دخل العيادة عندي طفلين و جلسوا في الاستقبال ..
اتصل فيّ صاحبي و بلغني أنّه والدهم عنده ظرف فمش ح يقدر يكون موجود ، وأول ما يجي دورهم أتصل فيه حتى يجي يقف معهم ..
انبسطت جدا على " مجد " الله يمسيه بالخير 😊 وهو قاعد مثل الرجال في للاستقبال وما معه حدا إلا أخته ، والأحلى من هيك انبسطت عليه لما شفته " على الكاميرا " وهو بيصب ميّة لأخته بالكاسة و بيدير باله عليها وبيشرّبها ..
اللقطة الأجمل كانت هذه الصورة ، لما شاف أخته بتبكي مباشرة وقف جنبها و مسك إيدها وصار يحسس على شعرها و يقول لها " شوي وبنخلص، فش وجع ما تخافيش " ..
مجد سد مكان والده ، وكان رجل بمعنى الكلمة " ما شاء الله لا قوة إلا بالله "
الله يحفظه و يرضى عليه 😊🌷
ربّوا أبناءكم على حب الأخوة و الأخوات و يكونوا سند لبعض ، وحنّنوا قلوبهم على بعض وخلوهم يحسوا في بعض ، هذا مهم جدا جدا ..
#منقول
