القائمة الرئيسية

الصفحات

أحدث الروايات

بحبك يا بنت عمي 💕 الفصل رقم 2 .. الرواية تحفه الأبطال ( مازن، مي)

 بحبك يا بنت عمي 💕 الفصل رقم 2 .. الرواية تحفه الأبطال ( مازن، مي)  

الحلقه الثانيه


مى ومنار قعدو يلعبو فتره كبيره تحت المطر وبعدين روحو

مى اول مادخلت من البيت

سعاد,,,اى ده يامى مجتيش ليه اول ما ابتدت تمطر

مى,,,اعمل ايه فى منار المجنونه

سعاد,,, طيب يله بسرعه غيرى هدومك

مى ,,,حاضر ياماما

غيرت مى هدومها ونامت

وعدا شهرين وخلصت مى امتحانات نص السنه

فى يوم

سعاد,,,مى يامى يامى

مى,,,طلعت من اوضتها جرى على اوضة مامتها اول مادخلت الاوضه امها اغمى عليها

مى قعدت عيط ماما ماما قومى اى جرالك ياحبيبى , مى طلعت جرى على جارتهم ام منار وقعدت تخبط على بابهم بسرعه

ام منار مين الى بيخبط على الباب كده استر يارب

منار,,مش عارفه ياماما

اول مافتحت الباب لقيت مى بتعيط

مى,,,الحقينى ياطنط ماما اغمى عليها مش عارفه حصلها ايه

ام,منار,,,متخفيش ياحبيبتى منار اتصلى بسرعه بالاسعاف

منار ,,,حاضر ياماما

وراحو مع مى جرى على الشقه وجت عربية الاسعاف وخدت سعاد

فى المستشفى

الدكتور خرج من اوضة الكشف

مى,,خير يادكتور

الدكتور,,,, مرحله متأخره من سرطان وكان لازم تبدأ بالعلاج الكيماوى من فتره

مى,,, سرطان !!!

الدكتور,,,هو انتو مكنتوش تعرفو ولا ايه

ام منار ,,,سكتت

مى,,,انتى كنتى عارفه ياطنط ؟

ام منار,,,,اه يا بنتى بس هى حلفتنى مش اجبلك سيره ورفضت العلاج الكيماوى لانه مكلف وقالت عشان تسبلك حاجه تسندك من بعدها

الدكتور,,,طيب استأزن انا بس حالتها متدهوره ومفيش حل غير العلاج الكيماوى

مى,,,,يحرق الفلوس ياطنط مقولتليش ليه حرام عليكى ليه سمعتى كلام ماما انا دكتوره وعارفه, كده ياطنط هعيش من غيرها اذاى

ام منار,,,سامحينى يابنتى والله هى حلفتنى غصب عنى

منار,,,اهدى يامى ان شاء الله هتبقأ كويسه

مى,,,,ياااااارب

مى راحت للدكتور ووقالتله يبدأ بالعلاج الكيماوى وكانت بتحاول تبتسم اول ماتشوف مامتها

عدا شهرين وكل الفلوس الى معاهم خلصت ومبقتش عارفه هتجيب حق العلاج منين !

فى يوم قاعده هى ومنار فى الصاله

منار,,,طيب هتعملى ايه

مى,,,هسيب الكليه واشتغل

منار بصوت عالى ,,,ايه تسيبى الكليه

مى,,,,وطى صوتك امى تسمعك

منار,,,انتى مجنونه اذاى تسيبى طب

مى,,,امال يعنى اسيب امى تموت وقعدت تعيط

منار,,,سكتت ومكنتش عارفه تنطق

ام مى كانت واقفه ورا الباب وسمعت كل حاجه واغمى عليها

منار,,طيب يله نروح نشوف طنط

دخلو الاوضه لقيوها مغمى عليها

مى,,,انهارت

نقلو سعاد المستشفى

سعاد,,,,, فين مى يامنار

منار,,,برا مع الدكتور ياطنط

سعاد,,,طيب اندهالها ياحبيبتى

منار,,,حاضر

دخلت مى وباسة فوق راس امها سلامتك ياست الكل

سعاد,,,,الله يسلمك ياقلبى

مى,,,انا كلمت الدكتور وهتبدأى الجلسه بعد شويه

سعاد,,,اسمعينى يامى انا خلاص ياحبيبتى بباكى مستنينى انا شيفاه

مى,,,,لا ياماما متقوليش كده هتخفى ياماما

سعاد,,,, مى مهمها حصل معاكى اياكى تسيبى كليتك مهما حصل يامى ده حلمنا من زمان اننا نشوفك دكتوره قد الدنيا

مى,,,, حاضر ياماما بس ارتاحى متتعبيش نفسك

سعاد,,,اسمعينى يابنتى لازم ترجعى لاهل ابوكى

مى,,,,انا مش هسيبك ياماما ومش هرجع للناس الى اتبروا من بابا وطردوه

سعاد,,,, دول مهما كان اهلك وهما اولى الناس بيكى ,هما دول وصيتى ليكى يامى

مى,,,, قعدت تعيط ومنار كمان وام منار

سعاد,,,حطت ايدها على شعر مى خلى بالك من نفسك يابنتى

اشهد ان لا اله الا الله وان محمد رسول الله

وماتت

مى,,,,, لالالالا متسبنيش ياماما انا مليش غيرك وانهارت وقعدت تحضن فى امها

منار كمان انهارت

ام منار مسكت مى وطلعتها برا وحدى الله يابنتى

مى,,,هعيش من غيرها اذاى بس يارب خدتها منى ليه

ام منار,,,وحدى الله يابنتى ربنا مش بينسى حد

وانهارت مى واغمى عليها


ونكمل الحلقه الجااايه

______________________

بحبك يابنت عمى

الحلقه الثالثه

عدا شهر ومى منهاره وتعبانه ومنار كانت بتبات معاها وتخفف عنها شويه

فى يوم

ام منار,,,,, مى يابنتى مينفعش الى بتعمليه ده امتحناتك قربت وانتى مش بتروحى الكليه الا كل فين وفين ولا نسيتى وصية امك

مى ,,,افتكرت كلام امها وقعدت تعيط

ام منار,,,اهدى يابنتى وقوم ذاكرى وانا هكلم عمك بكره

مى,,,عمى مين ,

ام منار,,,عمك محمد عشان يجى يخدك بعد الامتحانات

مى,,,للدرجادى انا تقيله عليكم ياطنط

ام منار,,,, متقوليش كده يابنتى ربنا عالم بمعزتك عندى وانى بحبك زى منار بس دى كمان وصية امك .

مى,,,يارب رحمتك,,,طيب ممكن ياطنط تألجى الاتصال ده بعد ما اخلص امتحانات

ام منار ,,,حاضر زى ماتحبى

عدا شهر كمان وخلصت مى امتحانات فيوم ام منار قررت تتصل بأهل مى زى ما سعاد وصتها

ام منار,,,الو ,السلام عليكم

واحده ردت,,,وعليكم السلام

ام منار,,,ممكن اكلم الاستاذ محمد القاضى

الوحده,,,, نقوله مين

قوليله,,,واحده عوزاه فحاجه مهمه

الى ردت كانت الشغاله ومحمد ده يبقأ عمى مى الى ورث كل حاجه بعد موت ابوه ,ومخلف ابنه مازن رئيس مجلس ادارة الشركه وهو ابنه الوحيد ومرات ,,ماتت ومتجوز ليلى الى مخلفه بنت بس من واحد قبله

كانو على السفر

محمد,,, مين ياام حسن

ام حسن,,,واحده بتقول عوزاك يابيه فحاجه مهمه

قام محمد ومسك السماعه

محمد,,الو مين

ام منار,,,انا جرات مرات احمد اخوك الله يرحمه

محمد,,الله يرحمه ,خير فيه حاجه

ام منار,,,, الحقيقه مرات اخوك اتوفت من شهرين ووصتنا قبل ماتموت انى اتصل بحضرتك

محمد,,,وتتصلى بيا ليه !

ام منار,,,اخوك مخلف بنت اسمها مى داخله 4 طب وبعد امها ما اتوفت ملهاش غيركم ,وعايشه وحدها

محمد,,,اه فهمت ,هبعتلها السواق ييجى يخدها

ام منار, بس

محمد,,فيه ايه تانى ,

ام منار,,,البنت فى 4 طب وكليتها هنا

محمد,,, ماشى هبعت حد يحولها اوراقها جامعة القاهره

ام منار,,,بس هى كانت بتقول مينفعش التحويل فى 4

محمد,,,مفيش حاجه اسمها مينفعش عند محمد القاضى

ام منار,,,سكتت

محمد,,حاجه تانى

ام منار ,,,لا خلو بالكم منها

محمد, طيب ,سلام وقفل السكه

ورجع للسفره

ليلى,,,مين الى بتكلم

محمد,,,دى جارة مرات اخويا الله يرحمه

ليلى,,وعاوزه ايه

محمد,,,بتقولى ان مرا اخويا ماتت وان اخويا عنده بنت وانها هتيجى تعيش معانا

ليلى,,نعم تعيش معانا ,ايه وانت قولتلها ايه ؟

محمد,,, قولتلها هبعتلك السواق يديبها

ليلى,,,طيب مش تأخد رأينا

محمد,,اخد رأيك فى ايه دى بنت اخويا وملهاش غيرنا

ليلى,,,وماتروح لاهل امها

مازن,,,طنط معاها حق يابابا متروح لاهل امها هو مش جدى اتبرأ من عمى وحرمه من الورث عشان اتجوز واحده اقل منه

محمد,,,الى متعرفوش ياباش مهندس ان جدك وهو بيموت وصانى اسأل عن مرات اخويا وبنتها وانا الى قصرت ,واهى جتلى لغيت عندى وهنفز الوصيه

مازن,,ماشى نديها كام قرشين وتخليها فى اسكندريه

محمد,,, عاوز بنت عمك تعيش وحدها

مازن,,انا مليش اعمام

محمد,,,اياك اسمع الكلمه دى تانى

بنت اخويا هتيجى تعيش هنا يعنى هتعيش هنا مهمها كان دى شايله اسم عيلة القاضى

ليلى,,بس

محمد,,مفيش بس ,انتهى النقاش

عند ام منار

منار,,ها ياماما قالك ايه

امها,قال هيبعت السواق يخدها بكره

مى,,,مش هاين عليه ييجى يخدنى اهى بانت من اولها

ام منار,,,يابنتى ده رجل اعمال مشهور اكيد مش فاضى

مى,,,اه طبعا مش فاضى , وكليتى

ام منار,,,قال هينقلك جامعة القاهره,,

مى,,,اذاى مينفعش

ام منار,,, هو قال مفيش حاجه صعبه عليهم

منار,,طبعا يابنتى واصلين

مى,,,يعنى خلاص مش هرجع اسكندريه تانى

ام منار,,لا طبعا الصيف كله عندنا

مى,,,مهو الصيف هيكون عندى تدريب فى المستشفى

ام منار,,, هتلاقى وقت وهتيجى ان شاء الله

مى ان شاء الله

ام منار,,,يله يامنار ساعديها وجهزى شنطك عشان الصبح تتوكلى على الله

منار,,,حاضر ياماما

جهزو الشنط البنات ومى منمتش طول الليل

نكمل بعد شويه



هل اعجبك الموضوع :

تعليقات





مجلة اضواء على الانستجرام تابعونا