القائمة الرئيسية

الصفحات

أحدث الروايات

رواية أنا وامي بقلم كوكي سامح (كاملة) صراع بين الخير والشر - جريئة - إجماعية - الرواية التي قرأها مليون متابع

رواية أنا وامي بقلم كوكي سامح (كاملة)

الجزء الاول

انا فى مصيبه انا اللى خربت على امى فى عيد ميلاد اخويا شوفت منظر رهيب كنت فى وقتها لسه طفله عندى 8 سنين وكنت بلعب مع اصحابى بنات وولاد ماما عملت لأخويا اجمل عيد ميلاد فى الدنيا انا كنت بحبها اوى لأنها طيبه وحبوبه وكان كل اللى يشوفها يحبها اوى
وياريت تركزوا على الجمله دى كويس اما بابا كان راجل صعب لى هيبه ووقار غريب كنت اشوفوا اترعب مع انه أطيب خلق الله واحن اب اوقات؟ دلوقتى انا عندى 22 سنه اتعقد نفسيا كل اللى يشوفنى يقولى يا خرابه حتى خالتى وولاد خالتى الكل بينفر منى بسبب امى 😭
انا داليا 22 سنه بدرس حاليا فى أولى جامعه انا فاشله فى دراستى وبسقط وحياتى كلها ملغبطه انا بنت ايون بس بسهر يمكن اكون اتربيت غلط بس هل ده صح انى من غير أم ولا العقده اللى جوايا مسيطره عليه انى خربت حياتنا وخربت على امى كل يوم لما اققوم من النوم بقعد على سريرى افتكر الليله السوده ليله عيد ميلاد اخويا مش مستوعبه اللى حصل معقول دى امى دى اللى ربتنى ياااه

صداع تانى انا حاسه انى فى عيد الميلاد ورجعت لورا 12 سنه اليوم قومنا الصبح وماما صحتنى وكانت جميله اوى وحنينه فوق الوصف وكان اخويا مصطفى لسه عندى 4 سنين بصراحه هو اللى صعبان عليه اتظلم انا ظلمته لما خربت بيتنا المهم بابا فطر وقال لماما تحضر أجمل عيد ميلاد لمصطفى وخرج انا كنت مركزه مع ماما لحد ما مسكت تليفون البيت واتصلت بحد انا معرفوش وسألته عن اسم خياطه بس كل اللى فهمته انها خياطتها المفضله واستغربت ماما وهى بتضحك معاها كان صوتها عالى

وماما طلبت من الشخص ده أن الخياطه تيجى عيد ميلاد اخويا مصطفى فجأه لقيت ماما اتعصبت ووشها اتغير وقفلت لحد ما قفلت وقعدت جمبى ولما سألتها بتكلمى مين قالت ده الخياط اللى بيشتغل عند خياطتها المهم قامت وسبتنى وعلقت زينه العيد ميلاد وطبت علينا صديقه عمرها طنط هدى وكانت اوس الفساد لأنى دلوقتى فهمت كل حاجه وفضلت هى وطنط هدى يتغمزوا

ويشاوروا لبعض كل الوقت لحد ما الساعه دقت 7 بالليل وابتدت المعازيم تشرفنا وبابا اتصل ب ماما وقال عنده شغل وماما حضرت التورته هى وطنط هدى ومن ضمن المعازيم كان فى ست وراجل انا معرفهمش فجأه شوفتهم داخلين البلكونه وماما دخلت وقدمت ليهم عصير بس كانت مش طبيعيه لحد ما الست خرجت وقعدت مع طنط هدى وماما فضلت مع الراجل جوه البلكونه دخلت اشوف

بيعملوا ايه فى وسط الزحمه ولعب الأطفال ودوشه عيد الميلاد هما مش حاسين بحاجه ودخلت لقيتهم بيتكلموا بصوت واطى وسمعت كارثه…..


رواية أنا وامي بقلم كوكي سامح (كاملة)
الفصل الثانى
ودخلت البلكونه وسمعت كارثه سمعت الراجل بيقول لماما انها لازم ترجع تشتغل معاهم تانى زى الأول بس ماما رددت وقالت لأ يا سيد مش هينفع وبين شد وجذب ما بينهم فهمت ان ماما كانت بتشتغل فى بيت مشبهوه ومن طريقه كلامها
عرفت ان بابا ميعرفش حاجه عنها خالص بس الراجل اللى اسمه سيد فضل يلح عليها ترجع تشتغل وماما كانت موافقه خايفه لا بابا يعرف وطلبت من سيد انه يتعرف على بابا ولما حسيت ان ماما خارجه من البلكونه انا جريت وقعدت مع اصحابى وبابا وصل البيت وكان مبسوط ولقيت سيد ابتدى يكلم بابا هو وهدى وماما قدمته على أنه جوز طنط هدى

وفعلا بابا رحب بقلم كوكى بيهم وسهروا عندنا لحد ما العيد ميلاد خلص ومشيوا متأخر واليوم ده انا عرفت ان امى ست سيئه ودلوقتى عرفت ده 👌 انا مظلمتهاش انا كل اللى قولتوا الحقيقه وفى يوم ماما خرجت وقالت لو بابا اتصل ارد عليه واقول انها لسه خارجه وفعلا بابا كلمنى وسألنى عليها وانا قولت انها خرجت واليوم ده كان بعد عيد ميلاد مصطفى اخويا بشهرين وبابا رجع من شغله وسألنى على

ماما بس ماما مرجعتش البيت وانا عارفه هى فين هى كانت عند الراجل اللى اسمه سيد وطنط هدى المهم انا كان صعبان عليه بابا اوى ازاى تعمل فيه كده معقول دى ست محترمه وعندها اولاد والوقت اتأخر وهى مرجعتش وبابا ابتدى يقلق عليها لأن ده مش طبعها وطبعا رجعت متأخره وقالت لبابا ان طنط هدى تعبانه وكانت عندها وبابا كان زى المغفل صدقها على طول لحد ما جه اليوم اللى ماما خرجت فيه ورجعت

حالتها حاله اول مره اشوف فى عنيها الخوف والرعب وكانت مفزوعه انا لسه فاكره اليوم ده كأنه دلوقتى ولقيتها بتكلم طنط هدى وبتقولها ان صاحب بابا كان من ضمن الرجاله اللى سيد اتفق معاه ماما تكون معاه بس طنط هدى طمنتها وقالت لها متخافيش وهى اللى هترحولوا وماما نامت مطمنه بس تأتى الرياح بما لا تشتهي السفن الراجل صاحب بابا قال لعمى انه شاف ماما وفعلا عمى جالنا البيت وكان مضايق وطلب ماما وانا قولت نايمه بس قالى خليها تصحى وبقى يزعق وماما صحيت وعمى احمد قالها انه عرف كل حاجه وهى استغفلتهم وانا شوفت ماما بتعيط وبتبوس رجليه بس عمى كان مضايق وزعلان على بابا وطلبت منه يسامحها وكان غصب عنها وعمى صدقها ومشى واتصلت بطنط هدى

وقالت لها عمى عرف كل حاجه وبيتها هيتخرب وسمعت انهم اتفقوا على عمى بس وقتها مفهمتش اتفقوا على ايه لحد بقى ما لقيت ماما بكل حب وحنيه بتطلب مننا ننام وانا دخلت اوضتى انا واخويا مصطفى وبابا كان فى الشغل لقيتها لابست أجمل ما عندها واتصلت بعمى ان هى عاوزاه ضرورى فى موضوع مهم جدا فعلا عمى مكدبش خبر وكان موجود عندنا فالشقه بعد المكالمه بربع ساعه وابتدت ماما تحضنه وبابا كان على وصول وعمى يبعد عنها وهى بجحه وراحت بعزم ما فيها صوتت بصوت عالى وقالت الحقونى

بيتهجم عليه انا لسه فاكره كلامها وصوتها فى ودانى وقالت كده يا احمد تتهجم على مرات اخوك وعمو احمد يا عينى كان واقف متنح مش عارف يقول ايه وماما تصوت لحد ما العماره كلها اتلمت عليها وكانت فضيحه كبيره

الفصل الثالث
وبابا وصل وخالتى منى كانت ساكنه معانا فى نفس العماره ونزلت تجرى لقت ماما واقفه بقميص النوم والعماره كلها ستات ورجاله بيتفرجوا ما هى كانت بجحه وعمى كان مزهول ومرعوب والكارثه انه محاولش يكدبها وبابا وصل وشاف العماره كلها بتتفرج على فضيحتنا وشاف عمى واقف مكسور وقاله انت متصونش شرفى
وعرضى دى فى مقام اختك يا احمد وماما بتضحك ضحكه خباثه واول لما قال كده لعمى انا خرجت وقدام الناس كلها وقدام خالتى وامى قولت بابا عمى بريئ ماما كذابه وبتضحك عليك بس ماما وقفت قصادى وقالت انتى كذابه انتى مش بنتى وقتها حسيت وكنت عاوزه اققولها ما انا بذرتك الوسخه انتى أم مش شريفه بس بابا صدقنى

وحكيت على يوم عيد الميلاد وعلى طنط هدى وراح بابا قال اه يعنى سيد مش جوز هدى وبابا اتجنن ونزل فى ماما ضرب وطلقها وطردها من البيت وحتى خالتى بعد الفضيحه مشيت من العماره واحنا كمان مشينا وانا مغلطتش انا كنت فى وقتها طفله بريئه ازاى اكدب طول عمرى شايفه بابا لى هيبه ووقار وهى كانت أم طيبه بس فعلا مش بالشكل لما ربنا حب يكشفها كشفها لبابا وبابا اتجوز بعدها بتلت سنين ومراته ست انا مش بطيقها

كرهت كل الستات مع انها بتحاول تكون معانا زى ماما وهى مخلفتش لحد دلوقتى بقلم كوكى
دى حكايتى مع امى بس انا مظلمتهاش وخالتى بتقولى انتى خرابه بيوت…..
ايه ده الباب بيخبط اكيد طنط زيزى مرات بابا ادخلى يا طنط!
زيزى : صباح الخير يا دودو
داليا : صباح النور يا طنط
زيزى : فى موضوع كده عاوزه اتكلم معاكى فيه يا حبيبتى
داليا : اتفضلى

زيزى : يا حبيبتى مش هينفع سهر كل يوم والتانى وبعدين فى عريس متقدملك
داليا : عريس مين 😁 انا مش هتجوز انا هكمل تعليمى
زيزى قالت فى سرها وانتى نافعه
زيزى : يا حبيبتى اى بنت مسيرها للجواز
داليا : مش انا
زيزى : ابوكى هيقابله
داليا : ههههه ما يقابله يا مرات ابويا
زيزى : آوووف عمرك ما هتتعدلى عن اذنك
وزيزى خرجت وسابت داليا

وداليا قامت ولبست وخرجت كالعاده من غير ما حد يعرف وراحت الجامعه وفالجامعه داليا شافت بنت جديده معاهم واقفه مع شلتها فالجامعه وداليا وقفت واتعرفت على البنت دى وعرفت ان اسمها نشوى وهما بيتكلموا مع بعض
نشوى : ده خطيبى وبابا يا بنات
داليا : واو خطيبك زى القمر ربنا يهنيكى يا حبيبتى
وداليا قالت فى سرها هههههه خطيبك عجبنى وانا هاخده ما انتى متعرفيش انى خرابه بيوت وزى ماما على رأى المثل اققلب القدره على فمها تطلع البنت لأنها وانا طلعتلك يا لماما 😂

نشوى : ميرسى يا حبيبتى انتى مخطوبه يا داليا
داليا : لا لسه بس فى موضوع كده
نشوى : ربنا يوفقك
داليا : هاتى رقم تليفونك وانا هكلمك اهو نفضفض مع بعض
نشوى : اوك. ياسر انا مش حافظه رقمى تخيلوا 😂😁 آدى الرقم لداليا
و ياسر قال لداليا الفون فاصل شحن راحت داليا قالت بكل خباثه اوك
نشوى : هاتى رقمك يا داليا وداليا رنت على نشوى
وياسر خد نشوى ومشيوا وداليا متجننه مسيطره عليها فكره تاخد ياسر من نشوى

وداليا فضلت قاعده فالجامعه مع اصحابها واتفقوا انهم يخرجوا مع بعض وفعلا خرجوا وداليا سألت بنت انتيمه داليا وقالت لها انتى تعرفى بيت نشوى انا عاوزه اعرف بيتها نفسى اتصاحب عليها بس صاحبه نشوى قالت اه اعرفه ده حتى خطيبها فى نفس الشارع ده صاحب اخويا
داليا ياه بجد وقالت فى سرها معقول وقالت اكيد معاها رقمه وداليا قالت للبنت ممكن فونك اعمل مكالمه والبنت متأخرتش وقالت لداليا التليفون اهو يا ستى اعملى مكالمات زى ما انتى عاوزه وفعلا داليا خدت الفون وفضلت تدور على رقم ياسر لحد ما لقته واخدته وقامت متصله بمرات ابوها وقالت إنها هتتأخر وصاحبه نشوى

قالت انا هخرج معاكم وفعلا خرجوا وداليا كل اللى شاغلها انها تكلم ياسر واستأذنت وروحت البيت واول ما دخلت
زيزي : رجعتى بدرى يعنى واول مره تكلمينى وتقدرينى وتقولى انك هتتأخرى
داليا : ششششش انا داخله انام
زيزى : بابا عاوزك جوه
داليا : الصبح بقى تصبحى على خير ودخلت على اوضتها وغيرت هدومها وقالت لازم اخد ياسر منك أصله عجبنى اوى وانا خرابه بيوت زى ماما 😂
نسخه منها

وقعدت على السرير ومسكت الفون وطلعت رقم ياسر وفضلت قاعده لحد الساعه ما بقت 2 بالليل
ومسكت فونها التانى واتصلت ب ياسر وقالت جرس بس ياسر مردش
وقالت اما اتصل تانى واتصلت وياسر رد وقالت بصوت ناعم وبكل انوثه قالت ياسر…..



الفصل الرابع
وداليا اتصلت ب ياسر وبكل انوثه ودلع قالت الو وياسر رد عليها وقال مين معايا وداليا قالت انا واحده معجبه وقفلت فى وشه وقالت هههههه لازم يجرى ورايا بالطريقه وفعلا ياسر اتصل وحب يعرف مين بيكلمه بس داليا كانت قاصده متردش عليه وقفلت الفون ونامت وفى صباح اليوم التالى سومه زيزى صحت داليا من النوم
زيزى : قومى يا حبيبتى صباح الخير وع فكره انا زعلانه منك
داليا : صباح الخير يا طنط
زيزى : امم شكل الجميل رايق النهارده
داليا : بابا كان عاوزنى فى ايه
زيزى : روحى كلميه قبل ما ينزل وطمنيه عليكى
داليا : حاضر
زيزى : مصطفى اخوكى رجع امبارح وسأل عليكى
داليا : بجد ده ملحقش يتفسح مع اصحابه
زيزى : عموما انا هحضر الفطار واسأليه بنفسك
وفعلا زيزى خرجت تحضر الفطار ودخلت على اوضتها علشان تكلم والد داليا وقالت خلى بالك يا محمد النهارده داليا مزاجها رايق

محمد والد داليا : خير يبقى فى مصيبه جديده
زيزى : بقولك رايق
محمد : طيب حضرى الفطار
وزيزى خرجت مستغربه من كلام محمد والد داليا وراحت تحضر الفطار
وفى اوضه داليا…. داليا قامت من النوم وقفلت باب الاوضه عليها واتصلت ب ياسر وياسر رد عليها بس المره دى رد عليها بسرعه وهى قفلت

وقامت لبست وخرجت وسلمت على اخوها مصطفى ولما ابوها كلمها نزلت وسابته وكل تفكيرها توقع ياسر وفعلا راحت الجامعه والمره دى نشوى غابت وداليا قالت لازم اسأل عليها وهى بتتصل بيها لقت قصادها ياسر بيسأل البنات على نشوى قفلت الفون وراحت تشوف ياسر واول ما كلمته قالت إن داليا مجتش النهارده وهى عاوزه تطمن عليها وقالت فى سرها ده الوقت المناسب وقالت لياسر انها عاوزه تروح لنشوى البيت بس ياسر قالها اوك هخدك معايا وبكلام داليا معاه فهمت انه متخانق معاها وهما فى شارع واحد ومكلمهاش وافتكرها فالجامعه وخد معاه داليا

وركبوا العربيه بتاعته وداليا فضلت تتكلم معاه بدلع وياسر حس منها بده وقالها عارفه انك دمك خفيف
داليا : خفيف بس محدش قالك انى جذابه وحلوه
ياسر ابتسم وقال زى القمر ولا تزعلى بس داليا بتحاول تلفت انتباهه وقالت انت مش واخد بالك من صوتى ومسكت ايده وقالت انا اللى كلمتك بالليل من اول ما شوفتك وانا معجبه بيك يا ياسر
ياسر : انتى بتقولى ايه ارجوكى اسكتى على الاقل تحترمى غياب صاحبتك

داليا : هى مش صاحبتى عموما انا نازله عن اذنك
وفعلا داليا نزلت من العربيه وقالت كان لازم يعرف انا مين علشان يحطنى فى دماغه وكان لازم انشف عليه علشان يكلمنى زى الكلب
وداليا راحت تتغدى فى مكان لوحدها وطلبت بيتزا وتصورت سيلفى جمب البيتزا ونزلت صورتها على الفيس بوك وقالت إنها وحيده وكانت متأكده ان ياسر هيدور وراها وفضلت اسبوع كل مكان تتصور فيه وتقول انها من غير حبيب وفعلا ياسر عرف الفيس بتاعها من نشوى وكان متابع ليها لحد ما جه اليوم اللى عملت فيه لايف على الفيس وقالت إنها هتنتحر وقالت لنفسها ده الحل السريع علشان ياسر يكلمنى انا متأكده انه بيفكر فيه وفعلا ياسر اتصل بيها وداليا رددت عليه وكانت بتعيط وقالت هى تعبانه ولما تكون كويسه هتكلمه وفضلت فى اوضتها

وقامت لبست قميص نوم قصير وقالت انا لازم اغريه واتصلت ب ياسر ورد علبها ع طول وفضلت تتكلم بصوت ناعم وفضلوا يتكلموا بالساعات وقامت اتصلت بيه فيديو وياسر اول ما شافها داليا عجبته اوى وقالها انتى جسمك حلو اوى وداليا قالت انا طول عمرى حلوه ومحافظه على جسمى وشكلى مش زى نشوى خطيبتك
ياسر : انتى حاجه ونشوى حاجه

داليا قالت فى سرها ده غشيم ووقع خلاص وفعلا وابتدى ياسر يكلم داليا على طول والكلام اتطور بينهم فى كل حاجه لحد ما جه اليوم اللى ياسر طلب من داليا يشوفها فى شقته شقه جوازه هو ونشوى وداليا وافقت على طول وفون داليا رن

وقالت ده ياسر وردت
ياسر : حبيبتى وحشتينى فى خبر حلو علشانك
داليا : خير يا حبيبى
ياسر : لما اشوفك
داليا : لسه مصمم انى اشوفك فالشقه
ياسر : ايوه انا هموت عليكى نفسى المسك والمس جسمك مش قادر انتى متخيله ان كل كلامنا فيديو وفون بس ومش بنشوف بعض خالص
داليا قالت فى سرها ما هو ده الشغل يا عبيط انا بذره امى الوسخه وخرابه بيوت ذيها ولازم اخرب عليك
داليا : خلاص يا حبيبى بكره هكون معاك وفى حضنك
ياسر : امتى بقى انا بقيت احلم بيكى وقال ياااه الزفته بترن

داليا : نشوى رد عليها
ياسر : نفضى دى ملهاش لازمه
وداليا قفلت مع ياسر وقالت إن باباها عاوزاها وقالت لما انام علشان اققابله بكره واخلص من حواره واشوف غيره
وفى صباح اليوم التالى داليا صحيت واتصلت ب ياسر وقالت إنها هتنزل وتستناه وهو هياخدها لحد الشقه وفعلا داليا لبست ونزلت وراحت مع ياسر ونزلت قبله وطلعت العماره قبله وياسر اشترى حاجات وطلع وكانت داليا واقفه ع باب الشقه ودخلوا الاتنين مع بعض واول لما

دخلوا ياسر حضن داليا وداليا مستسلمه لياسر وكل اللى فى بالها عقده امها وقالت فين اوضه النوم وياسر كان زى الكلب اللى فى ايده عضمه وداليا دخلت اوضه النوم وفتحت شنطتها ولبست قميص نوم ابيض وقالت ووقفت قصاد المرايا ورشت برفن مثير وقالت بكل دلع وانوثه ياسر ادخل وياسر سمع صوتها ودخل عليها وقال……




رواية أنا وامي بقلم كوكي سامح (كاملة)
الفصل الخامس
ودخل ياسر وشاف داليا جميله ومغريه ومسك ايدها وقالها انتى خلاص بقيتى كل حاجه ليه انا بحبك يا داليا وداليا حضنت ياسر وقالت انا كلى ليك وياسر قرب منها وحضن داليا من كل قلبه وداليا قالت فى سرها انا اول مره احس بالحضن ده ده بيحبنى بجد وياسر قرب منها وخدها على السرير ونام فى حضن داليا وتمت علاقه كامله ما بينهم………….
ياسر : معقووول انا كنت فاكر انك!!
داليا : اه انى مش بنت صح لأ اطمن انا محدش لمسنى
ياسر : ازاى مع انك جريئه اوى
داليا : المهم انا بحبك اوى اوى
ياسر : انا كمان بحبك بس هنعمل ايه دلوقتى
داليا : قصدك نشوى
ياسر : اه
داليا : خليها على وضعها
ياسر : ازاى يعنى انا هسيبها مقدرش اسيبك انتى انا كده ضعيتك

داليا : هههه انا ضايعه من زمان عارف انا تعبت من دنيتى ساعات لا على طول بحس انى عاوزه امووت وارتاح
ياسر : بعد الشر عليكى يا حبيبتى تموتى ده انا اموت وراكى
داليا : بيتهيئلك كان ابويا مات بعد امى
وداليا قامت من على السرير وفتحت شنطتها وطلعت علبه سجاير وابتدت تدخن
ياسر قام وقالها ايه ده انتى بدخنى
داليا : اه عادى على فكره 🤔 هو عيب دى حريه شخصيه
ياسر : المهم احكيلى ايه مضايقك وابتدت داليا تفضفض مع ياسر وقالت انا هقولك على سر ويمكن تغير رأيك وتبعد عنى خالص

ياسر : عمرى ما هبعد عنك اصلا انتى احسن من ناس كتير
داليا وطت صوتها وقربت من ياسر وقالت عارف انا ماما كانت خاينه وكمان كانت بتشتغل فى بيت مشبهوه ايه رأيك
ياسر : مامتك معقول
داليا : اه معقول ده انا شوفتوا بعينى وحياتك وبابا رماها ومعرفش عنها حاجه لحد دلوقتى ومش عاوزه اعرف

ياسر : يااه صعب بس انتى مالك المفروض انتى تكونى احسن منها

داليا : احسن من مين ده احنا اتفضحنا فى كل مكان وسيرتنا بقت على كل لسان 😂 وانت بتقولى عادى..
ياسر : حبيبتى هى خلاص راحت ومحدش يعرف حاجه عنها ودلوقتى انتى هتبقى منى انا مش هبعد عنك ومش هسيبك ابدا ولازم تتغيرى وتغيرى الفكره اللى فى دماغك دى 😒
داليا : معقول انت هتعوضنى طيب ونشوى
ياسر : انا ونشوى بيكى او من غيرك كنا هنسيب بعض
احنا مش متفاهمين من الأساس انا عاوزك وبحبك ومش هسيبك

وياسر خد داليا فى حضنه ونام فى حضنها وكانت مبسوطه وداليا حست ان الدنيا اتغيرت وابتدت تضحك ليها

وياسر قال لداليا يلا البسى علشان نمشى وتروحى البيت بدرى وانا هكلمك بالليل وفعلا داليا روحت وكانت مبسوطه جدا ولقت باباها قاعد وقالها انه عاوز يتكلم معاها بس داليا قالت إنها تعبانه ودخلت اوضتها وكلمت ياسر وقفلت معاه وغيرت هدومها وكلمت ياسر تانى ڤيديو وفضلوا يتكلموا لحد الصبح لحد ما ياسر طلب منها انه يعرفها على عيلته اخته ومامته وباباه وداليا فرحت وقالت طيب ونشوى بس ياسر قالها انه برحته وده شئ يخصه ومحدش من عيلته لى حكم عليه هو اللى هيتجوز وقالها هما هيكونوا فالنادى الصبح وطلب منها تكون هناك وقفل معاها وفى صباح اليوم التالى داليا صحيت ع صوت ياسر وقالها انهم فالنادى ومكنش عامل حساب نشوى وياريت متجيش لان نشوى موجوده وهو اتفاجئ بيها مع اخته

وداليا زعلت وقالت لياسر انها هتنام وقفلت معاه مضايقه ونامت من الزعل وبعد ساعتين وداليا نايمه ياسر اتصل بيها وقالها ان نشوى مشيت وانها تقوم تلبس وهو مستنيها علشان خاطر متزعلش وقالها فى ليها مفجأه وداليا قامت مبسوطه من السرير ولبست هدومها وقالت لنفسها ازاى تعيش العمر ده كله معقده نفسيا وقالت إنها ضيعت عمرها كله فى انها تفكر ازاى تبقى زى امها وقالت انا مش زيها انا خربت على نشوى بس انا حبيت ياسر والله انا من جوايا كويسه ولبست ونزلت وياسر ومامته واخته وباباه قاعدين فالنادى وداليا فالطريق واول لما وصلت كلمت ياسر علشان يخرج هى واقفه بره وفعلا ياسر قام وخرج علشان داليا

مستنياه ولما خرج ابتسم لداليا ومسك ايدها وهى كمان مسكت ايده ودخلوا جوه النادى وكانت مامته وباباه واخته قاعدين وياسر ماسك ايد داليا وخلاص قربوا من ترابيزتهم ولما قربوا داليا بصت فالارض وكانت مكسوفه وياسر قال دى داليا يا ماما اللى حكيت لكم عليها ومامت ياسر وقفت وقالت ازيك يا حبيبتى وداليا بصت وقالت مين ماما….



الفصل السادس
وداليا اتصدمت وقالت مين ماما بس بصوت واطى وياسر مسمعش حاجه وداليا قالت فى سرها شكلها معرفتنيش بس انا فى مصيبه معقول ياسر اخويا 😭 هتصرف ازاى
ياسر : ماما دى البنت اللى كلمتك عليها ماما
الام ابتسمت ابتسامه عريضه وقالت اهلا يا حبيبتى انتى بقى اللى ياسر جايب فى سيرتها ليل نهار
داليا قالت بصوت مبحوح ازى حضرتك
الام : تعالى اققعدى جمبى

ياسر : شكلكم كده هتحبوا بعض خالص انا فرحان اوى يا ماما
داليا : انا عاوزه أمشى عن اذنكم
الام : مالك يا حبيبتى مش عاوزه تقعدى معانا ولا ايه
ياسر : استنى ناكل طيب يا داليا
داليا قامت وقفت وقالت يلا يا ياسر وقالت عن اذنك يا طنط
وقالت فى سرها منك لله عقدتينى وانا صغيره والكل بيقول عليه خرابه بيوت زيك انا حاولت اكون زيك مقدرتش إنما ياسر ذنبه ايه ده طلع اخويا
ياسر : داليا انا مضايق منك اوى انتى احرجتيني بجد
داليا : انا تعبانه يا ياسر

وياسر بيمسك ايد داليا بس داليا بعدت عنه وقالت ياسر انت عندك كام سنه بس ياسر قالها اه انا مش عجوز متخافيش مش انتى اكيد من سن نشوى يعنى عندك 22 سنه صح كده
داليا : اه انت بقى عندك كام سنه
ياسر : قولى انتى كام سنه على فكره انا طويل وعريض اه بس اوعى تظلمينى انا سن صغير

داليا قالت بصوت عالى اخلص بقى اممم اسفه قصدى عندك كام سنه
ياسر : براحه عليه شويه هو موضوع السن شغلك فى ايه 🤔😁
داليا : خلاص مش عاوزه اعرف
ياسر : عندى 24 سنه ارتحتى لسه صغير اهو 😂
داليا : بجد😍

وداليا قالت فى سرها الحمد لله بس ازاى بيقول لماما يا ماما اكيد هى مرات باباه
داليا : بحبك اوى يا حبيبى
ياسر : بس انا حاسس انك مضايقه مش عارف فى ايه
داليا : لا لا مفيش حاجه
وداليا اطمنت على الآخر ان ياسر مش اخوها وياسر وصلها لحد البيت وداليا طلعت وكانت متعصبه ولقت زيزى مرات ابوها قاعده مع باباها وقالت مالكم قاعدين كده ليه فى حاجه
الاب : العريس هيكون عندنا يوم الجمعه ان شاء الله وياريت تجهزى وانزلى اشترى طقم جديد
زيزى : ده عليه انا

داليا قالت بكل وقاحه ايه ده انتوا بتغنوا وتردوا على بعض

زيزى : داليا عيب كده
الاب : انتى ازاى تتكلمى معانا كده انتى فعلا قليله الأدب
داليا : قالت بصوت عالى انا مش هتجوز ومش عاوزه عرسان من الاخر فى شاب هيتقدملى وانا بحبه وهو كمان بيحبنى ودخلت اوضتها بس لما دخلت اوضتها قعدت على السرير وفضلت تعيط وقالت ازاى امى ده انا معرفش عنك حاجه معقول دى ام دى حتى معرفتش بنتها ليه يارب تجمعنى بيها وكمان عن طريق ياسر اللى بحبه احن قلب عليه انا حسيت معاه بالأمان مش كفايه اللى حصل لنا بسببك
وياسر اتصل بيها بس داليا مردتش وراحت فالنوم وقامت على صوت زيزى بتقول انهم مسافرين وقالت انا مش هسافر معاكوا

زيزى : داليا انا وبابا هنروح يومين الاسكندريه علشان شغل باباكى ومش هنتأخر وياريت تشيلى الأوهام اللى فى دماغك ابوكى هيزعل منك العريس هيجى يوم الجمعه لسه قدامك 6 ايام فكرى وقابليه بس ويمكن يعجبك وخلى بالك من اخوكى مصطفى
وزيزى خرجت من الاوضه وكانوا جاهزين ونزلت هى ومحمد جوزها وسافروا
وداليا قالت ده حتى مسلمش عليه يلا يعنى هى جت عليه
واتصلت ب ياسر وعرف ان عندها فالبيت مسافرين وطلب منها ان يقابلها فالشقه الساعه 8 بالليل وداليا وافقت وكانت فرحانه والوقت عدى والساعه دقت 7 بالليل وداليا قامت تجهز نفسها ودخلت المطبخ تعمل نسكافيه واتصلت ب ياسر وقالت يعدى عليها تحت البيت ع 8 لأنها مش هتروح الشقه لوحدها وقفلت معاه وهى بتعمل النسكافيه جرس الباب رن وقالت يا ترى مين وفتحت الباب وقالت ماما
الام : ايوه امك وابعدى عن ياسر ده اخوكى
داليا : اخويا ازاى هههههه انتى مجنونه صح
الام : اخرسى

داليا : فهمينى اخويا ازاى
الام قالت انا بقولك ياسر اخوكى ابعدى عنه
داليا قالت يا شيخه ارحمينى انتى عقدتينى فى حياتى وعيشتى وكمان بتبعدينى عن الإنسان اللى بحبه كلنا تعبنا بسببك واتعقدنا وبابا ساب شغله وبيته بسببك وغير فضيحتنا اللى بقت على كل لسان
الا : والله يا محمد عرفت تربى بنتى واقفه قصادى وش بوش
داليا : انا بذرتك الوسخه والا افكرك

الام مسكت داليا من ايدها وقالت لها بذرتى الوسخه يا كلبه وقالت بصوت عالى ابعدى عن ياسر بقولك ده بيحبك ده اخوكى اخوكى
والأم قعدت وفضلت تعيط وقالت ياسر اخوكى انا هقولك على كل حاجه…..



الفصل السابع
وداليا قالت مش اخويا والام قالت ده اخوكى انا هحكيلك على كل حاجه وقالت انا قبل ما اتجوز ابوكى داليا قطعتها فالكلام وقالت مش عاوزه اسمع حاجه بقولك خلاص مبقاش ينفع
الام : هو ايه اللى مبقاش ينفع
داليا : انا وياسر بنحب بعض ومش هتسيب بعض
الام : انتى مجنونه بقولك ده اخوكى ابعدى عنه
داليا : مش هبعد بقولك بحبه

الام : انتى قذره
داليا قالت بصوت عالى مش اكتر منك انا اتعلمت منك القذاره
الام ضربت داليا بعزم ما فيها بالقلم وقالت يا بنتى بقولك ده اخوكى
داليا : مش اخويا ومش هسمع حاجه تانيه
وداليا راحت لحد الباب وفتحته وقالت اتفضلى اطلعى بره ومش عاوزه اسمع منك حاجه تانى
الام قفلت الباب وقالت هتسمعى غصب عنك انا بقولك ياسر اخوكى

الام : انا قبل ما اتجوز ابوكى بكام سنه عرفت هدى وكانت فى وقتها لسه شابه بس كانت بنت طبعها غريب تخرج كتير وتشرب سجاير وتلبس قصير وده كان جديد عليه وانا كنت حلوه واتصحبنا على بعض وكل يوم كان بيعدى علينا كنت بحس انها زى اختى واكتر لحد ما فى يوم كنا سهرانين ومعانا شلتها وكان من ضمنهم ابو ياسر وطلبت منى اشرب وكانت هنا الكارثه انا شربت وسكرت لأن كان جديد عليه سكرت من تانى كأس وكل ده كان كمين ليه لحد ما فى واحد فيهم اغتصبنى وكنت فريسه ليهم وبعد كده مقدرتش اصدها فى اى حاجه كانت بتهددنى وغصب عنى اشتغلت معاها فى شقق مشبهوهه لحد ما فى يوم ابو ياسر قالى انه معجب بيه وقالى انى انا بنت ناس ازاى اعرف الناس دى 😒

وحبيته وهو كمان حبنى اوى وحصلت بينا علاقه وحملت فى ياسر بس رغم حبه ليه رفض الحمل وطلب منى اسقطه وانا مصدقتش نفسى لأنى كنت حسيت بالأمان اخيرا لقيت الإنسان اللى هيخاف عليه بس رفض الحمل وانهار وقالى ان ده اخر ما بينا وانا تعبت اوى كنت لسه فى اول الحمل كنت اسهر معاهم واروح البيت تعبانه وحكيت ل هدى اللى حصل وانى حامل وقالت إنها تعرف دكتور يعملى عمليه إجهاض

وانا وافقت بس طلبت منى بعد ما اجهض افضل اشتغل معاها فى شقتها المشبوهه انا وافقت غصب عنى
داليا : ايه اللى بسمعه ده انتى ازاى كده
الام : وانا مش بنى ادمه انا غلطت وكنت خايفه على أهلى واخواتى انا مكنتش بنام الليل وبفكر هعمل ايه فى مصيبتى وحتى لو حصل إجهاض هعمل ايه فى هدى اللى مسكت عليه ذله كله منها انا جه عليه وقت فكرت فيه انى اقتلها واهرب وساعات كنت بقول السجن احسن من اللى انا فيه بكتير بس كنت خايفه على اخواتى من الفضايح
داليا : تخافى من الفضايح يعنى هو الحمل المشكله مش كفايا الشقق المشبوهه 🤔🤣
الام : انا كنت صغيره واضحك عليه

داليا : وانا كمان اضحك عليه عادى بسيطه 😁😂
الام : سبينى اكمل وانتى هتفهمى كل حاجه وهدى طبعا بقت بالنسبه ليه الأخت اللى هتنقذنى من الحمل لحد ما بقيت فالشهر التانى وابتديت احس بأعراض الحمل وكلمت هدى علشان اروح للدكتور علشان العمليه بس كانت عندها حاله وفاه امها ماتت وطبعا انا احترت ومبقتش عارفه اعمل ايه 😒 ملقتش قدامى غير حل واحد وهو….


الفصل الثامن
والأم قالت مكنش فى غير حل واحد وقالت كلمت سوسن خالتك ولأنها كانت متجوزه فى بلد تانيه وجوزها مسافر قولتلها على كل حاجه وطلبت منى اعيش معاها لحد ما اولد وفعلا ولدت ياسر وبعدها بشهر ابوكى اتقدملى ووافقت على الجواز واختى سترت عليه وقالت إنها هتتصرف وطلبت منى انا وهى نروح لأبو ياسر وفعلا روحت وانا مخطوبه وخد
ياسر منى ما هو ابنه بس شرطه الوحيد انى ابعد عنهم خالص وانا وافقت واتجوزت ابوكى بعدها ولما حصلت المشاكل وابوكى طردنى عرفت ان مرات ابو ياسر اتوفت وهى بتولد وماتت هى والجنين وابو ياسر عرف انى اطلقت وطلب منى يتجوزنى وفعلا اتجوزنا وربيت ابنى وياسر وخلفت بنت منه بس ياسر اخوكى صدقينى يا داليا
داليا : وانا المطلوب منى أصدق صح طيب خودى عندك مبقاش ينفع 😒
الام : بقولك ابعدى عن ياسر

والساعه دقت 8 وفون داليا رن وقالت انا هرد اطمن ياسر عليه واوعى تتكلمى معاه فى اى حاجه اسكتى خالص وفعلا داليا رددت عالفون وياسر قالها انه مستنى على أول الشارع ولازم تنزل وداليا قالت ربع ساعه وانزل اسفه لسه مجهزتش وياسر قالها انا مستنى فالعربيه وقفلت معاه
والأم متحيره وخايفه وقالت بصوت عالى ابعدى عن ياسر يا داليا وده اخر كلام
داليا : انا هلبس وانزل علشان ياسر مستنى ولو سمحت متتكلميش معاه فى اى حاجه
الام : انا مش هسيبك تغلطى زى يا بنتى
داليا : بنتك ههههه اللى رمتيها وحتى مسألتيش عليها
وداليا دخلت اوضه النوم ولبست وقالت لو سمحت انا نازله وخليكى هنا انا مش هتأخر
الام : هتروحى فين

داليا بصت لأمها بصه غريبه وعنيها دمعت وقالت متخافيش عليه انا زيك بالظبط بمناسبه انك ام!؟ انتى حتى مسألتيش على ابنك مصطفى 😂
وداليا فتحت الباب ومشيت علشان تنزل لياسر وفعلا داليا نزلت ولقت ياسر واقف بعربيته على أول الشارع
وضحكت وقالت ازيك يا ياسر وحشتنى
ياسر : مالك فيكى ايه انتى بتعيطى
داليا : 😭 انهارت وقالت انا تعبانه ومحدش حاسس بيه انا يتيمه من صغرى عمرى ما حسيت ان فى حد بيحبنى حتى ابويا وحتى امى اللى معرفش عنها حاجه 😢 انا مليش حد انا مظلومه من يوم ما جيت الدنيا دى وبطلب من ربنا رحمته انا تعبانه اوى يا ياسر
ياسر حضن داليا وقالها متخافيش وداليا بعدت عنه وقالت لأ ابعد عنى يا ياسر مبقاش ينفع مبقاش ينفع 😒
ياسر : طيب اهدى واركبى
داليا : حاضر

وداليا ركبت معاه وكانت نفسيتها مدمره وياسر ابتدى يسوق وداليا بتعيط والام فالبيت مستنيه داليا ترجع
وياسر وقف بالعربيه وقال لداليا انه هيجيب سجاير وفعلا اشترى سجاير ورجع وركب العربيه وداليا منهاره وقالت فى سرها انا اللى زى لازم يموت وفجأه وياسر سايق ومش واخد باله فتحت باب العربيه ورمت نفسها…..



الفصل التاسع
وداليا رمت نفسها من العربيه ياسر شافها اتخض ووقف العربيه بس كانت داليا خلاص وقعت تحت العربيه وياسر نزل وكانت الناس ابتدت تتلم وسألت ياسر هو يعرفها ياسر قالهم خطيبتى وخدها فالعربيه واتصل بأمه علشان يقولها الخبر المفزع ده
الام : ايه ده ياسر بيتصل اومال داليا مرجعتش ليه مش عارفه ارد ولا لا خايفه ارد ياسر يعرف حاجه او يكون عرف
وقالت انا هرد ورددت لقت ياسر بيقول بصوت عالى وكان منهار الحقى يا ماما داليا رمت نفسها من العربيه
الام : داليا معقول طيب ازاى وهى عامله ايه
ياسر : انا رايح بيها ع المستشفى دلوقتى انا لوحدى ارجوكى تعالى انتى وبابا

الام : قول العنوان انا مش فالبيت بس جايه دلوقت
وفعلا ياسر قال لأمه العنوان وامه نزلت وقفلت باب الشقه ونزلت جرى تروح عالمستشفى وياسر فى طريقه ل داليا ووصل المستشفى وداليا كانت رايحه فى دنيا تانيه وحالتها صعبه اوى ودخلت المستشفى والدكتور قال ل ياسر ان حالتها صعبه والام كانت وصلت وقالت ل ياسر طمنى داليا عامله ايه بس ياسر كان منهار والام قالت للدكتور يطننها على داليا والدكتور دخل لداليا وكانت فاقت بس حالتها سيئه وداليا طلبت ياسر والدكتور قالها ممنوع الكلام بس داليا صممت والدكتور خرج وقال لياسر داليا عاوزاك وياسر دخل الغرفه وداليا نايمه وحالتها سيئه

ياسر : ليه يا داليا بتعملى كده انا بحبك هتبقى كويسه وهتعيشى يا داليا ده انا قولت لماما وجت جرى علشان تشوفك
داليا : هى طنط معاك خليها تتدخل ارجوك يا ياسر عاوزه اتكلم معاها ممكن
ياسر : ارجوكى الكلام مش حلو علشانك
داليا : ارجوك عاوزه اتكلم معاها
وفعلا ياسر خرج وشاف امه قاعده ومنهاره وياسر قالها ان داليا عاوزاها ضرورى

والأم دخلت ومسكت ايد داليا وقالت داليا ايه اللى جرالك
داليا قالت بصوت مكسور وتعبان ومش قادره تتكلم وقالت انتى حتى مقولتيش بنتى 😭

الام : 😢😢😢
داليا : مش عاوزاكى تتكلمى خالص اسمعينى مفيش وقت
الام : انتى هتعيشى
داليا : انا عمرى ما حسيت انك أم من صغرى وانا بشوفك بتكدبى ومكنتش بفهم بس دلوقتى فهمت انك ست خاينه لأولادك وجوزك ابعدى عن اخويا مصطفى سبيه بريئ زى ما هو مش عاوزاه يعرفك وياريت ياسر ميعرفش انك امى وانا اخته ياسر اتظلم وانا كمان علشان ست خاينه وكذابه زيك انا مكنتش اعرف انه اخويا ولا هو كمان والعيب منك مش

عاوزه ياسر يعرف حاجه علشان يقدر يعيش ويشيل ذنب مش ذنبه ولا ذنبى ويكمل حياته لو عاوزه تعملى خير فيه ابعدى عن اخويا ومش هقول غير ربنا يوفق ياسر فى حياته الجايه انا دلوقتى بين ايد ربنا وبطلب منه الرحمه بس عمرى ما هسمحك علشان انتى كنتى سبب ضياعى وياريت تبعدى عن مصطفى
الام : هتعيشى يا داليا 😭 والغلط منى يا بنتى
بس داليا لفظت أنفاسها الأخيره وماتت داليا مظلومه ومحرومه

الام : قالت بأعلى صوت داليا قومى يا بنتى انتى مموتيش انتى هتعيشى يا حبيبتى
وياسر سمع امه بتصوت ودخل وقال لا لا 😭 داليا عايشه وفضل يعيط وقال لأمه لازم اكلم حد من اهل داليا وراح اتصل بنشوى خطيبته وقال لها أن داليا عملت حادثه وماتت وخد منها رقم زيزى مرات ابو داليا وياسر اتصل بيها ونزل الخبر عليها كالصاعقه وقالت لأبوها داليا ان بنته فالمستشفى ميته وعملت حادثه والام وياسر فالمستشفى قاعدين مستنين حد من اهل داليا

زيزى اتحركت هى وابو داليا على المستشفى ومش مصدقين وزيزى قالت فى سرها سبحان الله البنت دى عاشت تعيسه وماتت تعيسه انا عمرها ما سمعتها بتقول لأبوها يا بابا دى كانت بنت معقده وعمرها ما سمعت لينا كلمه الله يرحمها وابو داليا زعلان وحزين ع فراق بنته
وفالمستشفى
تليفون ياسر رن




الفصل العاشر والاخيرة
تليفون ياسر رن
ياسر : ده رقم مامت داليا دى زيزى مرات ابوها ورد عليها وعرف انهم فالطريق
الام قالت فى سرها انا لازم أمشى علشان وصيه داليا وقالت لياسر انها ماشيه وفعلا مشيت
وياسر فضل جمب داليا لحد ما ابوها وصل وزيزى واخوها مصطفى
زيزى : حضرتك اللى كلمتنى فالتليفون هى داليا عملت حادثه ازاى
ياسر : رمت نفسها من العربيه بس كانت نفسيتها وحشه اوى
الاب قال بصوت منخفض وحزين ومكسور حبيبتى بنتى ماتت دى لسه صغيره ربنا يرحمها
ياسر : ربنا يصبرنا كلنا يا عمى 😭
الاب: انت زميل داليا يا ابنى
ياسر : اه اه زميلهم

زيزى : طيب فى إجراءات لازم تتم علشان الدفن
ياسر : بس حضرتك فى بيانات لازم المستشفى تعرفها
الاب : انا مش عارف حاجه انا تايهه
زيزى قالت بصوت واطى لابوه داليا لازم امها تعرف
الاب : لأ لأ انا مش هيجمعنى بيها مكان تانى الخاينه
ياسر : لو سمحت يا عمى ممكن تيجى معايا علشان الإجراءات وتصريح الدفن وانا هكون مع حضرتك وفعلا الاب راح معاه والأب ابتدى يقول البيانات وياسر واقف والأب قال اسمه واسم ام داليا وقال ماما معقول ده اسم امى
والأب عمل الإجراءات واتصل بعيلته كلها بس ياسر قاله يا عمى ممكن سؤال
الاب : اتفضل يا ابنى

ياسر : داليا قبل كده قالت إن مدام زيزى مش امها هى مرات ابوها مش المفروض ان ام داليا الحقيقه تحضر وتشوف بنتها
الاب : امها ماتت من زمان وارجوك دى خصوصيات عن اذنك
وتمت مراسم دفن داليا 😭 وحياتها انتهت
وياسر ركب عربيته وفضل يفكر فى كل حاجه حصلت وقال علشان كده داليا موتت نفسها عرفت اننا اخوات 😭 وكمان طلبت تكلم ماما رغم أنها متعرفهاش ومتكلموش مع بعض غير مره واحده
وراح البيت حزين والدموع فى عينه واول ما دخل قال لأمه انتى مش ام رميتى بنتك وهربتى من المستشفى علشان محدش يعرفك بس انا عرفت كل حاجه وانا وداليا دفعنا ذنب عمايلك الوسخه
الام : اسكت خالص انا اللى فيه مكفينى 😭
ياسر : ازى متدفنيش بنتك عالاققل اخر حاجه يمكن كانت تفرحها انتى مش أم
الام : ارحمونا

ياسر : انتى سبتى بنتك من صغرها وحيده حتى فى موتها وحيده
الام : دى وصيتها
ياسر : لا انتى خوفتى خلاص داليا ماتت 😭😭😭😭وعلاقه بيكى ماتت
وبعد مرور شهور ياسر استقر مع نشوى واتجوزوا وعلاقته مع امه يدوب قدام الناس عالهامش بس لأنه استحقرها وداليا ماتت والام عاشت مقهورة لحد ما فى يوم تعبت واتوفت بأزمه قلبيه..
وياسر عاش حياته مع نشوى بس كان بيزور قبر داليا عالطول ويطلب من ربنا المغفره لأمه ولداليا وانتهت القصه 😍

الام بالنسبه ليه شعب عظيم💪 ولينا كلنا وقدووووه وياريت تحت كلمه شعب وقدووووه خط أحمر🤚
وياريت كل ام تعرف انها قدووه لأبنتها وابنها وجوزها وهى فعلا عمود البيت متقلش عن الراجل حاجه ويمكن هى اكتر كمان هى اللى بتربى وتكبر 👌
خلى بالك بنتك ابنك من سن ال3 سنين اعتبريه جهاز مخابرات بيسجل كل حاجه وبتفضل فى الذاكره لحد ما بيكبروا لحد ما الرؤيه توضح وطبعا ده بيعتمد على الفكره اللى كونها عنك إذا كانت كويسه او سيئه

عموما خلوا بالكم من أولادكم دول امانه فى رقبتكم لأن الغلطه منكم مهما كانت صغيره عند الطفل هى كبيره اوى خليكم قدوه حسنه
الاولاد زرعه اذا كانت صالحه الحصاد هيكون خير ويعم عليكم بالسعاده 😍🌷
ربنا يسعدكم ويصلح حالكم 😘




هل اعجبك الموضوع :

تعليقات