القائمة الرئيسية

الصفحات

أحدث الروايات

..سباق مع الأوجاع ✍ هدى النحاس

.....سباق مع الأوجاع ✍ هدى النحاس

وكأني مع الأوجاع في سباق
ووصلت معاها ل بر فراق
وكأني وقفت على دماغها  
 من حُرقه قلبي بدغدغها 
وفضلت أراقب  أوضاعها 
يمكن   تتعب أو  أضيعها
فأضغط علي نفسي وأقطعها 
لكن وبرغم إني مضيت
 علي عقد رحيلها وحسيت
 بمشاعر تبني أجمل بيت
رجعت بألمها وبخداعها
قامت تستعرض إبداعها 
وكأني رجعت لأول خيط 
وفضلت أتخبط أنا ف الحيط 
واتلخبط فى خداعها وطبيت
وطلبت استسمح حضرتها
تنساني  وتحرق  عفاريتها
كل الأوجاع  عملت حَضرة 
الزار  بالشمع ونار حاضرة 
والدم أهوه  ساح وسط الخضرة
والحسرة  بتدينا   محاضرة
خَلصت الزار  والعقل أهوه طار 
ومفيش ف الدار غير  الزوار 
وفضلت أتمرمغ مش قادرة
وكأن الدنيا خلاص ضاقت
عَماله بتخنق فى وريدي
أنا شوفت الموت مَديت إيدي 
بترجي سيادة ينجيني يخبيني
 لو حكمت عوزاه  يناسيني 
إن أنا  إنسان   بحلم    بأمان 
.....دا الكون  غضبان 
 حالف ع    المر    يرسيني
....      ........   ........  ....
                             ✍ هدى النحاس
هل اعجبك الموضوع :

تعليقات