أحن إليك فيضحك كل تكويني ✍ هدى النحاس

.......أحن إليك 

 فيضحك كل تكويني

ويفرح نبض شراييني

وتلمع دنيتي ف عيني

وأنسي البعد والمسافات

........أحن إليك 

فيظهر لي شريط ذكري   

معاها تعيش أوام فكره 

يطمني  الأمل   بكره

هيجي ونحضن الدقات

........بدون إدراك 

بَدور عجلة الماضي 

.....وأتوه وياك

وأشوف طيفك 

.....وأحس هواك 

وألمس  جلد   أحلامنا

 فتتفتح  عيون  السد 

ويجري  نهر  أشواقنا

...... لأبعد حد

وأشوف صورتك 

...قصاد عيني 

بتحضن فى الرموش

...... والخد

سواد النن بيك حاسس 

وبيلامس شفايفك  جَد  

تأخدني ...لهفتي ....ونطلع 

نسامر  في  النجوم  ونعد   

رسالة حُب ببعتها تناديلك 

تضم حروفها كام شَكوي

لكن   والله  أنا   قلبي

.... علي  دينك

وبترجيَ رياح  الحب 

.......تدعيلك

ولو حتي هأكون ذكري

أنا فاكره  خيوط  الود 

......مش ناكره

رسالة حب جواها 

..حروف ساكنه 

لكن تسمع ف أركانها 

.....كتير أصوات 

تدور  الدنيا ف عيوني 

بدون ......مقاسات 

وأشوف الجاي  والحاضر 

........وعالم فات

.....فلو ممكن

 تنادي مرة من قلبك

وتسمع   للحنين   بالذات  

وتدخل   مخزن  الماضي

 وراجع  دفتر  الحكايات 

حضور فرعوني وتاريخه

 بيحفر جوه قلبي رقات

تروس العشق   تتشبك  

........وتتعشق

وتخلط دمنا ف كاسات  

........أحن إليك

                          ✍ هدى النحاس

تعديل المقال