نهله عمرها 18سنه كانت دايما معجبه بنفسها جدا ترقص وتعيط وتضحك وتشوف جمالها كله قدام المرايا لاسف ماكنتش تعرف ان دي نافذه للجن يقدر يشوفنا منه المهم في يوم زعلت مع مامتها ودخلت قاعده قدام المرايا وفضلت تعيط وتكلم نفسها لحد ما بقت تحس ان في ايد بتطبطب عليها خافت في اول الامر لكن قالت وماله دا اكيد حد من العالم الخفي وانا صعبت عليه وهو هيبقي احن عليا من اي حد بقت تقعد اكبر وقت ممكن لوحدها في يوم بالليل دخلت اوضيتها وبعد ما كله نام وقعدت قدام المرايا وقالت انا حاسه بيك لو قلبك عليا اظهرلي بدات تشوف كلام بيتكتب بلون احمر علي المرايا ماكنتش فاهمه ايه معناه قالتله انا مش فاهمه كلامك اتكلم معايا لقت صوت واطي جدا جانبها بيقولها هتستحملي تشوفيني قالتله انت شكلك وحش اوي كده قالها اه قالتله طيب اظهرلي بس بشكل بني ادم عادي فعلا لقت قدامها دخان بسيط وبدا يذيد لحد ما اتكون قدامها شاب عمره 30سنه قمه في الجمال من اول ما شفته اعجبت بيه كان بقدر الامكان مش بيقرب منها ولا يلمسها بس هي مع الوقت حبته وقالتله هو ينفع انك تتجوزني قالها ايوه بس دا هيخليكي ليا يعني اوعي تفكري تخلصي مني عشان هيكون حسابك معايا كبير قالتله انا موافقه وفعلا اتجوزها وكل ليله بيكون معاها جسمها بدا يتغير اهلها بقوا ملاحظين عليها بس قالوا يمكن نفسيتها اتحسنت والحزن اللي كان مغطي ملامحها اختفي عدت ايام وشهور ونهله حست بتعب فاخدت صاحبتها وراحت تكشف وبعد الاشعه الدكتور قالها في حاجه موجوده في بطنك قرب الرحم او جواه ومش قادر احدد هو ايه وبما انك لسه انسه يبقي هنتبع الاشاعات ونشوف ايه دا روحت البيت وبقت مستنيه الليل يجي عشان تشوف جوزها الي من الجن واول ما ناموا اهلها دخلت وهو ظهر وقالتله علي اللي فيها حط ايده علي بطنها وقالها دا ابننا دا ولد انتي حامل قالتله طيب ازاي وبطني هتبان وهقول لاهلي ايه قالها لا مش هيبان ولا حاجه وبعد الولاده ابنك هيفضل في الاوضه هنا معايا وبالليل ينام معانا سكتت بس بقت قلقانه قالتله هو هيطلع من البشر قالها مش عارف لو طلع من البشر يبقي مش هيقدر يختفي زي ما انا بختفي نامت والصبح قالت لمامتها انا هروح ابات كام يوم مع بنت خالتي وبعدها ارجع مامتها وافقت وراحت لسميره وحكت ليها اللي حصل بس بطن نهله كانت بتبان عرفت ان الحمل في طفل من البشر راحت هي وسميره لدكتوره من اللي بيقولوا عليهم تحت السلم يعني شغلها غلط وبتعمل عمليات اجهاض المهم عملت اشعه والدكتوره قالت ليها هو ولد ودلوقتي انتي في الشهر الخامس نهله اتصدمت لان ماعداش الجواز عليه الفتره دي كلها ولا يمكن تكون حامل قبلها بصت لدكتوره وقالتلها وايه تاني شكلك مرتبك ليه كده قالتلها لاسف دا عنده عيب خلقي مشوه راسه كبيره وصوابع ايده حجمه كبير عمري ما شوفت الحجم دا نصيحه مني لازم تعملي عمليه اجهاض سكتت نهله وروحت علي بيتها وقالت لجوزها الجن وقالها موافق بس دا عايش انتي كده هتموتيه قالتله خلاص عايزني انا وابنك خدني لمكان ماحدش يعرفني فيه سكت وقالها اعملي اللي في مصلحتك نهله راحت تاني يوم وعملت العمليه وشافت الجنين كان شكله بشع فظيع جدا حمدت ربنا انها خلصت منه وروحت علي بيتها وعاشت حياتها عادي وبعد 5سنين الجن مرض وتعب جامد ومات بقت خلاص حره واتقدم ليها عريس واتجوزته وعاشت حياتها كويس جدا وخلفت سلمي وعمر وبعد 20سنه في عيد ميلاد جوازها لقت الباب بيخبط راحت تفتح لقت شاب لبس خوذه وبيقولها عايزك في موضوع يا مدام نهله استغربت انه يعرفها ماكنش لسه جوزها رجع من الشغل ولا اولادها من المدارس والجامعه قالتله اتفضل دخل واداها ورقه مكتوب فيها تقرير الدكتوره بعد عمليه الاجهاض وبعدها كاتب انا ابنك من خليفه الشيطان وشال الخوذه من علي راسه وبصت في وشه كان شكله يخوف عيونه بارزه لبره بشرته بيضه اوي شفايفه كبيره وفمه اكبر من اي فم شافته مفتوح من نص الخد للخد التاني صوتت واغمي عليها وفاقت لقيته لسه جانبها قالها انتي استغنيتي عني وانا لازم انتقم منك هي في حاله ذهول مش عارفه تتصرف اذاي مسكها ورابطها وقالها انا مش هنتقم منك بس لا هنتقم من جوزك واولادك كمان واستناهم لحد ما جم وكان بيستخبي ولما يدخلوا يخبطهم علي راسهم يوقعوا ويربطهم جانبها لحد ما كملوا كلهم وحكي ليهم اللي حصل من 25سنه وقال هي استغنت عني عايزه تعرفي انا عايش ازاي بعد ما سبتيني والدكتوره خديتني وعملت عليا ابحاث وعشت طول حياتي في مختبر للتجارب وعرفت بعد كده انك ساكنه هنا وعلي فكره انا مش جاي انتقم لوحدي انا معايا اهلي اللي هربوني وربوني فاكره جوزك اللي خلفتيني منه مامتش دا كان محبوس ومش قادر يوصلك ودلوقتي حضر عشان ياخد حقه منك لانك خونتي العهد وعلي فكره انا عندي قدره الاختفاء يعني ماكنتيش هتتعبي وتخافي بعد الولاده ان حد يعرف سرك ودلوقتي انا هقتل جوزك وولادك واخدك لمكان تاني عشان بابا ينتقم منه براحته فعلا اخدها متكتفه علي العربيه اللي جاي فيها ورجع البيت ولع فيه وكلهم ماتوا واخدها علي مكان مهجور من سنين كتير وهناك شافت جوزها الجني وكائنات في منتهي البشاعه والملامح المفزعه كانوا عاملين محكمه ليها وبعد كلام كتير قالوا للجن جوزها انه يسبها وبعد اسبوع فاقت لقت نفسها في مستشفي وهناك قالولها انهم لقوها في الشقه وفي حروق خفيفه لانها كانت في اوضه بعيد عن جوزها واولادها بعد كام يوم روحت
وبقت تلاقي جروح علي جسمها وتصرخ ويجلها حالات صرع مامتها قالتها لازم تروحي لشيخ يعرف ايه فيكي راحت فعلا ولقي انها ممسوسه من 5عشائر من الجان يعني صعب جداااا خروجهم وبعد ما لفت علي شيوخ كتير راحت لدجال وقالها محتاجين نعمل زار وجلسات لحد ما تخفي وبعد 10جلسات مافيش فايده اتبع معاها حرق صوابعها وضربها بالكرباج لحد مافي جلسه وهي متكتفه علي الكرسي اترفع بيها عن الارض ولف بقت راسها لتحت الدجال قال كلام مش مفهوم الكرسي وقع وهي وقعت علي دماغها جالها نزيف داخلي وبعد شهر ماتت وانتهت حكايتها وابنها اللي من الجن عاش في العالم الخفي وكان بيظهر كتير للبنات ومن كتر بشاعه ملامحه كانوا بيتصابوا بحالات صرع وماحدش عرف ايه اللي حصل والحكايه كأنها لم تكن‘‘‘‘‘
ماتفكرش انك اقوي منهم بعدم خوفك الحاجه الوحيده اللي وقتها تكون اقوي منهم القرءان والصلاه وبعدك عن المرايا خالص لانها باب للعالم الاخر
