القائمة الرئيسية

الصفحات

أحدث الروايات

حروف باكية .. ايمان رضوان

 حروف باكية

========


أنا رايحة أخطفني

وأمشي، برضايا كمان

 وأهرب من الدنيا

 من قسوة الأيام

 هركب في مركبتي

 وأفارق الأحلام

 وأعيشني منسية

 وأغير العنوان


 دا أنا حتي هنساني

 وأكون لي من تاني،

 مولود ف ايد الزمن

 بتعلمه الأيام

بينام علي الراحة

 يشبع  حنان  ربه

ويوحد الدايم

 ويسمي، بالرحمن


من غير خداع ولازيف

 مفطوم بطعم الصبر

لكنه متحلي يمكن

 يطيب روحي من

 جرحي ما يخلي

ويشوف دموعي، الطير

ويخدني، ف المشاوير

وان نمت من وجعي

يحضني، بجناحه

وعيوني، يرتاحوا


وان فتحت عيني

تلقي، السما الصافية

تلمس ف أحساسي

بحبها الدافي والنسمة

هتعادي تغزلي، توب

وردي وأفرح لي، فرحاية

فرقت سنين بعدي


قلبي، انكسر ياما

عايشة الحنين مسافات

كل اما اعدي عليه

بيكتر الدمعات

رمش العيون سلم

وبصمت بالعشرة

مبأتش عايشة حياة

ولا حتي، في، عشرة

كل اللي، فات أحزان


يا حيرتي، يا خوفي

لو الجبال تنطق

لتبوح بنار بوحي

حتي الحروف أوجاع

مطعمة بنوحي

أصعب، ما في القسوة

مبأتش حاسة أمان


إيمان_ رضوان #



هل اعجبك الموضوع :

تعليقات