أخر الاخبار

الشاعرة القديرة / نجلاء الشنواني في قصيدة ( ما انتش ملاك )

ما انتاش ملاك
علشان تحاسب قلبى.....
 على ذنبه الكبير
 ‏وتوقفه جوه القفص كالمتهم
 ‏وكأنه صار جواك أسير
 ‏وكأنك انت المعتصم
 ‏حرر انوثتى من بغاء المغتصب
 ‏أو كنت سيف الدين قطز
 ‏هزم التتار اللى بيجتاحنى بعطب
 ‏ولا حتى حصلت السادات 
 ‏يوم العبور على جسر قلبى المنتحب
 ‏إياك تظن إن احتلالك 
 ‏فرض على قلبى الضعيف
 ‏أو يوم يصور لك خيالك 
 ‏إن الربيع دونك خريف
 ‏شئ مش لطيف
 ‏فوق وانتبه 
 ‏من حلمك الموهوم هرم
 ‏والهيكل المزعوم عدم
 ‏يوم تنصبه......
 ‏ على أقصى قلبى اللى انظلم
 ‏واعلم مسيخ المنظرة ...
 ‏المهدى جالى بالقميص
 ‏فارتد قلبى مبصرا ....
 ‏شافك خسيس
 ‏وانكشفت اللعبة الدنيئة وانجلت....
 ‏ ‏من بين ثنايا الإتهام 
 ‏واتبرأ الديب م العزا
 ‏واتعافى قلبى من الأذى
 ‏يا حبذا
 ‏تجمع بواقى من كرامة مبعترة
 ‏تنهي لى تلك المسخرة 
 ‏جايز أكون متشكرة 
 ‏
تعليقات



حجم الخط
+
16
-
تباعد السطور
+
2
-