القائمة الرئيسية

الصفحات

أحدث الروايات

لاتنزعجى .. نحن نافورةٌ تجتَرُ ماءها صلاة الذنوب

 لاتنزعجى .. نحن نافورةٌ تجتَرُ ماءها 


                     صلاة الذنوب 


                =============


عارفه ؟ .. 

السهر تسعيره جبريه لشعور الإشتياق .

والحب زى الكره مدفوع التمن 

ع الأرض فى الأسواق 

طبيعى يبقى البعد أقرب م اللقا 

أما العجيب 

هوا اللقا بطعم الفراق 

مكتوب فى أول صفحتى 

إنى وريث آدم 

صليت صلاة الذنوب 

متوضى بالعالم 

ماليش نصيب فى الأرض والأحلام 

أنا الوريث الشرعى للشجره الحرام 

ممنوع أمد إديا لثمرها 

ممنوع أحس ببعد عن نارها 

أو إنى اموت .. واشعر بأى سلام 

مسموح ألِم ورقها لما يطير 

واحمل ذنوب الجن والعصافير 

رايحه الحياه عن قلبى وانا جاى لِك 

واقفه الخطايا ف روحى بالطوابير 

لا الماضى محتاج أسمعه منك 

ولا اللى جاى محتاج لأى دليل 

سال الكلام يحفر على خدك 

كدابه عينك .. واسألى المناديل 

مالوش لزوم الرحيل 

ولا الفراق الطويل 

إيدينا متشبكه 

وبينا ألف ميل


                           ( من ديوان هايبر )




هل اعجبك الموضوع :

تعليقات