القائمة الرئيسية

الصفحات

أحدث الروايات

الحياه طريق َمع بعض نشوف الطريق ونقول..بقلمي المستشار محمد سليمان

 الحياه طريق

َمع بعض نشوف

 الطريق ونقول


مالك ياطريق


ياطريق مالك

ليه تحطنا في مهالك

لما انت تتوهنا

واحنا عارفينك

وانت عارفنا

طب ليه انت صعب علينا

وكل ما نمشي تكتف رجلينا

وعارف انك رفيق، لينا

وحاسس كمان بينا


ياطريق

ومالك ياطريق


انا شايفك سهل ومنور

وعلي جمالك الله اكبر

ومستغرب من، الخطوه اللي بتتكرر

وانت لينا  مقدر

وربنا يكفينا شر الغدر


منك ياطريق

ومالك ياطريق


كل ده وسع فيك

ومفيش حاجه بتكفيك

ماهو انت واسع

وللحبايب جامع


بس ليه ياطريق

بنحس فيك بالضيق

وملناش غيرك رفيق

متخليك سهل وبلاش بهدله

وتخلي خطوتنا حلوه

ومن غير كعبله


ياطريق


نفسي، اعرف مالك ياطريق

محنا ملناش، غيرك رفيق

كل يوم رايحين جا يين عليه

وبتعمل فينا كدا ليه

هي الدنيا فيها ايه

نخسر بعض، عليه


ياطريق

ومالك ياطريق


ليه، حارمنا من السعاده

الخطوه بتسؤ وبزياده

امتى نشوف منك السعاده

طب كلمني

فهمني

حتى وشوشني

وقرب مني

وبلاش في التعب تغرقني


ياطريق


انت عارف مفيش غيرك

نفسي احس بخيرك

ولا اشوف طريق غيرك

لو زعلان مني

ياريت تسامحني

دا يبقى، غصب عني

انت عارف الحياه صعبه

وانت طريق، فيها

توهت كل الاحبه

وزادت بلاويها


بسببك ياطريق

وقولي مالك ياطريق


هي يعني جت عليك

ربنا يهديك

لك ناس ناس

ماهي العيشه اصلا كدا

ناس، سعيده

وناس متنكدا

عايشه، ملطشه لدا ودا

وبرضه انت السبب


ياطريق

فيها ايه لما تبقى سهل

فوق بقه وسيبك، من الجهل

وقرب لنا البعيد

لجل الكل يبقى سعيد

وبلاش، عليك ندوس

خلينا لك يوم نبوس


ياطريق


بقول لك، ايه

انت عمال بيه

بلاش تتكبر علينا

وتجري الدمع في عنينا

احنا اللي فينا مكفينا

لو تفضل غضبان علينا

ربنا هو اللي راعينا

وحاسس، بينا

وماهو خالقنا

ومش ناسينا


ياطريق


بقلمي محمد سليمان


هل اعجبك الموضوع :

تعليقات