القائمة الرئيسية

الصفحات

أحدث الروايات

أنا مغرم بكل اللاصفات فيكي انا الهايم في نظراتك... ولاء صلاح ✋

 أحيانا ...

ينعم علينا القدر بمن تمنّاه القلب يوما 

لكن ينبثق مع الحب خوفا

خوف الفقد .. حتي تفعلها بيدك وتفقده


وكانت سطوري .....


💐💐💐💐💐💐💐💐


أنا مغرم

بكل اللاصفات فيكي

انا الهايم في نظراتك

وفي عنيكي

أنا الملهوف

أنا اللي رفضت تاني أشوف

غير الدايرة اللي في ايديكي

والِفْ

واطوف ،،

وباحمد ربنا عليكي


يا نعمة تأخرت بسنين

يا عمر عايز له فوق عمري

كمان عمرين

أحاول بس إنّي أعيش

وأنسي اللي ف أساسه مفيش

ما دمتِ بخير

وأنا كان مين؟؟

أنا يا حبيبتي محسوبك

وكان قبلك من الضّالين

ولمّا ضحكتك نادت

بعلو العزم قلت آمين


مشيت مشاوير

عشان اوصل ومقدرتش

وشايل كل أيامي 

علي كتفي ومتعبتش

أتاري اكتافي منزوعة

وفوق همي

بتلقط شوك من السكة

ومتسدّش

وخوفي من فراقنا خلاص

بقا باين لكل النّاس

ف ليه كنتي من الأوّل

وليه الكفّة متطبّش


هواكي ميزان

فعايزة الكفّتين من نور

حاولت كتير

أكون لك فارس الأحلام

حاولت أعدّي بيكي السّور

لكن عادي

أنا اللي أقل م العادي

لا أنا ساحر 

ولا قادر

ولا ف ايدي نايات بنّور 

ولا انتي من الصبايا الحور 


لكن مغرم 

بكل اللاصفات فيكي

أنا السّاجد بمحرابك

وأنا اللي هعيش علي بابك

لعلّك يوم تسامحيني

وهحكي للطريق قصة

بدت بعنيكي وحنيني

ومن خوفي بعيد عنك

بعدتّي انتي وسبتيني

أنا واقف بأعتابك

ومستنّي....

تمدي ايديكي وتشيلي

همومي اللي بتحنيني

أنا صابر لآخر العمر

مفيش غيرك

              يعدّيني  ...


ولاء صلاح ✋ ٢٠٢٠/٦/١٢


هل اعجبك الموضوع :

تعليقات