القائمة الرئيسية

الصفحات

أحدث الروايات

وقالوا الدنيا دوارة فقلت أدور ولف معاها ب إدارة وعدي بحور ✍ هدى النحاس

وقالوا الدنيا دوارة فقلت أدور
ولف معاها ب إدارة وعدي بحور 
وحسيت إني ف  ساعتها 
حوريه  من بنات الحور 
وأتاري الدنيا زي باجور 
بيهرس فينا عرض وطول 
دا لا بيرحم ولا بيصون
 بيقفل كل طاقة  نور
مشيت  مشوار  معاها  طويل
سألت كتير 
ليه غاويه تِسفي أحلامنا ؟؟
فضحكت ضحكه 
ممزوجه بصوت إبليس 
تعللي الضحكه فأسمعها
 صراخ وعاويص 
ولَفت بيا ميت لَفه 
وتبدر فيا تتشفيَ 
 وشوفت جنونها بعيوني 
فخبيت  خبتي  وظنوني  
ولفيت بَكرة الأحلام 
 سمعت كلام كأنه خيال
 بيسألني تبعي بكام
ونظرة عينه بتكهرب   
 جريت وحاولت منه أهرب 
قبلت الليل 
 وقالي أنا صاحب المواويل
 وأنا المالك وأنا الوزان 
َسَاكَني  الرعب بالاطنان
خيوط الضلمه بتجرف كتير ألوان  
فضلت اتكفي فى العتمه 
وخطوة تذق ف الخطوة
وكان نَفسي كتير ضيق    
سمعت النبض بيزيق وفيه توهان 
وروحت فى دنيا غير ديا 
صحيت م الخبط حواليا 
يا بنتي الخلق سِمعتني 
وأبوكي جاي
فردت الحياه  فيا 
وقومت بسرعه أعمل شاي 😍😂
                                    ✍ هدى النحاس
هل اعجبك الموضوع :

تعليقات