القائمة الرئيسية

الصفحات

أحدث الروايات

كل سنه وانتي عمري وروحي ونبض قلبي رودينا الأمير

 قلب رودي ياشمس عمري

في عيدك انتي بيحضنك

جاي وشايلك ورودي وضي بدري

جاي بيجري عشانك انتي

وجوا روحي بيرسمك

إنتي ياشمسي وحدودي

وأحلي بسمه ف كون وجودي

روحي هايمه ف حسنها

ياسنين العمر عودي

رجعيني لحضنها

نفسي أرجع طفله تاني

وورد منه العطر فاير

واجري وارقص ع الأغاني

طفله بفيونكه وضفاير 

واما اجيلك تندهيني

تحضنيني بنن عينك 

أيوه فيهم ترسميني

 وتقوليلي اني سنينك 

إني روحك مانتي روحي

ولو تروحي يزبد انيني 

إني نبضه ف قلب عمرك

مانتي عمري وكل عمري

كان عشانك مش عشاني

شمس يانبضه ف حياتي

رعشة الحب ف سكاتي

والفرح لما يزورني

والأنين اللي آهاتي 

خط عمرك جنب عمري

أيوه مشقوق فوق جبيني

خط مرسوم عمر واحد

أيوه مابينك وبيني

إوعي ياشمس تسبيني 

ضمي رودي جوا صدرك

خلي قلبي يضم قلبك 

قلبك اللي بيحتويني 

أوعدك من طيف حناني

ومن سنيني إني أزيدك 

وان كل يوم ف عمري 

ياشمس عمري

يبقي عيدك

                           كل سنه وانتي عمري وروحي ونبض قلبي


                                               رودينا الأمير


هل اعجبك الموضوع :

تعليقات






#عرض_إعلاني ✅للإعلان عبر مجلة اضواء ب50 دولار مع إعلان ممول لمدة 3 أيام و100 دولار مع تصميم + إعلان ممول لمدة أسبوع تستمر الحملة حتى تاريخ 30-10-2021 وتشمل: ✔️ إعلانات محلات وشركات تجارية ✔️ إعلان مستلزمات ✔️ إعلان لدورات تدريبية ✔️ إعلان مؤسسات ✔️ أي إعلانات أخرى