#منقول
بيعصب الواحد لما حد يجي يقولك ان الصعايدة فلاحين
وعندهم بقر وزرع وترع والكلام ده ومع ان اصلا الكلام ده
هجص ومفيش دلوقتي بس تعالا اقولك حاجه
افقر فلاح بيكون عنده بيت ملك، على 5 عجول علي فدان ولا اتنين يعني حوالي اتنين مليون و ٥٠٠ الف جنيه، ده كدة افقر واحد فماتجيش انت بقى يبقى كل اللي حيلة ابوك شقة ايجار قديم وتتريق وتستخف دمك على واحد ممكن يشغلك عنده تحت البهايم، اه والله زي ما بقولك كدة
انت يا ابني بتلبس تي شيرت بـ 100 جنيه بتبقى ماشي تتفشخر بيه على طوب الأرض، الجلابية المعفنة اللي الفلاح لابسها دي قماشها بس بيوصل لـ 1000جنيه.
ولو التريقة على الطباع فأنا بقولك انزل التجمع الخامس وخبط على اي باب بيت وقول انا غريب و عايز ابات عندكم اتحداك حد يقعدك عنده نص ساعة حتى، انزل بقى كدة أي قرية ريفية وخبط على أي بيت وقول نفس الجملة هيشيلوك فوق راسهم
فلاحين مين يا ابني اللي بتتريق عليهم؟! اتلهي كدة واسكت وجمع تمن قيراط ارض من الأراضي اللي عند الفلاح اللي مش عاجبك ده واتعلم نص الاخلاق اللي عنده وحفاظه على تقاليده ودينه، وعلم اللي عندك حياء الفلاحين وتعالى اتريق
لأننا نؤمن بالحياة.. نحن هنا
في شبكة أضواء الإخبارية، ندرك أن الخبر ليس مجرد حروف، بل هو نبضٌ وإنسان. من قلب التحدي في غزة، نسعى لصناعة غدٍ مشرق يمتد ضياؤه إلى العالم أجمع. رسالتنا هي بث الأمل ونشر الحقيقة، لنرسم معاً ملامح فجرٍ جديد يليق بطموحاتنا العظيمة.