......دا كان دكتور
للإنسانية رسول وحكايته وصلالي
دكتور محمد والنقب مشالي
كان فرع طارح بس م الغالي
كان خير وسارح فى السما عالي
رافع كيان مايل وكان مسرور
ناصر ورب الخلق راح منصور
.......دا كان دكتور
خَيط جروح الفَقر والحوجه
فى بحر الذُل والهوجه
....كان القارب
...كان الغالب علي الموجه
فى قاع الظلم كان هو نافورة نور
......دا كان دكتور
خَضر فى أرض الفقرا بعد البور
زهر ...أمل عالج .... كسور
وزرع نِجيله ف نَفس طالها الزور
ل كان أسي ولا حاقد ولا مغرور
......دا كان دكتور
..عمل دستور
وزود فيه بنود الخير
وكَمل كل أركانه لصف الغير
وخاطب فيه ضميره الحي
وعاهد ربه يبني الِجيل
ف بستان الحياه يروي
........يربي زهور
.......دا كان دكتور
وكان للطبطه غاوي
بكل العطف بيداوي
أصيل الجدر طنطاوي
وحامد رب اسمه غفور
....دا كان دكتور
✍ هدى النحاس
