اديك اعترفت انها من العيله

مازن,,..سكت وحس بالندم على كلامه

محمد,,,هى هتوصل كمان ساعتين لازم نستقبلها

مازن,,,انا عندى شغل مش هستنا حد

وليلى ,,,وانا عندى معاد مع ميرفت هانم

هبه,,,,وانا رايحه النادى,

محمد,,,اه ابتدينا من اولها, ماشى براحتكم انا هستقبلها وابقأ اتعرفو عليها بالليل

كله راح لمواعيده وبعد ساعتين وصلت مى وكان عمها محمد مستنيها

مى نزلت من العربيه وكانت لابسه جينز اسود وفست اسود نص كوم طويل وعامله شعرها ديل حصان

وابتدت تنزل شنطها مع عم احمد

محمد,,,,اهلا اهلا حمد لله على السلامه

مى ,,,الله يسلمك

محمد,,,طبعا مش عرفانى

مى,,,لا بصراحه

محمد,,,انا عمك محمد يامى شرفتى ياحبيبتى

مى,سلمت على عمها ,ازيك ياعمو

محمد,,البقيه فحياتك

مى,,,حياتك الباقيه

محمد,,,انتى شبه ابوكى اوى

مى,,,,الله يرحمه

محمد,,,انا مش عاوزك تحسى انك غريبه ابدا ده بيتك وانا ابوكى اى حاجه تطلبيها اوامر

مى حست بالامان شويه

مى,,,, حاضر ياعمو

محمد قال للخدامين يدخلو شنظ مى الفله

محمد,,,انا خلتهم يجهزولك اوضه اطلعى ارتاحى ياحبيبتى عشان انا خارج عندى شغل

مى,,,هو انت عايش وحدك ياعمو ؟

محمد,,,لا مش وحدى ام حسن هتقولك كل حاجه عشان انا اتأخرت

مى,,,ماشى ياعمو سلام

محمد,,,سلام

وركب العربيه ومشى على الشركه

ام حسن,,,مشاء الله الخالق الناطق ابوكى

مى,,,انت عارفه بابا

ام حسن ,,,,طبعا يابنتى انا مربياهم على ايديه ,,تعالى اما احكيلك عن الناس الى عايشين فى الفله دى

مى,,,,احكى

ام حسن,,,اول حاجه الباش مهندس محمد عمك ,ومخلف مازن مهندس برضو وشغال معاه فالشركه

مى,,,,,ههههه العيله كلها مهندسين حتى بابا الله يرحمه مهندس

ام حسن,,,الله يرحمه

مى,,,ها كملى

ام حسن,,,وفيه بقأ ليلى هانم مرات محمد بيه وبنتها هبه

مى ,,,مش فاهمه مراتى عمى يعنى وبنت عمى

ام حسن ,,,لالالا انت مازن بس هو الى ابن عمك ,انما ليلى هانم دى مرات عمك وهبه دى بنتها من راجل تانى

مى,,,اااه فهمتك

ام حسن ,,,بس كده

مى,,, طيب احكيلى عن شخصيتهم وكده

ام حسن,,,, ليلى هانم وبنتها مغرورين اوى يابنتى والاحسن انك تختصريهم دى ست شرانيه كل همها تجوز بنتها لمازن عشان الفلوس

مى,,,يساتر , طيب ومازن

ام حسن,,,, مازن حياته كلها شغل فشغل بس ورث جبروت جده وبيعامل الناس الفقره وحش

مى,,,,ياربى هعيش وسط الناس دى اذاى انا مش شبههم خالص

ام حسن ,,,, عمك محمد كويس

مى,,,اه فيه من حنية بابا

ام حسن ,,هسيبك ترتاحى

مى,,,ماشى

نامت مى والساعه 5 المغرب جت ام حسن تصحيها للغدا

ام حسن,,,ست مى قومى

مى,,قامت ايه ياداده بلاش ست مى دى قوليلى مى بس

ام حسن ,,,ربنا يخليكى يابنتى نفس طيبة ابوكى , محمد بيه بيقولك انزلى عشان تتغدى وتسلمى على باقى العيله

مى,,, غسلت وشها ولفت شعرها ونزلت

وهى نازله على السلم مشفتش على الصفره غير واحده ست وبنت

اول ماقربت على السفره

محمد,,,تعالى يامى سلمى على ليلى مراتى وهبه بنتها

مى سلمت على ليلى اهلا ازيك ياطنط

ليلى بقرف,,,الله يسلمك وبلاش طنط دى قوليلى ياليلى بس

مى بأستغراب ,,,حاضر وبعدين سلمت على هبه ,اهلا ازيك ياهبه

هبه بتكبر وغيره اهلا

مى محستش بالراحه اول ماشافت ليلى وبنتها

محمد,,اقعدى اتغدى يامى معلش مازن عنده شغل وهيأخر شويه

مى ,,,,, مفيش مشاكل

محمد,,,انا حولتلك الورق بتاعك طب القاهره

مى,,, شكرا ياعمو تعبتك

محمد,,مش عاوز اسمع كلمة شكرا دى انا ابوكى فاهمه

مى ,,براحه بنفسيه ماشى ياعمو

ليلى وهبه منطقوش ولا كلمه من الغيظ

_________________________

بحبك يابنت عمى

الحلقه الخامسه

بعد الغدا

محمد,,,مى تعالى معايا المكتب عاوزك

مى,,حاضر

بعد ما مشيو للمكتب

هبه,,,ماما هو عاوزها فى ايه

ليلى ,,,مش عارفه

هبه ,,انا ابتديت اقلق دى حلوه اوى ياماما وعمو محمد مهتم بيها ليكون بيخطط يجوزها مازن

ليلى,,,محدش هيتجوز مازن غيرك والبت دى انا هشفلها صرفه

فى المكتب

محمد,,,بصى يامى انا عاوزك تعتبرينى زى ابوكى اى حاجه تعوزيها تطلبيها منى فاهمه اى حاجه متتكسفيش

مى,,,حاضر ياعمو

محمد,,, شوفى هتفضى امتا عشان اخدك واشتريلك عربيه

مى,,,لالا عربية ايه

محمد,,, انت من عيلة القاضى مش هتروحى الكليه كده

مى,,,بس انا مش بعرف اسوق وبصراحه بخاف

محمد,,,خلاص هخلى السواق يوصلك ويجيبك

مى,,,ربنا يخليك ياعمو

محمد,,,, ده اقل حاجه يابنتى انا مش بديكى حاجه من عندى ده حقك وحق اخويا الله يرحمه

مى,,,الله يرحمه

محمد حط ايده فى جيبه وطلع فلوس خدى يامى

مى,,,لا ياعمو انا معايا

محمد,,مفيش حاجه اسم لا ودى زياده ووقت مايخلصو تطلبى منى

مى,,بس

محمد,,,مفيش بس فيه بنت تقول لابوها لا

مى,,,ابتدت تعيط

محمد,,,, لالالا ليه الدموع دى طيب

مى,,,انت حنين اوى ياعمو زى بابا بالظبط

محمد,,,ابوكى ده كان ابنى مش بس اخويا , وانتى شبه بالظبط وبتفكرينى بيه

مى,,,, حضنت عمها ربنا يخليك ليا

محمد,,,ويخليكى ياحبيبتى

مى,,طيب استأزنك ياعمو هروح ارتب اوضتى

محمد,,,اتفضلى

مى قعدت ترتب اوضتها وكلمت منار وامها وطمنتهم عليها

الساعه 12 باليل رجع مازن وكان طالع اوضته

محمد,,,مازن تعاله هنا

مازن,,بابا انت لسه صاحى

محمد,,,اه مستنيك

مازن,,,خير فيه حاجه

محمد,,,ايه اخرك ؟

مازن,,,كان عندى شغل

محمد,,,شغل ولا متعمد عشان مش تسلم على بنت عمك

مازن,,,,سكت

محمد,,,,,يبنى دى بنت عمك يعنى من بعدى هى الى ليك من عيلتك

مازن,,,بعد الشر عليك يابابا

محمد,,,,ربنا يهديك يامازن , تصبح على خير

مازن,,,وانت من اهله

مازن وهو طالع السلم هى مين دى الى تبقأ من عيلتى دى عيلة امها كانو خدامين هنا

دخل مازن اوضته ونام

الصبح

الكل على السفره بيفطر

محمد بينده على ام حسن

ام حسن,,,,نعم ياباش مهندس

محمد,,,فين مى

ام حسن ,,,لسه نايمه

ليلى,,,, ايه قلة الذؤق دى اذاى لسه نايمه

محمد,,,اولا الساعه لسه 8 ثانيا البنت جايه من سفر اكيد تعبانه ثالثا هى معندهاش كليه دى فى اجازه لكن احنا كلنا عندنا شغل يبقأ تنام براحتها

ليلى فى سرها,,,, من اولها بدافع عنها

محمد,,,خلاص يا ام حسن اما تصحا مي هانم قوليلها لو احتاجت حاجه ترن عليا

ام حسن,,,حاضر يابيه

مازن,,,هانم !!

محمد,,,اه هانم وست الهوانم دى مى احمد القاضى بنت اكبر عيلة فى القاهره

مازن,,,انا شبعت بعد ازنكم هروح الشغل

هبه,,خدنى معاك

مازن,,ليه وعربيتك

هبه,,معرفش مالها مش شغاله

مازن,,طيب يله

مازن ,,,بعد ازنك يابابا

محمد,,اتفضل انا شويه وهحصلك

خرج مازن وهبه وطبعا عربية هبه ولا كانت عطلانه ولا حاجه دى حجه عشان تخرج مع مازن

ليلى,,,انت مدلعها اوى على فكره

محمد,,,مين ؟

ليلى,,,,مى

محمد وماله تدلع براحتها ده اقل حاجه

ليلى,,,اقل حاجه اذاى

محمد,,, مى عايشه فى ورث ابوها يعنى محدش بيديها حاجه من عنده

ليلى,,,ورث ابوها اذاى اذا كان عمى حرم ابوها من الورث

محمد قام وهو متعصب,,, انا مليش دعوه ببابا انا كنت ضد قراره ده اصلا ودى الحاجه الوحيده الى بقيتلى من ريحة اخويا وانا مستحيل اسيبها واى حد هيزعلها هو الى هيزعل

ليلى,,,قصدك ايه

محمد,,,,الى فهمتيه , انا ماشى

وخرج من الفيله وراح على الشغل

ليلى,,لنفسها ,الله الله ياست مى جايه تخربيلى كل الى كنت بخططله ,انا هوريكى انتى وعمك

بعد ساعه صحيت مى ونازله من على السلم

مى,,,صباح الخير ياداده

ام حسن,,,صباح النور يادكتوره

مى,,,ايه دكتوره دى انا مش قولت قوليلى مى بس

ام حسن,,, حاضر ياست مى

مى,,,,هههههههه برضو ست مفيش فايده فيكى,,امال فين الناس الى عايشه هنا

ام حسن,,, محمد بيه وسى مازن وست هبه راحو الشغل وست ليلى راحت النادى

مى,,,هى هبه بتشتغل ايه

ام حسن,,,معاهم فى الشركه

مى,,,اها

ام حسن اه الباش مهندس محمد قالى اقولك لو عوزتى حاجه رنى عليه

مى,,,ربنا يخليك ليا ياعمى

ام حسن ,,,اجهزلك الفطار

مى,,لا انا مليش نفس هخرج اتمشا شويه

ام حسن تتمشى فين انتى مش عارفه حاجه هنا

مى ,,,شفت جنينة اطفال بعد شارعين من هنا هلف شوى وارجع

ام حسن ,,,,طيب زى ماتحبى

فى الشركه

مازن قاعد مع صاحبه وزميله فى الشغل اسامه بيناقشو مشروع وكانت السكرتيره داخله بالقهوه

مازن وقف فجأه وهو بيشرح لاسامه حاجه فى المشروع ومخدش باله من السكرتيره فأندلقت القهوه على كل هدومه

مازن,,,اى ده انتى اتعميتى

السكرتيره,,,اسفه يافندم حضرتك الى وقفت فجأه

مازن,,,اطلعى برا انتى مرفوده

السكرتيره طلعت وهى بتعيط

اسامه,,,ايه يامازن مالك متعصب ليه مش مستاهله

ونكمل الحلقه الجايه

_____________________________

بحبك يابنت عمى

الحلقه السادسه

اسامه,,,ايه يامازن مش كده مش مستاهله يا اخى

مازن,,,مش مستاهله اذاى دى بوظت البدله الغبيه دى وحضرت ناسى ان عندنا اجتماع مهم بعد ساعه مع عملاء اجانب

اسامه,,ايوه صح دنا نسيت , طيب هتعمل ايه دلوقت

مازن ,,هروح البيت طبعا اغير هدومى

اسامه,,,تمام بس متتأخرش

مازن,,,اوك

خرج مازن من الشركه وركب عربيته وراح البيت

مى كانت بتتمشا وكانت سرحانه فى مامتها ولسه هتعدى الشارع عشان تروح حديقة الاطفال ,عربيه تووووووت فوقتها من سرحانها وهى فنص الشارع

نزل مازن من العربيه وهو متعصب هو يوم من اوله

مازن,,,انت عميه

مى ,,,التفتت لمازن ربنا يسامحك

مازن,,,ركز شويه فى مى, هو انتى

مى,,,نعم انت تعرفنى

مازن ,,,عز المعرفه انتى نفس الغبيه الى كانت سرحانه وهى بتعدى شارع فى اسكندريه

مى,,,,ركزت فى مازن وافتكرت الموقف

وقالت لو سمحت متقولش غبيه

مازن,,,, لا غبيه وستين غبيه وعميه كمان

مى,,,متحترم نفسك ,اى قلة الذؤق دى

مازن,,,لوله بس انى متأخر كنت عرفتك قلة الذؤق على اوصلها

مى,,,مريض

مازن,,,دخل العربيه وساقها بسرعه وراح الفيله غير البدله وبعدين رجع الشركه تانى

مى راحت حديقة الاطفال ولعبت مع الاطفال شويه وبعدين رجعت البيت الساعه 4 العصر الكل متجمع على الغدا ومستنين مازن الى طلع يغير هدومه

على السفره

محمد,,,ها يامى اخبارك ايه

مى,,,بخير ياعمو

محمد,,انتى تعرفتى على كل العيله باقى مازن شويه وينزل , اهونزل اهو

مى رفعت عنيها على السلم لقيته نفس الولد الى اتخانق معاها وسكتت من المفاجأه

مازن اول ماشاف مى,,,,ايه جاب البت دى هنا

محمد,,,ولد دى مى بنت عمك

مى,,,هو ده مازن

محمد,,,انتو تعرفو بعض ولا ايه

مازن,,,لا موقف قديم كده

ليلى كانت متغاظه من جواها

محمد,,,طيب يله نتغدا

مى لنفسها,,,هو ده ابن عمى يادى المصيبه ده مغرور ورخم اوى

مازن لنفسه,,,جيتى لقضاكى ,انا هعرفك المريض الى بتقولى عليه هيعمل فيكى ايه

بعد الغدأ

محمد,,,اخر الاسبوع هنعمل حفله كبيره فى الفيله

ليلى,,,,ايه المناسبه

محمد,,,رجوع مى لينا طبعا

ليلى,,,سكتت من الصدمه

مازن,,,وليه التكاليف دى يابابا

مى,,,معاه حق ياعمى ليه التكاليف دى

مازن بص لمى واستغرب ردة فعلها

محمد,,, انا مش بأخد رأيكم انا ببلغكم بس

مازن ,,,الى تأمر بيه يابابا

ليلى,,,بعد بكره ده يدوب اجهز نفسى

محمد,,اه قوم يامازن فسح مى شويا

مازن,,نعم افسح مين !

محمد,,قوم فسح مى

مازن ,,,,انت تعبان وعندى شغل بكره

مى,,,,مفيش داعى ياعمو انا خرجت اتمشيت شويا الصبح

محمد,,,مازن انا قولت ايه

مازن,,,حاضر هطلع اغير هدومى

وطلع مازن

محمد اطلعى انتى كمان يامى اجهزى

وممكن عشان خاطرى تلبسى حاجه غير الاسود

مى,,,حاضر ياعمو

وطلعت مى

ليلى,,,انت ناوى على ايه

محمد,,,كل خير

ليلى,,,قصدك ايه

محمد ,,,,بكره تعرفى

نزل مازن وكان لابس قميص كروهات ورافع الكوم ولابس بنطلون كافيه

مازن,,,فين الهانم

محمد,,,ولد اتكلم عن بنت عمك كويس واياك تزعلها

ومازن بيتكلم مى جت ووقف وراه وقالت انا جاهزه

محمد,,,ايه القمر ده

مازن بقرف التفت لقى مى فوشه وقعد يبص عليها وانبهر من جمالها

مى كانت لابسه فستان ازرق قصير وعامله شعرها ديل حصان وحاطه ميك اب خفيف

محمد,,,,ايه يامازن سرحت فين

مازن,,,ها مسرحتش ولا حاجه ممكن نمشى

مى ,,,اوك

مازن مشى قبل مى وركب العربيه وبعدين مى طلعت وراه وركبت جنبه

مازن ,,,, تحبى تروحى فين ياهانم

مى,,,ايه هانم دى, وبعدين احنا طلعنا ولاد عم, مفروض ننسا الى فات وانا بعتذرلك ياسيدى على الكلام الى قولته

مازن,,,اولا انا مش معتبرك بنت عمى

مى,,, ايه !

مازن,,,زى ماسمعتى,, انا مليش اعمام ولانى مبقدرش اقول لبابا لا وافقت اخرجك فياريت ومكملش كلامه مى نزلت من العربيه

مازن,,نزل وراها بسرعه رايحه فين

مى,,,هدخل مش هخرج مع واحد مش طايقنى

مازن,,بقولك ايه مش ناقصه بابا يدايق منى اركبى العربيه من سكات ولا انتى جايه تخربى بيتنا

مى على قد ماكلام مازن جرحها ركبت معاها عشان تأكدله انها مش جايه تخرب بيتهم

مازن,,,تحبى تروحى فين

مى وهى بتبص من قزاز العربيه اى حته مش فارقه

مازن ,,,اوك

مازن خدها فى كافيه هادى وطلب اتنين عصير وطول الوقت فاتح الموبيل ومش معبر مى ولا بيكلمها

مى لنفسها,,,,ياه انت مش زى عمى خالص ,يارب هعيش اذاى فبيت الاغلبيه بيكرهونى

مى حست بالملل وقالت مازن

مازن,,نعم

مى,,,ممكن نروح انا زهقت

مازن اوك

وهمه خارجين من الكافيه

مازن,,,اووه استنى هنا نسيت مفاتيحى جوا

مى,,,ماشى

دخل مازن الكافيه ومى كانت واقفه مستنياه فجأه جه شاب وابتدا يعاكسها ومى مش راضيه ترد عليه وبتمشى بعيد

خرج مازن لقى الولد مدايق مى جرى عليه وضربه والناس اتلمت

مى,,,مازن كفايا كفايا

جه البوكس وخدهم على القسم ومى خدت تاكس وراحت وراه

ونكمل الحلقه الجايه


هل اعجبك الموضوع :

تعليقات





مجلة اضواء على الانستجرام تابعونا