......لأ مش أنا
لأ مش أنا اللي أاسي
ولا للغرام أنسي
أنا قلبي لك مًرسي
والليل خيوطه معاك
وإن قولت لك عاشقه
وروحي بيك فارقه
نار الحنين حارقه
مش هارضي غير ب لقاك
أنا حبي لك معطوف
بين اللقأ والخوف
والشوق إليك محدوف
أنا روحي تتمناك
بكتب حروف إسمك
وأتملًي من رسمك
يا جمال مفيش وصفك
دا الضلمه بدر معاك
فبلاش عشان خاطري
تمحي الوداد بدري
وتزيد مرار قدري
وتضيع آمالي معاك
أنا اللي فيك بغرق
بتنفسك بعشق
لحظه معاك تفرق
أنا حلمي أكون وياك
يمكن .... تحاورني
أو حتي تشغلني
تبعد .... وتألمني
وأشتاق وأنا وياك
ليه البُعاد أسي
والفكر بقي راسي
مشغول وليه ناسي
دا أنا والحنان نهواك
أنا اللي كان ودي
إنك تكون جنبي
تملك رقات قلبي
وأعيش فى حضن هواك
تحلم ... .. وتتمني
وفي.. قلبي ..تتهني
وبلحني....... تتغنيَ
وبشوقي..... أستناك
لبستني .... الطرحه
أنا كنت ليك فرحه
وكنت أنا الجارحه
وأنت يا روحي ملاك
أنا عمري ما نسيتك
وفى حضني خبيتك
شوفتك .... وحبيتك
وندهت ...... لبيتك
ووقفت ف الشباك
وإن قلت أنا ناويه
أرسي وأكون غاويه
تجمعني بيك زاويه
وإن طولت هترجاك
بس أنت تنصفني
وبنظرة.... توصفني
تهمسلي .... ...تلمسني
اوعدني........ هستناك
يا اللي أنت جارحني
وف قلبي دابحني
وتخبي ما تبوحلي
وبرضو راضيه معاك
العشق ..... ظالمني
يا ريت ...... تكلمني
ترحمني ..... تفهمني
وأوصل طريقي معاك
وأرجع مع قلبك
والحرف يكتب لك
وتكون لي وأكون لك
وأسعد في ضي هواك
✍ هدى النحاس
