القائمة الرئيسية

الصفحات

أحدث الروايات

ربنا يكفينا شر الفلوس لما بتدخل النفوس

 ربنا يكفينا شر الفلوس


ربنا يكفينا شر الفلوس

.لما بتدخل النفوس

بتخلي الناس على بعض بتدوس


وربنا، يكفينا شر الفلوس


اللي معاه قرشين

عامل سيد المعلمين

ماهو كان من، يومين

قاعد حزين

النهارده من المتكبرين


بسبب الفلوس

وربنا يكفينا شر الفلوس

اللي بتدخل النفوس


ماهو كان عايش على قده

وكل الناس بتوده

وكان الزمن هاده

النهارده محدش قده

اول مجالو مليمين

عمل من المعلمين


بسبب الفلوس

اللي بيها بقه مهووس

مكنش بيعرف يعدهم

طول عمره بيحلم بهم

لما كان بعيد عنهم


الفلوس

وربنا يكفينا، شر الفلوس


اللي بتخلي الأخ علي اخوه يدوس

ميعرفش ان اخوه هوا اللي باقي

في عمره اللي مبقاش فيه باقي


الله يخربيتك يافلوس

ياللي غيرتي النفوس

وربنا يكفينا شر الفلوس


أنا بقول ليه ياايام

خليتي الفقير زي الايتام

والغنى عاوز ياخده حداه خدام

نفسنا نبص لقدام

ونعيش مع بعض باحترام

من غير فلوس

وملعون ابو الفلوس


وانت يابتاع الفلوس

حوش على ماتحوش وعيش، متريش

مسيرك يوم سايبهم

ولا تعرف مين واخدهم

غير بس، هتتحاسب عليهم

ياااريت تحسن اخرتك بيهم

الفلوس


وربنا يكفينا، شر الفلوس

بقلم الفقير الي الله

محمد سليمان


هل اعجبك الموضوع :

تعليقات