.............أزاي
طب قولي أزاي حسيت بحنان
الوتر السارح فى مشاعري
وقدرت أزاي تحتل مكان
بين أفكاري وخصله شَعري
وكأنك واصل للشريان
وجريت فى خلايا الدم وبان
بين صفحات قلبي صمام شغال
بيعبي رقات القلب أمان
ويوزع لهفه وحنيه
حسيتك فرع من الأوطان
حسيتك للهوي أغنيه
نفس الإحساس مغزول بالماس
وخلاص الشوق عَلم فيا
وكأن قاموس القلب معاك
أتعلم معني الملاغيه
ونسيت وياك كل العلامات
ورجعت لمحو الأمية
حددت ضمير المتكلم
ومسحت سطور المسافات
خليت المجهول يتحول
وِيِكون أجمل حكايات
ووصلت ل شط حروف صاحيه
وعملت عليها معديه
ف سألت عليك أمواج عمري
وفتحت شراع الامنيه
....أنا شوفت الليل
.....يعزف مواويل
سهران بيميل ويا الميه
ونجومه نهارها ف حرية
بتسامر ويا حروف قلمي
...بتكلم وترد عليا
وفضلت أوشوش نجمايه
تسمع وتعدي علي هوايا
تضحك وتعلًي الضحكايه
ودي كانت أجمل أُمسية
...... ........ ........ .....
✍ هدى النحاس
