القائمة الرئيسية

الصفحات

أحدث الروايات

أخدت قرار ✍ هدى النحاس

أخدت قرار 
دا ف الغالب بيوجعني
وضيق عمره ما يساعني
بيكسر فيا ميت معني
وزود  ف الليالي  مرار 
برغم إن الحنين عادل
وبيحارب   وبيناضل 
وبيضحي ومش قادر
يِطفي جوه قلبي  النار
هأكون منصف لافكاري
وأكون  المجني والجاني 
وهظلم  حتي  وجداني
ودمر حلم شوفته عَمَار
َهَفجرً  شُعلة خانها الود 
هغير فى الحدود ميت حد 
ولا هأبقي ف يوم علي حد
وهزرع   شطي  بالاسرار 
أنا رافض أعيش  عادي
وأضَيع  عمري ع  الفاضي
 وهأعلن حرب ع الماضي 
وهبعت  بالغيوم   إنذار 
ضمير اليقظة صحيته
وطهرته       ووضيته 
وباب  الجرح   رديته 
 وسديت  الهوي  الغدار
 نظام  الطبطبه  راحل 
خلاص  عديته  بمراحل 
دهنت  القلب  لون كاحل
وعديت   سكة   الأعذار
........أخدت قرار
                                 ✍ هدى النحاس

هل اعجبك الموضوع :

تعليقات