القائمة الرئيسية

الصفحات

أحدث الروايات

أقبلى .. فقد انطلقَ الآنَ مدفعُ الحياةِ .. يا أنتِ كعك الحب .. خالد عاطف ابوالعزم

خالد عاطف ابوالعزم
أقبلى .. فقد انطلقَ الآنَ مدفعُ الحياةِ .. يا أنتِ .
                    كعك الحب .. خالد عاطف ابوالعزم

               ==========
ف عنيكى وقف قمرين .. 
من خلف جفون .. ورموش !!
ب يخانقوا ف قلبى بقوه ..
ومين ح يحوش !!
الدنيا تدور بالقلب دواير 
والحَر .. أشوفه ف عز يناير !
متكتّف .. لكن جوّه عيونك طاير !
وف بعدك اشوف الدنيا حاجات تانيه 
المطر المستقوى ف يونيه !
والتلج ف عز الشمس ب ينزل ..
ويخبّط ع الشيش !
ويقول لى شبعت غرام ؟ ..
وأرد : جعان .. ومافيش
قرّبت أشيل أحلامى ..
واهيم ف بلاد الشوق .. درويش
وأخبَّط 
واسمع صوت الخَبط .. بدون أبواب !
وأسجّل إسمى ف ألف كتاب وكتاب 
خدعتنى عيونك لمّا قالت لى ان احنا اصحاب 
وانها شايلالى نصيب .. من كعك الحب 
 إن انا على كفّه .. أكيد ح تطُب 
إنى الكسبان 
- من غير تدليس ولاغش -
أنا دايماً ب آجى بنفس الوش 
ماصبغتش شعرى الأبيض .. لون الهم 
ولاقلبى وديعه ف بنك الدم 
انا عمر من الطرقات .. اتلّم
واتحط ف ايده كَلبش .. 
وليكى اتساق ! .
من غير مايدوق ..
من كل الدنيا اتداق ! .
واذا فكَّر ينطق .. واقف ألف شاويش 
أوقات الحب .. ب يشبه قرش حشيش 
أنا كنت رادار .. تحت التشويش 
وصحيت على ضيك .. 
مش عارف اناواقف فين !!
أنا جىّ بوشّى العادى  
والدنيا بوشّين !!
تتزرع الضلمه .. أشوف عينك  
طَرَحِت  قمرين !! .
هل اعجبك الموضوع :

تعليقات