من الذاكرة.. عادات وخرافات ومعتقدات كان يمارسها اهلنا .. تابع تجارب الناس .. بجد طالعة من القلب

ومانفتح المقص بالليل فال مش منيح.

ولماتطلع في عيونا شحادة كانو يحكو لازم نشحد احد خبز لتطيب عيونا.

ولما العين تطلع فيها شحادة كمان لازم ست بترضع صبي تنقط النا نقطتين حليب بالعين قال ايش لتطيب.

وممنوع نحرك الطبخة بالسكين ولو عملنا هيك في طفل عنا بالبيت رح ينضر.

ويوم الجمعة ممنوع نغسل علشان ماينغسل اترنا.

وكوم الغسيل اللي لسة ما انغسل ممنوع نكومه ونجلس عليه بعدين بيسير دمه ثقيل ومابينضف...

 

كمان لو أجا من وسخ الحمام اعزكم الله بالغلط علينا بيحكو بدك تنكسيي يعني رح ينشرى لك اواعي.

وكانو يحكو غسيل الثلاثا ياحرق يا وراثة.

وإذا طفل صغير بيعرف يمشي فجأة لقيناه بيزحف بيحكو أبصر مين بدو ييجي عنا.

وإذا فراشة اجت ولفت البيت معناته في ضيوف رح يجونا. كمان لو حكيتي انفك معناته حتاكلي لحمة.

وإذا لبستي فستانك بالشقلوب معناته حاجتك مقضية.

والشعر لازم ينقص اول الشهر لحتى يطول وإذا بدنا اياه يطول اكتر نقصه على وقت تزهر شجرة البتنجان.

تخاريف🤣

كان هناك اشياء كتير ليها معنى اخر

اذا عينك رفت.. 

اذا اسنانك مفرقين..

اذا لبست البلوزة بالشقلوب...

واذا ايدك حكتك..

واذا سمعت صوت البومة..

وواذا مشيت من فوق الطفل..

واذا ما غسلناش طشت الغسيل..

واذا زرنا حدا وما لقيناه معناتو مش اذا زرنا حدا تاني مش حنلاقيه

واذا عمل الطير على راسنا..

العجينة علي باب البيت عند دخول العروسه حتي يكون علي دخولها الرزق عادات اندثرت ومعها الخير والبركه للاسف

لصق عجينه بيد العروس عند دخولها بيت الزوج. مابعرف لايش وايش العلاقه

ولا تصرخي بالحمام ولما تكبي الميه دستري وعند الولاده حطي شاشه بيضاء علي الشباك

يما عالضحك حاموت.. حقولكم بس لا تفضحوني سر بس للمجموعة.. كانت بس عيني تنطرف يحطولي حليب ولازم دايركت من المصدر من اي ست..وانا كانت عيني تنطرف يوميا .. يعني مقضياها عند اي ست بترضع 😂😂😂😂😂😂😂😂😂😂😂😂😂😂 الله يسامحها امي ويرحمها

اكل الخبز المحروق علشان يطول شعر البنت 😂

ما تضل تفتح وتسكر المقص علشان ما يصير في نكد بالبيت 

وكمان اشي ستي كانت بتقوله: 

"غسيل الاتنين يا فقر ويا دين... وخياطه التلاته يا حراته يا وراته" 😅

اغرب شئ كانو ينصحو الست التى لم تحبل ان تذهب للمسلخ وتشرب كوب من دم عجل مدبوح توى على الريق .. وكمان ينصحو بان تذهب للحداد والنجار ومش عارف مين وتعبى كوز ميه منهم وتروح على السكه ايام كان القطار يمر من السكه وكان فى واد عند وادى العرايس وتقعد تحت القطار اثناء مروره وتكب هذا الماء التى جمعته عل. راسها اثناء مرور القطار من فوقها .

شوفو هالجهل

طيب ليش قلب الشبشب ع اللوج .. ومية العجين اول مره اسمعها أما الكنيس بالليل سمعتها بس كنا نكنس عادي

كان يوجد يوم في السنه يوم وله تاريخ ويكون يوم الاربعاء وكان يسمى اربعة ايوب نسبه للنبي ايوب ويذهبن النساء للبحر ويسبحن في يوم اربعة ايوب ويدعون الله بان يرزقهم بالخلفه وكانوا وهم يسبحون يقولون كلام     و يدعون.....,,,.

ولما كنا نلبس البلوزة بالشقلوب كانوا يحكولنا معناها بدك تسافر ..و للأسف لليوم لبسها و برضو ما سافرت 😁

كانوا عندما ينتهي الفرح ويعود العريس بعروسته للبيت وقبل ان تدخل العروسه غرفتها ...تقوم بلصق عجينه على حائط مدخل غرفتها ثم تدخل غرفتها.

انا حصلت ايام حرب 1967

طبعا ايام الحب كان الرجال ببيت

والستات ببيت

اشارو الجارات لامي بوضعي بغرفة معتمه 

طوال الفتره المهم وجع الحصبه كوم والغرفه المعتمه مع سماع صوت الدانات والانفجارات 24 كوم

حاجات كتير من هالحكي عرفته من ستي رحمة الله عليها ومن بعض عجايزنا البركة تبعون زمان.

يوم الجمعة مع الاذان نكب مياه قدام الطفل عشان يمشي

اعتقد انها لم تكن خرافات بقدر ما انها اعتقادات مسلم بها ذات دلالات مرتبطة بثقافة وعادات الناس بالفترات السابقه .. كان منها.. 

الغول -لتخويف الاطفال

طاسة الطربه - لقطع الخوفه والمطروب اي المزموع من حدث

الفركة-للمواليد اللذين يتمنعون عن الرضاعة تضع امرأة عجوز اصبعها بسقف حلق المولود وفركه باصبعها لتوسيعه او تدليكه لعده مرات وبعدها يرضع المولود

تعديل المقال